Apocalipsis 19:15 - Biblia

¹⁵ Kua Tumpa Iñee jee wae, iyuru wi oë pëti kɨsepuku jaimbe wae. Jokua pɨpe opata umɨamɨri ɨwɨ pewa reta. Jare jae onoita jese reta tuicha mbaepuere. Upɨ̈rota jese reta kërái uva iya uitami yawe upɨ̈ro jese wae rami. Jare jukuärái jae rupi Tumpa opaete mbaepuere onoi wae uitɨta oï iarasɨ wasu jowaicho reta re.

Guaraní Pe (Western): Simba

¹⁵ Jare yandeYa iyuru güi oẽ penti quɨsepucu jaimbe vae. Pɨpe uyucata jeta ɨvɨ pegua reta. Jare oporoyocuita ipopoca fierro pegua pe. Uiporaraca eteta opaete jovaicho reta pe. Echa'ã Tumpa opaete mbaepuere güɨnoi vae pochɨ ete chupe reta.

Apocalipsis 19:15 Iomraidhean Croise

2 Tesalonicenses 2:8

Jare jayawe ramo jokua kuimbae ikawi mbaete oï jese wae uyekuaata oï. Erëi taɨkue rupi yandeYa Jesucristo etei ou yeta oï kuri tembipe uwerasɨete rewe, jare umbaita oï jokua kuimbae iñee rupiño, jare uwera jese rupiwe uyukata oï kuri.

Apocalipsis 1:16

Jare ipo iyakata kotɨ onoi chiu yasɨtata reta. Jare iyuru wi oë kɨsepuku jaimbeyowai wae. Jare jowa jembipeasɨete warasɨ ara mbɨte yawe jembipeasɨ wae rami.

Apocalipsis 12:5

Jare kuña imembɨ oa kuimbae. Jare jokua oa wae onoita tuicha mbaepuere opaete ɨwɨ pewa reta re. Erëi dragón ipuere’ä jou, echa’ä jokua kuña imembɨ uyereraa kiape Tumpa uwapɨ oï wae iwapɨa pe.

Apocalipsis 19:21

Jare opaete bestia isɨndaro reta jare sɨndaro imburuwicha reta opa umano. Echa’ä jokua kawayu re opo wae opa uyuka reta ikɨsepuku iyuru wi oë wae pɨpe. Jare opaete wɨra reta opa ipunga jae reta jetekue re.

Apocalipsis 2:12

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Pérgamo pe. Ikuatía chupe kua chiñee kuärái: ‘Che ko jae jokua kɨsepuku jaimbeyowai onoi wae.

Apocalipsis 2:16

‘Jáeramo peya pepɨayemɨngeta añawe penoi wae. Erëi piyapo’ä yawe jukuärái, ayuta jupiwoiño añeräro waerä jokua yemboe kachi wae uipɨsɨ wae reta ndiwe. Kua ayapota kɨsepuku cheyuru wi oë wae pɨpe.

Apocalipsis 2:27

Tuicha mbaepuere onoita reta jare ndarau kía reta ipuere uyembowaicho ikotɨ. Kua mbaepuere ko cheRu umee chewe. Jare jukuärái wi che ameeta aï chupe reta.