Apocalipsis 15:3 - Biblia

³ Jare jae reta ukäta Moisés ikäta pe jare Owecha kuimbae taurusu wae ikäta pe. Ukäta reta kuärái: “OreYa Tumpa, nde opaetei mbaepuere nenoi. ¡Nderembiapo reta ikawiete jare orembɨpɨakañɨete! Nde ko jae opaete wae imburuwicha wasurä jaeño mái pewa. Jare opaete nde ndiyapo wae jupi ko jare añetete ko.

Guaraní Pe (Western): Simba

³ Jare ucanta reta Moisés Tumpa pe uyeyocui vae icanta jare Ovecha-raɨ icanta. Jei reta: —Nde ndiyapo vae oremɨpɨacañɨ ete, oreYa Tumpa. Nde nenoi opaete mbaepuere. Nde ndiyapo vae jupi co jare añete vae pegua co. Nde co jae opaete ɨvɨ pegua reta Juvicha Guasu —jei reta—.

Apocalipsis 15:3 Iomraidhean Croise

Génesis 17:1

Abram ime wɨreko noventa y nueve año yawe, Tumpa uyekuaa ye chupe jare jei chupe: “Che ko jae Tumpa chembaepuere tuichaete wae,” jei chupe. “Iñemɨïru kawi che ndiwe jare iyapo jupi waeño.

Salmo 139:14

Amee ndewe yasurupái, echa’ä nde chapo ikawiete ramo. Opaete chepɨa rewe aikuaa aï nderembiapo ko ikawiete ye wae.

Salmo 18:30

¡Ikawiete ye ko Tumpa ikoño mái wae! Iñee jupiete ye ko. Jae jekuaeño uyapo jae jei uyapota wae. Jare ipotawe kía ueka chupe wae uepɨta oï. Jae ko pëti yopiaka rami.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Juan 1:17

Tenonde yawe Tumpa uikuaaka yandewe Moisés rupi kërái yaiko waerä. Erëi añawe Jesucristo rupi yaikuaa añetete wae jare kërái Tumpa ipɨakawiete yandewe wae.

Deuteronomio 34:5

Jare jokua ɨwɨtini wasu Moab pe, Moisés Tumpa pe uyeyokui wae umano kërái Tumpa uikuaaka chupe wae rupi.

1 Timoteo 1:17

Jáeramo, ¡yambutuicha Tumpa jee! Jae ko opaete wae imburuwicha wasurä jaeño mái pewa, jare yaecha mbae wae ko, jare ndaraúi umano wae. Jaeño ko jae Tumpa. Jare jae jee tuyembutuichaka jaeño mái pewa. Jukuärái tuiko.

Hebreos 3:5

Moisés uyapo jupi mbarawɨkɨ Tumpa umee chupe wae kërái pëti tëta iya pe uyeyokui wae uyapo jupi mbarawɨkɨ rami. Erëi Moisés mbae uyapo wae jaeño ko umbɨjaanga iko taɨkue rupi mbaembae uyemɨmbeuta iko wae re.

Apocalipsis 1:8

Jare yandeYa Tumpa jei: “Che ko jae Alfa jare Omega jee wae,” jei. “Che ko jae iyɨpɨete wae jare iyapɨete wae. Che ko jae jekuaeño oï wae, jare iyɨpɨ wiwe ikoño mái wae, jare jaeño mái pewa ikota wae. Che ko jae opaete mbaepuere anoi wae,” jei.

Apocalipsis 11:17

Jare jei reta: “OreYa Tumpa, nde nenoi opaete mbaepuere. Nde ko jae jekuaeño oï wae, jare iyɨpɨ wiwe ikoño mái wae, jare jaeño mái pewa ikota wae. Ore numee yasurupái ndewe. Echa’ä nembaepuere tuichaete wae rupi ndiyeyapo ma opaete wae imburuwicha wasurä.

Apocalipsis 14:3

Echa’ä jokua 144.000 wae reta ukäta ñonoï Tumpa iwapɨa jowai, jare jokua irundɨ mbae tekowe onoi wae reta jare mburuwicha reta jowai. Jae reta ukäta ñonoï käta ipɨau wae. Jare ndarau kiawe ipuere uikuaa jokua ukäta reta wae – jaeño jae reta ipuere uikuaa. Tumpa uepɨ kua reta ɨwɨ pewa reta ipɨte wi.

Apocalipsis 14:8

Jayawe jokua araɨwa jaɨkue rupi uyekuaa ïru araɨwa. Jare jae usapɨkai rewe jei: “¡Opata ma oï jokua tëta wasu jeräkuaete wae jare imbaepuere wae Babilonia jee wae! Jokua Babilonia pewa reta jeko kachi rupi urükumewa ɨwɨ pewa reta. Opa usawɨpo rami uyapo reta, echa’ä omboe reta umbɨadora waerä itumparaanga reta re,” jei.

Apocalipsis 17:14

“Kua reta ombowaichota tëi Owecha kuimbae taurusu wae. Erëitu Owecha kuimbae opata umɨamɨri reta, echa’ä jae ko mburuwicha wasu reta itenondewaete wae jare opaete wae iYa tenondewaete wae,” jei. “Jare jae nunga wi ñonoïta jae ndiwe jae uiparawo wae reta ñeräro pe. Kua reta jae ueni, jare jae reta jupi uyeyokui chupe wae ko,” jei chewe araɨwa.

Apocalipsis 19:16

Jare jae jemimonde re jare iu re uyekuatía oï kua tee: MBURUWICHA WASU RETA ITENONDEWAETE WAE JARE OPAETE WAE IYA TENONDEWAETE WAE

Apocalipsis 19:2

Echa’ä jae upurumbɨjeko jupi wae rupi, jare uiporaraka ɨwɨ pewa reta pe añetete wae rupi. Añawe jae uiporaraka ma jokua kuña jete re umɨngana wae jeräkuaete wae pe. Echa’ä jokua kuña opa urükumewa ɨwɨ pewa reta awasa uyapo wae rupi, jare upɨyere Tumpa pe uyeyokui wae reta juwɨ. Jáeramo Tumpa uyepɨ ma chupe reta jokua kuña pe.” Jukuärái jei reta.

Apocalipsis 4:8

Jare pëti pëti jokua irundɨ mbae tekowe onoi wae reta ime onoi owa ipepo reta. Jare opaete jete rupi ime onoi jeta jesa reta. Jae reta ara rupi jare pɨ̈tu rupi jekuaeño jei reta ikueri mbae rewe: “Jupi, jupi, jupi wae ko jae Tumpa ikoño mái wae jare opaete mbaepuere onoi wae. Jae ko iyɨpɨ wiwe ikoño mái wae, jare jekuaeño oï wae, jare jaeño mái pewa ikota wae.”