Apocalipsis 17:6 - Biblia

⁶ Jokua kuña jatangätuete uyuka waerä Tumpa oñono tee iyupewarä wae reta. Jare upɨyere ma jeta wae reta Jesús rewa umɨmbeu wae juwɨ. Kërái usawɨpose wae ueka awariëte rami, jukuärái wi kuña oete ueka jae reta juwɨ upɨyere chuwi reta waerä. Jare che aecha yawe jokua kuña, chepɨakañɨete apɨta.

Guaraní Pe (Western): Simba

⁶ Jare cuña usavɨpo echa cheve. Echa'ã jou ma uñeñono tee Tumpa peguarã vae reta jugüɨ. Jae reta uyeyucaca umɨmbeu Jesús re ramo. Jare aecha yave jocua cuña, chepɨacañɨ ete jese.

Apocalipsis 17:6 Iomraidhean Croise

San Juan 2:10

“Opaete wae reta uyepokuaa tenonde upurumɨngaru vino ikawiete wae pe. Jare joko wi, jeta ma ukau reta yawe ramo umee chupe reta vino ikawi nunga’ä wae, echa’ä uikuaa’ä reta kërái ko ambɨe ye oï wae. Erëi nde añawe ramo nenoe vino ikawiete wae,” jei chupe.

Hechos 22:20

Jare uyuka reta yawe Esteban nde rewa umɨmbeu wae, che wi aiko joko pe, jare ikawi iko chewe imano. Jare che ayandareko wi upuruyuka wae reta iñepëwaka reta re,’ jae chupe.

Apocalipsis 12:11

Echa’ä jae reta opa ma umɨamɨri Añawasu Owecha kuimbae taurusu wae juwɨ rupi jare Tumpa iñee umɨmbeu reta wae rupi. Jare mbaetɨ etei urukɨye reta jekowe umano waerä.

Apocalipsis 13:15

Jare uñemee jokua bestia taɨkue aecha wae pe onoi waerä mbaepuere umbɨyemɨngetaka waerä jokua tenondewa bestia jaanga. Jare joko wi uyukaka opaete uipota’ä umbɨadora jese wae reta.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 16:6

Echa’ä jae reta upɨyere ma jeta tuwɨ – jae ko nderé wɨrowia wae reta juwɨ jare niñee umɨmbeu wae reta juwɨ. Jáeramo nde ndeuka neï chupe reta tuwɨ wi. Echa’ä jupi ko uyeyapo oï jukuärái chupe reta.” Jukuärái araɨwa jei Tumpa pe.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.