Apocalipsis 17:3 - Biblia

³ Jayawe Espíritu Santo imbaepuere pe aecha araɨwa chereraa oï ɨwɨtini wasu kotɨ. Apau wae rami aecha joko pe pëti kuña opo oï bestia pɨ̈ta wae re. Jare opaete jokua bestia jete rupi uyekuatía oï jeta tee jokua pɨpe jeika tëi iyupe jae ko Tumpa wae. Chiu ko jokua bestia iñäka jare payandepo jäti reta.

Guaraní Pe (Western): Simba

³ Jayave ángel chereraa Espíritu Santo imbaepuere pe ñana cotɨ. Jare joco pe aecha penti cuña opo oĩ penti maemɨmba guasu pɨ̃ta vae re. Jare jocua maemɨmba guasu re uyecuatía oĩ jeta jee jare jocua cuatía reta rupi jei icavi mbae vae Tumpa cotɨ. Jare siete co jocua maemɨmba guasu iñãca jare diez jãti.

Apocalipsis 17:3 Iomraidhean Croise

San Mateo 27:28

Jae reta omboi Jesús wi jemimonde, jare umɨñepëwa reta ñepëwaka pɨ̈ta wae pe mburuwicha wasu echa oyoyai reta waerä.

Hechos 8:39

Jare oë ye reta yawe ɨ wi, jupiwoi Felipe ukañɨ chuwi, echa’ä Espíritu Santo wɨraa ramo. Joko wiwe eunuco uecha’ä ye ma Felipe. Jare uyerowia rewe oo ye iɨwɨ kotɨ.

2 Tesalonicenses 2:4

Erëi tenonde jokua kuimbae oyowaichota oï Tumpa kotɨ jare opaete mbaembae ɨwɨ pewa reta umbɨadora wae kotɨ wi. Jaeño uyembutuichata oï chuwi reta, echa’ä jae uiketa judío reta itupao wasu o pe etei, jare joko pe uwapɨta mburuwicha wasu rami jei rewe: “Cheño ko jae Tumpa.”

Apocalipsis 1:10

Jare aipota aikuaaka pewe kua: Pëti domingo ara pe Espíritu Santo uechaka chewe amokue mbaembae. Jae chembɨpau wae echa. Jukuärái aramoiño ayandu chekupe kotɨ pëti ñee täta uyemɨngeta wae temimbɨ wasu uñee wae rami.

Apocalipsis 12:14

Jayawe uñemee kuña pe pëti wɨrakee wasu ipepo reta. Jokua pɨpe jae uwewe oo dragón wi mbɨrɨ ɨwɨtini wasu kotɨ kiape uñepɨ̈ro pɨpe wae pe. Jare joko pe Tumpa uyandarekoka jese mbapɨ año mbɨte rupi.

Apocalipsis 12:3

Jare uyekuaa ïru mbae ara re chepɨakañɨete jese wae. Jae ko pëti teyu wasu pɨ̈ta wae dragón jei chupe wae. Jae onoi chiu iñäka jare payandepo jäti reta. Jare pëti pëti iñäka re onoi corona.

Apocalipsis 12:6

Jare jokua kuña osi oo ɨwɨtini wasu kotɨ. Echa’ä joko pe Tumpa uyapɨkatu chupe uñepɨ̈ro waerä. Jare joko pe Tumpa uyandarekoka jese 1.260 ara.

Apocalipsis 17:4

Jare kuña jemimonde mborao jare pɨ̈ta, jare uñemɨmaepöra oro jare ita ipöraete wae reta pɨpe. Uipɨsɨ oï pëti copa oro pewa, jare jokua copa tɨnee oï pɨpe mbaembae kachiete wae. Jokua uyembɨjaanga oï mbaembae kachiete kuña uyapo wae re jare tumparaanga reta re umbɨadora wae re.

Apocalipsis 18:12

Ndarau ye ma kía owa chuwi reta mbaembae oro pewa, jare korepoti jiero pewa, jare ita ipöraete wae pewa. Ndarau ye ma kía owa chuwi reta temimonde reta nieso ipöraete wae, jare ipuasɨ wae, jare pɨ̈ta wae, jare mborao wae. Ndarau ye ma kía owa chuwi reta mbaembae ɨwɨra ikawiete wae pewa, jare mbaemɨmba tuicha wae elefante jee wae jäikue pewa mbaembae uyapo reta wae. Ndarau ye ma kía owa chuwi reta mbaembae ɨwɨra jepɨete wae pewa, jare cobre pewa, jare jiero pewa, jare ita pewa.

Apocalipsis 18:16

jei rewe: “¡Ikawi’ä etei kua uyeyapo! Kua Babilonia tëta wasu tuicha tëi wae ko. Jare tëta wasu pewa reta jemimonde nieso ipöra tëi wae ko. Omonde reta temimonde jepɨete mborao wae jare pɨ̈ta wae. Jare oñono reta iyé mbaembae oro pewa jare ita ipöra wae pewa.

Apocalipsis 21:10

Jayawe Espíritu Santo imbaepuere pe araɨwa chereraa pëti ɨwɨtu wasu ɨwate wae iyapɨte re. Apau wae rami jae uechaka chewe Tumpa jëta wasu Jerusalén uweyɨ ou oï ara wi Tumpa oï wae wi.

Apocalipsis 4:2

Jare jupiwoiño Espíritu Santo uechaka chewe amokue mbaembae. Jae chembɨpau wae echa, jare jukuärái aecha ara pe pëti mburuwicha wasu iwapɨa. Jare aecha wi kía joko pe uwapɨ oï.