Apocalipsis 18:15 - Biblia

¹⁵ Jokua mbaembae owaka wae reta uyembɨikokatu Babilonia pe. Erëi jokua ara uyemboɨta reta mbɨrɨ jokua tëta wasu wi ukɨye reta ramo. Echa’ä jae reta uipotata’ä uiporara jokua tëta wasu pewa reta uiporara wae. Jare ipɨatɨtɨta reta jese jare uyaota reta

Guaraní Pe (Western): Simba

¹⁵ Ogua reta jeta ete jocua mbaembae icavi vae. Jáeramo jocua mbaembae umee vae reta icocatu. Ẽrei umaemee vae reta uyemboɨta mbɨrɨ Babilonia güi agüɨye vaerã uiporara jocua tenta guasu pegua reta uiporarata rami. Ipɨatɨtɨta jese jare uyaota —jei—.

Apocalipsis 18:15 Iomraidhean Croise

Marcos 11:17

Jayawe Jesús umbɨpɨ omboe joko pe ñonoï wae reta jare jei: “Tumpa jei iñeerɨru pe kuärái: ‘Cherëta ko jae yerurerenda pewa opaete ɨwɨ pewa reta pewarä.’ Jukuärái Tumpa jei. Erëi pe reta piyapo ma imonda wae reta iñemía rami,” jei Jesús chupe reta.

Hechos 16:19

Joko wi jeräkua kuñatái iya reta pe Pablo uyapo wae rewa. Jare uikuaa reta yawe kuñatái mbaetɨ ma onoi mbaepuere umɨmbeu waerä mbaembae uyeyapota oï wae, pochɨete reta. Echa’ä ndarau ye ma ipuere umɨngana reta jese. Jáeramo uipɨsɨ reta Pablo jare Silas, jare wɨraa reta tëta wasu iplaza pe kiape tëta wasu imburuwicha reta uyembatɨ wae pe.

Apocalipsis 18:12

Ndarau ye ma kía owa chuwi reta mbaembae oro pewa, jare korepoti jiero pewa, jare ita ipöraete wae pewa. Ndarau ye ma kía owa chuwi reta temimonde reta nieso ipöraete wae, jare ipuasɨ wae, jare pɨ̈ta wae, jare mborao wae. Ndarau ye ma kía owa chuwi reta mbaembae ɨwɨra ikawiete wae pewa, jare mbaemɨmba tuicha wae elefante jee wae jäikue pewa mbaembae uyapo reta wae. Ndarau ye ma kía owa chuwi reta mbaembae ɨwɨra jepɨete wae pewa, jare cobre pewa, jare jiero pewa, jare ita pewa.

Apocalipsis 18:13

Ndarau ye ma kía owa chuwi reta canela jare opaete mbaembae utimbo kawi wae jare ipiche kawi wae reta, jare vino, jare olivo iaceite, jare harina ipuasɨ wae, jare trigo. Ndarau ye ma kía owa chuwi reta waka reta, jare owecha reta, jare kawayu reta, jare karosa reta. Jare ndarau ye ma kía owa chuwi reta kuimbae jare kuña reta täta uyeyokui reta waerä.

Apocalipsis 18:14

Jare jokua mbaembae owaka wae reta jeita: “Pe Babilonia pewa reta, añawe opa ma pewi pembaembae pipotaete wae. Jare opaete pembaembae ipöraete wae jare jepɨete wae opa ma ukañɨ pewi. Ndarau ma piyekou jese,” jeita reta.

Apocalipsis 18:19

Jayawe oñonota reta ɨwɨkuí iñäka re uechaka reta waerä tuicha ipɨatɨtɨ. Jare uyaota reta, jare ikuasɨ katu rewe jeita reta: “¡Ikawi’ä etei kua uyeyapo! Kua Babilonia tëta wasu tuicha tëi wae ko. Yande chalana wasu ñanoi wae reta yawaka mbaembae jepɨ wae jokua tëta wasu pe, jare jukuärái yande yaikokatu ñaï. Erëitu pëti ora peño opa ukañɨ tëta wasu.” Jukuärái jeita reta ipɨatɨtɨ rewe.

Apocalipsis 18:3

Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.