Apocalipsis 16:21 - Biblia

²¹ Jare ara wi oa amandau tuicha tuicha wae ɨwɨ pewa reta re. Jare pëti pëti amandau poɨ cuarenta kilo rupi. Jare ɨwɨ pewa reta jei ñee ikawi mbae wae Tumpa kotɨ amandau wasu jeko pewa, echa’ä jokua mbaesusere ikawi’äete ye ko ramo.

Guaraní Pe (Western): Simba

²¹ Jare oa ara güi amandau tuicha tuicha vae ɨvɨ pegua reta re. Jare amandau penti penti poɨ irundɨ arroba rupi. Jare ɨvɨ pegua reta jei icavi mbae vae Tumpa cotɨ amandau jeco pegua. Echa'ã amandau uiporaraca ete ɨvɨ pegua reta pe.

Apocalipsis 16:21 Iomraidhean Croise

Éxodo 9:18

Jáeramo kuriye kuärái ora pe ambouta jeta amandau tuichaete kɨye pewa, jokua nunga uyeyapo mbaei ɨwɨ Egipto pe uyembɨpɨ wiwe wae.

Éxodo 9:22

Jayawe pɨarewe pe Tumpa jei Moisés pe: “Eupi ndepo ara kotɨ, jare oata amandau opaete ɨwɨ Egipto rupi. Oata oï kuimbae jare kuña reta re, mbaemɨmba reta re, jare opaete temitɨ reta jare ñana reta ɨwɨ Egipto rupi oï wae re,” jei chupe.

Apocalipsis 11:19

Jare kua jei reta ma yawe, tupao wasu ara pe oï wae uyepea, jare o pe uyekuaa Tumpa arakae jei wae yemɨmandúa jɨru. Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu wae. Jare jawoi pewa ɨwɨ ukäta. Jare oa wi amandau jeta wae.

Apocalipsis 16:9

Jare warasɨ jasɨete ramo, ɨwɨ pewa reta ipire uapɨ chuwi. Jáeramo jae reta jei ñee ikawi mbae wae Tumpa kotɨ. Jae reta uikuaa tëi Tumpa ime onoi mbaepuere opaete kua mbaesusere reta re. Erëi jesewe jae reta uipota’ä etei ueya ipɨayemɨngeta jupi mbae wae, jare umbutuicha’äñoi reta Tumpa jee.

Apocalipsis 8:7

Jayawe pëti araɨwa umɨñee jemimbɨ wasu. Jare umɨñee yawe, aramoiño oa ɨwɨ re amandau jare tata tuwɨ rewe. Jare mbɨte seri ɨwɨra reta ɨwɨ pe oï wae okai, jare opaete kapii opa okai.