Apocalipsis 19:9 - Biblia

⁹ Jare pëti araɨwa jei chewe: “Ikuatía kua ñee: ‘Owecha kuimbae taurusu wae umenda oï, jare uyapɨkatu ma tembiu ikawiete wae uyekou reta waerä jese. Uyekouete ñonoï Tumpa uparea chupe reta wae.’ Jukuärái ikuatía.” Jare jei wi chewe: “Kua ñee añetete ko. Tumpa iñee etei ko,” jei.

Guaraní Pe (Western): Simba

⁹ Jare penti ángel jei cheve: —Icuatía cuarãi: Ovecha-raɨ umenda yave, Tumpa uiparavota amocue vae ucaru vaerã jae ndive. Uyerovia eteta jocua reta —jei—. Cua ñee Tumpa iñee etei co —jei.

Apocalipsis 19:9 Iomraidhean Croise

San Lucas 22:16

“Che tae pewe, ndarau ye ma jau kua nunga tembiu Tumpa oï rewa opaete wae imburuwicha wasurä jaeño mái pewa. Jayawe ramo opaete kua tembiu uyembɨjaanga oï jese wae opa kawita uyeyapo,” jei chupe reta.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.

1 Timoteo 4:9

Jokua ñee añetete ko, jare ikawi ko opaete wae wɨrowia waerä jese.

2 Timoteo 2:11

Ime pëti ñee añetete wae. Jae ko kua: Cristo ndiwe ñamano ma yawe, jae ndiwe wi yaikowe yeta ñaï.

Tito 3:8

Jokua ñee añetete ko. Jáeramo awɨye ndekueri ndeporomboe waerä jese. Echa’ä jukuärái opaete Tumpa re wɨrowia wae reta uñemɨatangätuta jekuaeño uyapo reta waerä mbaembae ikawi waeño.

Apocalipsis 1:1

Kua tupapire pe Juan uikuaaka yandewe jokua mbaembae reta uasata oï ɨmambaeño wae. YandeRu Tumpa etei uikuaaka kua mbaembae Jesucristo pe jae uikuaaka yuapɨ ye waerä yandewe Juan rupi. Juan uyeyokui kawi Jesucristo pe. Jayawe Jesucristo ombou pëti araɨwa Juan pe, jare jokua araɨwa uechaka chupe kua mbaembae uyeyapota oï wae. Jare añawe Juan uikuaaka oï yandewe, yande Cristo pe yayeyokui wae reta pe, opaete mbaembae jae uecha wae. Kua ñee Tumpa iñee etei ko, jare jokua etei ko Jesucristo uikuaaka.

Apocalipsis 1:19

“Añawe ikuatía kua mbaembae ndecha wae. Jare che aipota ndikuatía waerä wi ïru mbaembae reta añawe aechakata aï ndewe wae – jae ko mbaembae añawe uyeyapo oï wae jare taɨkue rupi uyeyapota oï kuri wae,” jei chewe.

Apocalipsis 10:4

Jare chiu wese ma ara jɨapu yawe, che aikuatiata ma aiko tëi kua ayandu wae. Erëi ara wi ayandu jei chewe: “Awɨye ikuatía jokua chiu wese ara jɨapu uyendu ndewe wae. Ndeeño ko ndikuaata,” jei.

Apocalipsis 14:13

Jayawe ayandu ara wi ñee jei chewe: “Ikuatía kuärái: Kua wiwe yandeYa re wɨrowia rewe umanota wae reta uyekoueteta ñonoï,” jei chewe. Jare joko wi Espíritu Santo jei: “Añetete ko. Jae reta uyekoueteta ñonoï, echa’ä uputuuta reta iparawɨkɨ wi. Jare Tumpa umɨñatimata oï chupe reta mbarawɨkɨ uyapo reta Tumpa pewarä wae re,” jei.

Apocalipsis 17:1

Jare jokua chiu araɨwa chiu copa onoi wae reta wi pëti wae ou jei chewe: “Eyu che ndiwe. Aechakata ndewe kërái Tumpa uiporarakata oï kuña jete re umɨngana wae jeräkuaete wae pe. Jae uwapɨ oï ɨ wasu reta re,” jei.

Apocalipsis 17:17

“Jokua kuña ndecha wae uyembɨjaanga oï jokua tëta wasu jeräkua wae re – jae ko ime onoi mbaepuere opaete ɨwɨ pewa mburuwicha wasu reta re wae. Jare kua mbaembae uyeyapota oï jokua tëta wasu pe, echa’ä jokua ko jae Tumpa ipɨayemɨngeta. Tumpa ko oñono jokua payandepo mburuwicha wasu reta ipɨa pe kɨrëɨ pëti ramiño uñemee reta waerä bestia pe jae onoi waerä jese reta mbaepuere. Jare jae reta uyeyokuita bestia pe Tumpa jei wae opa uyeyapo rewa,” jei araɨwa chewe.

Apocalipsis 2:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Éfeso pe. Ikuatía chupe kua chiñee kuärái: ‘Che ko jae jokua chiu yasɨtata ipo iyakata kotɨ onoi wae, jare jokua chiu mechero iwapɨka oro pewa ipɨte rupi uwata wae.

Apocalipsis 2:12

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Pérgamo pe. Ikuatía chupe kua chiñee kuärái: ‘Che ko jae jokua kɨsepuku jaimbeyowai onoi wae.

Apocalipsis 2:18

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Tiatira pe. Ikuatía chupe kua chiñee kuärái: ‘Che ko jae Tumpa Taɨ. Che ko jae jokua jesa tata jendɨ wae rami, jare jokua ipɨ jiero bronce uwerasɨ wae rami.

Apocalipsis 2:8

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Esmirna pe. Ikuatía chupe kua chiñee kuärái: ‘Che ko jae jokua tenondewaete wae jare taɨkuewaete wae. Che amano, erëi aikowe ye.

Apocalipsis 21:5

Jare jokua wapɨa pe uwapɨ oï wae jei: “Mase, ayapo pɨau ye aï opaetei mbaembae reta,” jei. Jare jei wi chewe: “Ikuatía kua chiñee, echa’ä kua añetete ko jare opaete wae ipuere wɨrowia katu jese,” jei chewe.

Apocalipsis 22:6

Jayawe araɨwa jei chewe: “Kua ñee reta añetete ko jare opaete wae ipuere wɨrowia katu jese,” jei. “Arakaete rupi yandeYa Tumpa uikuaaka mbaembae uasata oï wae jae iñee umɨmbeu wae reta rupi. Jare añawe jae ombou pëti araɨwa uikuaaka waerä uyeyokui chupe wae reta pe jupiwoiño mbaembae uasata oï wae,” jei.

Apocalipsis 3:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Sardis pe. Ikuatía chupe kua chiñee kuärái: ‘Che ko jae jokua chiu yasɨtata ipo pe onoi wae jare Tumpa iEspíritu Santo chiu wese ye jupi wae onoi wae. Jare che tae Sardis pewa cheré wɨrowia wae reta pe kuärái: Che aikuaa opaete mbae piyapo wae. Jeta wae reta jei tëi pewe pe reta pepɨräta peï Tumpa re. Erëi che tae pe reta jukuärai’ä ko wae.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.

Apocalipsis 3:20

‘Mase, ko öke pe aï jare che pueni aï. Ime yawe kía chiñee uyandu jare uipea chewe öke wae, che aiketa jëta pe jare añemɨïruta jae ndiwe ndukaru noï rambuewe.

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.