Apocalipsis 18:11 - Biblia

¹¹ Jare opaete ɨwɨ rupi mbaembae owaka wae reta ipɨatɨtɨta jare uyaota jokua tëta wasukue re. Echa’ä jae reta jeta mbaembae owaka Babilonia pe, jare añawe ndarau ye ma kía owa chuwi reta imbaembae.

Guaraní Pe (Western): Simba

¹¹ Jare opaete ɨvɨ rupi umaemee vae reta ipɨatɨtɨta jese jare uyaota. Echa'ã ndarau ma quía ogua imbaembae —jei—.

Apocalipsis 18:11 Iomraidhean Croise

San Mateo 22:5

“Erëitu jokua uparea chupe wae reta uipota’ä ñeño yuweru. Pëti wae oo uparawɨkɨ iko pe. Ïru wae oo mbaembae owaka.

San Juan 2:16

Jare Jesús jei pochɨ rewe pɨkasu owaka wae reta pe: “¡Pemoë kua wi kua mbaembae reta! Awɨye cheRu jëta piyapo mercadorä,” jei chupe reta.

2 Pedro 2:3

Jare jokua oporomboe kachi wae reta uipotaeteta korepoti. Jare imiärita reta iyapu rewe pembɨtawɨ waerä ipuere waerä umɨngana pewi korepoti. Erëi ɨma rupi Tumpa jei uiporaraka waerä chupe reta. Jare chupe reta waerä Tatawasurenda uyeyapɨkatu ma oï.

Apocalipsis 18:15

Jokua mbaembae owaka wae reta uyembɨikokatu Babilonia pe. Erëi jokua ara uyemboɨta reta mbɨrɨ jokua tëta wasu wi ukɨye reta ramo. Echa’ä jae reta uipotata’ä uiporara jokua tëta wasu pewa reta uiporara wae. Jare ipɨatɨtɨta reta jese jare uyaota reta

Apocalipsis 18:20

Joko wi ayandu pëti ñee jei kuärái: “Tuyerowia kua re opaete wae ara pe ma ñonoï wae reta. Jare tuyerowia wi opaete wae Tumpa oñono tee ma jae imaerä wae reta jare opaete wae ñee Tumpa wi etei ou wae umɨmbeu wae reta. Jare tuyerowia wi opaete wae Tumpa omondo jae jee re wae reta. Echa’ä Tumpa uyepɨ ma chupe reta Babilonia pe.” Jukuärái jei.

Apocalipsis 18:23

Jae ramiño wi ndarau ye ma uyekuaa mechero jendɨ joko pe. Jare ndarau ye ma kía umenda joko pe. Jukuärái Tumpa uiporarakata oï Babilonia pe, echa’ä joko pewa mbaembae owaka wae reta uyembutuicha opaete ɨwɨ rupi. Jare jae nunga wi jokua tëta wasu pewa reta umbɨtawɨ opaete ɨwɨ pewa reta kërái ipaye wae reta upurumɨkañɨ wae echa.

Apocalipsis 18:3

Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.

Apocalipsis 18:9

Jare jokua ara ɨwɨ pewa mburuwicha wasu reta uecha yawe jokua tëta wasu Babilonia opa okai oï jare tatäti upüa oï joko wi, jae reta ipɨatɨtɨta jare uyaota reta jese. Echa’ä ɨma rupi jae reta uyerowiase yureko jokua tëta wasu pewa reta jeko kachi rupi. Jare uyekouse reta wi opaete jokua tëta wasu imbaembae ikawi wae re.