Apocalipsis 19:11 - Biblia

^11-13 Jayawe che aecha ara uyepea oï. Jare aecha pëti kawayu tïi wae. Jare opo jese wae ko jee Tumpa Iñee. Jesa uyekuaa kërái tata jendɨ wae rami, jare iñäka re onoi jeta corona mburuwicha wasu pewa reta. Jare jae jemimonde tuwɨ yepái. Jae ko jekuaeño jupi uyapo wae jare añetete wae umɨmbeu wae. Jae jupi rupi upurumbɨjeko, jare uñeräro jowaicho reta ndiwe. Jare uyekuatía oï jese pëti tee kiawe uikuaa’ä wae. Jaeño uikuaa wae.

Guaraní Pe (Western): Simba

¹¹ Jare aecha ara uyepea oĩ. Jare aecha vi joco pe penti cavayu tĩ vae. Jare opo cavayu re yandeYa. Jae co jecuaeño jei vae uyapo vae. Jae co jecuaeño umɨmbeu cavi Tumpa regua vae. Jae upuruãa jupi vae rupi jare uñerãro jupi mbae vae uyapo vae reta ndive.

Apocalipsis 19:11 Iomraidhean Croise

Éxodo 15:3

Tumpa ko jae ñeräro pe upurumɨamɨri wae. JAE KO JAE – jukuärái ko Tumpa jee.

San Juan 1:51

Joko wi Jesús jei Felipe jare Natanael pe: “Che tae pewe añetete wae, pechata ara uyepea oï kërái yanderamɨkue Jacob uecha ipau pe wae rami. Jare pechata wi Tumpa iaraɨwa reta uyupi ñonoï jare uweyɨ ñonoï che kuimbaerä ayeyapo wae rupi,” jei chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

Apocalipsis 11:19

Jare kua jei reta ma yawe, tupao wasu ara pe oï wae uyepea, jare o pe uyekuaa Tumpa arakae jei wae yemɨmandúa jɨru. Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu wae. Jare jawoi pewa ɨwɨ ukäta. Jare oa wi amandau jeta wae.

Apocalipsis 19:19

Jayawe aecha jokua bestia, jare ɨwɨ pewa mburuwicha wasu reta jare opaete isɨndaro reta ndiwe. Jae reta uyembatɨ ma ñonoï uñeräro waerä jokua kawayu tïi wae re opo wae ndiwe jare isɨndaro reta ndiwe.

Apocalipsis 19:21

Jare opaete bestia isɨndaro reta jare sɨndaro imburuwicha reta opa umano. Echa’ä jokua kawayu re opo wae opa uyuka reta ikɨsepuku iyuru wi oë wae pɨpe. Jare opaete wɨra reta opa ipunga jae reta jetekue re.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.

Apocalipsis 4:1

Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.

Apocalipsis 6:2

Jare aecha ou pëti kawayu tïi wae. Jare opo jese wae onoi ipo pe pëti wɨrapa, jare uñemee chupe pëti corona. Jayawe jae oë oo upurumɨamɨri waerä, echa’ä jae ko pëti upurumɨamɨri wae.