Apocalipsis 15:7 - Biblia

⁷ Jare jokua irundɨ mbae tekowe onoi wae reta wi pëti wae umee jokua chiu araɨwa reta pe pëti pëti copa oro pewa. Jare Tumpa ikoño mái wae iarasɨ tɨnee oï jokua copa reta pe.

Guaraní Pe (Western): Simba

⁷ Jare jocua irundɨ mbaembae icove vae reta güi penti umee jocua siete ángel reta pe siete copa oro pegua. Jocua copa reta tɨnee ñugüɨnoi Tumpa iarasɨ pe. Tumpa co jae imeño mai ico vae.

Apocalipsis 15:7 Iomraidhean Croise

1 Tesalonicenses 1:9

Añawe ipotawe kerupi ndoo wae rupi imiäri reta orewe kërái mbae piyapo wae ore nduiko yawe pepɨ. Echa’ä imiäri reta orewe kërái pe reta piyerowa ma Tumpa ikoño mái wae jare añetete wae kotɨ tumparaanga reta wi.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 10:6

Jare jei: “Tumpa ko jae imeño mái iko wae. Jae ko uyapo ara, jare ɨwɨ, jare mar, jare opaete mbaembae pɨpe oï wae reta. Jare jae jowake che tae añawe uwäe ma ora.

Apocalipsis 15:1

Jayawe aecha ye ara re ïru mbae ambɨe yeete wae. Jokua chembɨpɨakañɨete. Echa’ä aecha chiu araɨwa reta, jare pëti pëti jae reta ombouta ma oï mbaesusere tuicha wae ɨwɨ pewa reta re. Jokua mbaesusere reta ko jae taɨkuete oata oï ɨwɨ re wae, echa’ä jokoropi opata oï Tumpa iarasɨ wasu.

Apocalipsis 16:2

Jayawe pëti araɨwa oo upɨyere icopa ɨwɨ re. Jare upɨyere ma yawe, aramoiño ɨwɨ pewa reta opa kachi iyatiitii reta. Jukuärái uyeyapo jokua bestia jaanga re umbɨadora wae reta pe jare bestia imarka onoi wae reta pe.

Apocalipsis 17:1

Jare jokua chiu araɨwa chiu copa onoi wae reta wi pëti wae ou jei chewe: “Eyu che ndiwe. Aechakata ndewe kërái Tumpa uiporarakata oï kuña jete re umɨngana wae jeräkuaete wae pe. Jae uwapɨ oï ɨ wasu reta re,” jei.

Apocalipsis 21:9

Joko wi pëti araɨwa ou che aï wae pe. Kua araɨwa tenonde yawe aecha ime wɨreko pëti copa tɨnee mbaesusere pewa – jae ko chiu wae wi pëti. Jare jae jei chewe: “Eyu che ndiwe. Taechaka ndewe Owecha kuimbae taurusu wae jembirekorä,” jei chewe.

Apocalipsis 4:10

jokua veinticuatro mburuwicha reta uñeñono ɨwɨ re uipɨu rewe wapɨa pe uwapɨ oï wae jowai umbutuicha reta waerä jae jee – jae ko ikoño mái wae jee. Jare oñono reta icorona jokua wapɨa jowai jei rewe:

Apocalipsis 5:8

Jare tupapire onoi ma ipo pe yawe, jokua irundɨ mbae tekowe onoi wae reta jare jokua veinticuatro mburuwicha reta opa uñeñono ɨwɨ re Owecha kuimbae taurusu wae jowai uñemɨmichi rewe. Pëti pëti onoi reta arpa jare copa oro pewa, jare tɨnee onoi reta pɨpe mbae utimbo kawi wae. Jokua mbae utimbo kawi wae uyembɨjaanga oï Tumpa re wɨrowia wae reta uyerure chupe wae re.