Apocalipsis 16:8 - Biblia

⁸ Jayawe ïru araɨwa upɨyere icopa warasɨ re. Kua re irundɨ ma upɨyere. Jare upɨyere ma yawe, uñemee mbaepuere warasɨ pe ipuere waerä uapɨ ɨwɨ pewa reta jaku rái pɨpe.

Guaraní Pe (Western): Simba

⁸ Jare ĩru ángel upɨyere copa güɨnoi vae guarasɨ re. Irundɨ ma upɨyere. Jare uñemee mbaepuere guarasɨ pe ipuere vaerã uapɨ ɨvɨ pegua reta tata pe.

Apocalipsis 16:8 Iomraidhean Croise

San Mateo 13:6

Erëi jaɨkue rupi warasɨ jasɨ yawe, opa ipiru japo kɨpe’ä iko ramo,” jei.

San Lucas 21:25

Jare Jesús jei wi chupe reta: “Jayawe uyekuaata oï mbaembae ambɨe ye ye wae warasɨ re, yasɨ re, jare yasɨtata reta re. Jare jokua uikuaakata oï ara reta jae ma oï opa waerä wae,” jei. “Jare kua ɨwɨ pe, mar jɨapueteta jare ɨaparoaroa tuichaeteta. Jáeramo ɨwɨ pewa reta ukɨyeta ñonoï jare uikuaata’ä mbae uyapo reta waerä,” jei.

Hechos 2:20

Warasɨ uñemɨpɨ̈tumimbita, jare yasɨ uyeyapota tuwɨ rami. Jaɨkue rupi uwäeta ara ikawiete ye wae – jae ko ara yandeYa pewa jei chupe reta wae. Jare jokua ara che aiporarakata aï opaete cherowaicho reta pe.

Apocalipsis 14:18

Jare ou wi ïru araɨwa mbaerenda mbae utimbo kawi wae uyeapɨ jese wae wi. Jae uyandareko tata mbaerenda re oï wae re. Jare jae usapɨkai rewe jei araɨwa josa jaimbe wae onoi wae pe: “Ekua opaete ɨwɨ rupi iyasɨa jare embatɨ opaete uva ía jokua ndejosa jaimbe wae pɨpe. Echa’ä yawɨye ma oï,” jei.

Apocalipsis 6:12

Joko wi aecha Owecha kuimbae taurusu wae uipea ye tupapire imboyaka. Kua re uipea ma owa imboyaka. Jayawe ɨwɨ täta ukäta. Jare aecha warasɨ opa uñemɨpɨ̈tumimbi pëti tarapo jüasɨ wae rami, jare yasɨ opa uyeyapo pɨ̈ta tuwɨ rami.

Apocalipsis 7:16

Jáeramo ndarau ye ma jae reta iyembaɨ jare iɨwe. Jare ndarau ye ma warasɨ jasɨ chupe reta jare araku wi.

Apocalipsis 8:12

Jayawe ïru araɨwa umɨñee jemimbɨ wasu. Kua re irundɨ ma umɨñee. Jare umɨñee yawe, mbae uyeyapo warasɨ pe awɨye waerä jembipe irundɨ ora opa ara rupi. Jae nunga wi mbae uyeyapo yasɨ jare yasɨtata reta pe awɨye waerä jembipe irundɨ ora opa pɨ̈tu rupi.

Apocalipsis 9:2

Jayawe jae uipea ɨwɨkua wasu. Jare uipea ma yawe, oë tatäti tata tuichaete wae wi tatäti oë wae rami. Jare warasɨ uyekuaa’ä tatäti ɨwɨkua wi oë wae jeko pewa. Jáeramo opa pɨ̈tumimbi.