Apocalipsis 18:9 - Biblia

⁹ Jare jokua ara ɨwɨ pewa mburuwicha wasu reta uecha yawe jokua tëta wasu Babilonia opa okai oï jare tatäti upüa oï joko wi, jae reta ipɨatɨtɨta jare uyaota reta jese. Echa’ä ɨma rupi jae reta uyerowiase yureko jokua tëta wasu pewa reta jeko kachi rupi. Jare uyekouse reta wi opaete jokua tëta wasu imbaembae ikawi wae re.

Guaraní Pe (Western): Simba

⁹ Jare ɨvɨ pegua mburuvicha guasu reta ipɨatɨtɨta jese jare uyaota, jatãti uecha yave. Echa'ã jae reta uyapo aguasa joco pe, jare joco pe yugüɨreco yave, uyerovia ete opaete mbaembae jepɨ ete vae re.

Apocalipsis 18:9 Iomraidhean Croise

Génesis 19:28

Jare Abraham umae tëta wasu reta Sodoma jare Gomorra kotɨ jare opaete ɨwɨ ipe tuicha wae kotɨ. Jare uecha tatäti upüa oï opaete jokua ɨwɨ wi, tatäti tata tuichaete wae wi upüa wae echa rami.

1 Timoteo 5:11

Erëi yamborɨta’ä kuña taurusu ime umano chuwi wae reta. Ipuere ko jae reta jei: “Aipota’ä amenda ye. Aipota ayeyokui Cristo peño.” Erëi añetete yawaita chupe reta upɨta waerä jukuäraiño. Jae reta uipota yeta kuimbae jare ikɨrëɨta umenda yewɨ.

Apocalipsis 14:11

“Jare jokua tata jae reta uiporarata ñonoï pɨpe wae jae ko tata owe mbae wae. Ara rupi jare pɨ̈tu rupi uiporarata reta, jare ndarau michi pewa yepe uputuu reta,” jei. “Jukuärái uyeyapota opaete jokua tenondewa bestia re jare jae jaanga re umbɨadora wae reta pe, jare opaete bestia imarka onoi wae reta pe. Jokua marka ko jae bestia jee,” jei.

Apocalipsis 17:2

“Ɨwɨ pewa mburuwicha wasu reta uyapo awasa jokua kuña ndiwe. Jare jokua awasa ko vino rami ɨwɨ pewa reta pe. Jare jokua pɨpe jae reta opa usawɨpo rami ñonoï,” jei chewe.

Apocalipsis 18:18

Jare jae reta uecha yawe jokua tëta wasu opa okai oï jare tatäti upüa oï joko wi, jeita reta: “¡Mbaetɨi jokua nunga tëta wasu!” jeita reta.

Apocalipsis 18:20

Joko wi ayandu pëti ñee jei kuärái: “Tuyerowia kua re opaete wae ara pe ma ñonoï wae reta. Jare tuyerowia wi opaete wae Tumpa oñono tee ma jae imaerä wae reta jare opaete wae ñee Tumpa wi etei ou wae umɨmbeu wae reta. Jare tuyerowia wi opaete wae Tumpa omondo jae jee re wae reta. Echa’ä Tumpa uyepɨ ma chupe reta Babilonia pe.” Jukuärái jei.

Apocalipsis 18:3

Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.

Apocalipsis 18:7

Jokua tëta wasu pewa reta uyembutuicha jare uyekou opaete mbaembae ikawi wae kua ɨwɨ pewa re. Erëi añawe kërái tuicha rupi uyekou reta, jukuärái wi tuicha rupi tuiporara reta jare tipɨatɨtɨ reta. Echa’ä jae reta jei tëi iyupe ipɨa pe: ‘Yande ñanoi opaete mbaepuere kuña mburuwicha wasu rami. Yande reta ndarau yaiko kuña ime umano chuwi wae rami. Ndarau etei yaikuaa mbɨatɨtɨ mano pewa,’ jei tëi reta.

Apocalipsis 19:3

Jare jei reta wi: “¡Opaete wae tumbutuicha Tumpa jee! Jokua tëta wasu Babilonia opa ma okai, jare jendakue wi upüata tatäti jaeño mái pewa.” Jukuärái jei reta usapɨkai rewe.

Apocalipsis 2:22

Jáeramo amɨmbaerasɨta jokua kuña, jare ayukata wi imembɨ reta jei chupe wae reta. Jare jae nunga wi aiporarakata täta rupi aï jokua kuña ndiwe awasa uyapo wae reta pe, jae reta ueya’ä yawe ipɨayemɨngeta kachi wae. Jukuärái opaete cheré wɨrowia wae kerupi rupi uyembatɨ wae reta uikuaata che aikuaa opaete wae ipɨayemɨngeta reta. Jare uikuaata reta wi amɨñatimata pewe pëti pëti pe opaete mbae piyapo wae rupi.