Apocalipsis 19:19 - Biblia

¹⁹ Jayawe aecha jokua bestia, jare ɨwɨ pewa mburuwicha wasu reta jare opaete isɨndaro reta ndiwe. Jae reta uyembatɨ ma ñonoï uñeräro waerä jokua kawayu tïi wae re opo wae ndiwe jare isɨndaro reta ndiwe.

Guaraní Pe (Western): Simba

¹⁹ Jare aecha jocua maemɨmba guasu jare ɨvɨ pegua mburuvicha guasu reta jare opaete isundaro reta uyembatɨ ma ñugüɨnoi uñerãro vaerã cavayu re opo vae jare isundaro reta ndive.

Apocalipsis 19:19 Iomraidhean Croise

Apocalipsis 11:7

Jayawe jae reta opa ma Tumpa rewa umɨmbeu yawe, pëti mbaemɨmba echa ipɨrätaete jare pochɨete wae oëta jokua ɨwɨkua wasu juwa mbae wae wi. Jare jae ombowaichota jokua mokui kuimbae reta, jare umɨamɨrita, jare uyukata reta.

Apocalipsis 14:9

Jayawe jokua araɨwa jaɨkue rupi uyekuaa ïru araɨwa. Kua re uyekuaa mbapɨ ma. Jare jae jei usapɨkai rewe: “Opaete jokua tenondewa bestia re jare jae jaanga re umbɨadora wae reta uikuaata ñonoï Tumpa iarasɨ wasu. Jare jae nunga wi jokua bestia imarka ime onoi jesɨwa re ani ipo re wae reta uikuaata ñonoï wi Tumpa iarasɨ wasu. Echa’ä Tumpa pochɨete chupe reta jare täta rupi uiporarakata chupe reta,” jei. “Jae reta uiporarata tata pe jare azufre jendɨ oï wae pe araɨwa Tumpa oñono tee wae reta jowai jare Owecha kuimbae taurusu wae jowai,” jei.

Apocalipsis 16:14

Jokua aña reta ipuere uyapo mbaembae umbɨpɨakañɨete waerä ɨwɨ pewa reta. Jae reta yuraa opaete ɨwɨ rupi umbatɨ waerä mburuwicha wasu reta jare isɨndaro reta ndiwe ombowaicho waerä tëi Tumpa. Jokua ñeräro uyeyapota oï Armagedón jee wae pe. Jukuärái ko jee hebreo ñee pe. Erëi Tumpa opaetei mbaepuere onoi. Jare jae uiporarakata oï chupe reta jokua ara. YandeYa jei, “Mase, che ayu yeta aï pepɨranoe pewa pëti imonda wae ou rami. Jare jokua uyandareko kawi ñonoï wae reta jare jupi rupi yureko wae reta uyekoueteta ñonoï. Echa’ä che ayu ye awäe yawe, jae reta ndarau imara kía nani etei uyepokouka wae rami,” jei.

Apocalipsis 18:9

Jare jokua ara ɨwɨ pewa mburuwicha wasu reta uecha yawe jokua tëta wasu Babilonia opa okai oï jare tatäti upüa oï joko wi, jae reta ipɨatɨtɨta jare uyaota reta jese. Echa’ä ɨma rupi jae reta uyerowiase yureko jokua tëta wasu pewa reta jeko kachi rupi. Jare uyekouse reta wi opaete jokua tëta wasu imbaembae ikawi wae re.

Apocalipsis 19:21

Jare opaete bestia isɨndaro reta jare sɨndaro imburuwicha reta opa umano. Echa’ä jokua kawayu re opo wae opa uyuka reta ikɨsepuku iyuru wi oë wae pɨpe. Jare opaete wɨra reta opa ipunga jae reta jetekue re.