Apocalipsis 19:3 - Biblia

³ Jare jei reta wi: “¡Opaete wae tumbutuicha Tumpa jee! Jokua tëta wasu Babilonia opa ma okai, jare jendakue wi upüata tatäti jaeño mái pewa.” Jukuärái jei reta usapɨkai rewe.

Guaraní Pe (Western): Simba

³ Jare jae reta jei ye: —YandeYa tuyembɨadoraca. Tatãti uyupita jaeño mai pegua.

Apocalipsis 19:3 Iomraidhean Croise

Génesis 19:28

Jare Abraham umae tëta wasu reta Sodoma jare Gomorra kotɨ jare opaete ɨwɨ ipe tuicha wae kotɨ. Jare uecha tatäti upüa oï opaete jokua ɨwɨ wi, tatäti tata tuichaete wae wi upüa wae echa rami.

Judas 1:7

Jare jae nunga wi yanemandúa jokua tëta wasu reta Sodoma jare Gomorra jare iyɨpɨ rupi yureko wae reta re. Jae reta jokua araɨwa reta rami uipota’ä yureko kërái Tumpa uyapo reta wae rupi. Echa’ä uyapo reta awasa opa kërái rái jare kuimbae reta uipotaete jae yepái uyereroke reta. Jáeramo Tumpa tuicha rupi uiporaraka chupe reta tata pe. Jare jukuärái Tumpa uikuaaka opaete wae pe awɨye waerä mbae kachi yayapo jae reta rami. Echa’ä jokua nunga mbae kachi uyapo wae reta uiporarata tata owe mbae wae pe.

Apocalipsis 14:11

“Jare jokua tata jae reta uiporarata ñonoï pɨpe wae jae ko tata owe mbae wae. Ara rupi jare pɨ̈tu rupi uiporarata reta, jare ndarau michi pewa yepe uputuu reta,” jei. “Jukuärái uyeyapota opaete jokua tenondewa bestia re jare jae jaanga re umbɨadora wae reta pe, jare opaete bestia imarka onoi wae reta pe. Jokua marka ko jae bestia jee,” jei.

Apocalipsis 18:18

Jare jae reta uecha yawe jokua tëta wasu opa okai oï jare tatäti upüa oï joko wi, jeita reta: “¡Mbaetɨi jokua nunga tëta wasu!” jeita reta.

Apocalipsis 18:9

Jare jokua ara ɨwɨ pewa mburuwicha wasu reta uecha yawe jokua tëta wasu Babilonia opa okai oï jare tatäti upüa oï joko wi, jae reta ipɨatɨtɨta jare uyaota reta jese. Echa’ä ɨma rupi jae reta uyerowiase yureko jokua tëta wasu pewa reta jeko kachi rupi. Jare uyekouse reta wi opaete jokua tëta wasu imbaembae ikawi wae re.

Apocalipsis 19:1

Kua jaɨkue rupi ayandu ara pe ñee täta uyendu wae. Jetaete ye ye wae reta usapɨkai ñonoï jare jei ñonoï pëti ñee waeño kuärái: “YandeTumpa ko jae yandeRepɨ wae. Jare jae ime onoi opaete wae re mbaepuere. ¡Opaete wae tumbutuicha Tumpa jee jare tuipɨu chuwi!

Apocalipsis 19:4

Jayawe jokua veinticuatro mburuwicha reta jare jokua irundɨ mbae tekowe onoi wae reta uñeñono ɨwɨ re Tumpa iwapɨa jowai jare jae jee umbutuicha reta. Jare jei reta: “¡Jukuärái tuiko! ¡Opaete wae tumbutuicha Tumpa jee!” jei reta.