Apocalipsis 14:7 - Biblia

⁷ Jei chupe reta usapɨkai rewe: “Pipɨu Tumpa wi jare pembutuicha jee. Echa’ä ou ma uwäe ora opaete wae reta uyemboɨ waerä Tumpa jowai. Pembutuicha Tumpa jee, echa’ä jae uyapo ara, jare ɨwɨ, jare mar, jare ɨwororo reta,” jei.

Guaraní Pe (Western): Simba

⁷ Iñeeãta reve jei chupe reta: —Pequɨye Tumpa güi jare pembɨadora. Echa'ã ora ou ma uvãe upuruãa vaerã. Pembɨadora. Echa'ã jae uyapo ara jare ɨvɨ jare ɨ guasu jare ɨcua ɨ oẽ vae reta —jei.

Apocalipsis 14:7 Iomraidhean Croise

Génesis 22:12

Jayawe Tumpa jei chupe: “¡Awɨye iyuka nderaɨ! Awɨye iyapo marái. Añawe aikuaa ma tuicha ko ndipɨu chewi wae, echa’ä mbaetɨ etei nembɨete nderaɨ jae waeño ndeauete wae ndiyuka nemee waerä chewe,” jei chupe.

Salmo 33:6

Tumpa iñee rupi uyapo ara. Iñee rupiño ko uyapo warasɨ, yasɨ, jare yasɨtata reta.

Éxodo 20:11

Echa’ä owa ara pe che, peTumpa, opa ayapo ara, jare ɨwɨ, jare mar reta, jare opaete mbaembae oï pɨpe wae. Jare ara chiu pe aparawɨkɨ'ä ma. Jáeramo che, peTumpa, ayemɨngeta kawi chiu ara rewa jare añono tee jokua ara chemaerä,” jei.

San Mateo 25:13

Jayawe Jesús jei wi chupe reta: “Jae ramiño wi pewe awɨye tuyeyapo kuri jukuärái. Jekuaeñota ko peäro, echa’ä pikuaa’ä kërái yawe etei ra che ayu yeta aï wae,” jei chupe reta.

San Lucas 17:18

¿Këraita ra jaeño kua kuimbae judío mbae wae ou ye umbutuicha waerä Tumpa jee?” jei.

Hechos 14:15

“Kuimbae reta, ¡awɨye etei kua piyapo! ¡Ore jae’ä ko tumpa reta! ¡Ore ko jae kuimbae retaño pe reta rami! Ndoyu ko numɨmbeu waerä pewe ñee ikawi wae Tumpa ikoño mái wae rewa. Kua Tumpa uyapo ara, jare ɨwɨ, jare mar, jare opaete mbaembae ime ñonoï pɨpe wae reta,” jei chupe reta. “Jare ore numɨmbeu noï pewe peya waerä petumparaanga usiriwe mbae wae reta jare piyerowa waerä Tumpa tekowe onoi wae kotɨ,” jei chupe reta.

1 Pedro 4:7

Uyaro ma oï opaete mbaembae reta ime oï wae iyapɨ waerä. Jáeramo piko pearakuaa katu rewe jare pemae kawi rewe pepuere waerä piyerure kawi Tumpa pe.

Apocalipsis 11:13

Jare jupiwoiño ɨwɨ täta ukäta. Jare jokua ɨwɨkäta jeko pewa jeta tëta reta opa uyapara jokua tëta wasu pe. Jare umano wi 7.000 kuimbae jare kuña reta. Jare umano’ä wae reta ukɨyete upɨta reta jare umbutuicha reta Tumpa ara pe oï wae jee.

Apocalipsis 11:18

Ɨwɨ pewa reta uyembopochɨ tëi ndekotɨ. Erëi añawe ndearasɨ wasu nditɨta ma neï jese reta. Ou ma uwäe ara umanokue wae reta uyemboɨ waerä nderowai. Jare ipotawe kía urükumewa ɨwɨ pewa reta ndekotɨ wae, nde opata nembái. Jare niñee umɨmbeu wae reta pe jare opaete wae niñono tee nemaerä wae reta pe nemɨñatimata neï chupe reta ikawi wae. Iparawete wae reta wiwe jare mburuwichakue retawe, opaete uipɨu ndewi wae reta pe nde nemɨñatimata neï.” Jukuärái jei jokua mburuwicha reta.

Apocalipsis 15:4

Opaete wae uipɨueteta ndewi, oreYa, jare umbutuichata ñonoï nderee. Echa’ä ndeeño ko jae jupi wae. Opaete ɨwɨ pewa reta yuweruta umbutuicha waerä nderee. Echa’ä uyekuaa ma mbaembae ndiyapo wae jupi ko.” Jukuärái ukäta reta.

Apocalipsis 16:9

Jare warasɨ jasɨete ramo, ɨwɨ pewa reta ipire uapɨ chuwi. Jáeramo jae reta jei ñee ikawi mbae wae Tumpa kotɨ. Jae reta uikuaa tëi Tumpa ime onoi mbaepuere opaete kua mbaesusere reta re. Erëi jesewe jae reta uipota’ä etei ueya ipɨayemɨngeta jupi mbae wae, jare umbutuicha’äñoi reta Tumpa jee.

Apocalipsis 18:10

Erëi jae reta upɨtata mbɨrɨ tëta wasu wi ukɨye reta ramo, echa’ä uipota’ä uiporara reta jokua tëta wasu pewa reta ndiwe ramo. Jare jeita reta: “¡Ikawi’ä etei uyeyapo! Kua Babilonia tëta wasu tuicha jare ipɨräta tëi wae ko. Erëi ipɨranoe pewa Tumpa uiporaraka chupe,” jeita reta ipɨatɨtɨ rewe.

Apocalipsis 18:17

Erëi pëti ora peño opa ukañɨ chuwi reta opaete imbaembae ikawi wae,” jeita reta ipɨatɨtɨ rewe. Jare opaete chalana wasu iya reta jare uruwata wae reta, jare chalana wasu pe uwata wae reta, jare opaete mar rupi uparawɨkɨ wae reta upɨtata mbɨrɨ Babilonia wi.

Apocalipsis 18:19

Jayawe oñonota reta ɨwɨkuí iñäka re uechaka reta waerä tuicha ipɨatɨtɨ. Jare uyaota reta, jare ikuasɨ katu rewe jeita reta: “¡Ikawi’ä etei kua uyeyapo! Kua Babilonia tëta wasu tuicha tëi wae ko. Yande chalana wasu ñanoi wae reta yawaka mbaembae jepɨ wae jokua tëta wasu pe, jare jukuärái yande yaikokatu ñaï. Erëitu pëti ora peño opa ukañɨ tëta wasu.” Jukuärái jeita reta ipɨatɨtɨ rewe.

Apocalipsis 19:5

Jare Tumpa iwapɨa wi oë pëti ñee jei kuärái: “Pembutuicha yandeTumpa jee opaete piyeyokui chupe wae reta jare chuwi pipɨu wae reta. Iparawete wae reta wiwe jare mburuwicha retawe, opaete pe reta pembutuicha yandeTumpa jee,” jei.

Apocalipsis 4:11

“OreTumpa ndikoño mái wae, jupi ko nde nenoi waerä opaete mbaepuere. Jare jupi ko wi opaete wae uipɨu waerä ndewi, jare umbutuicha reta waerä nderee. Echa’ä nde ndiyapo opaetei mbaembae, jare nde ndipota wae rupi opaete mbaembae uyekuaa.” Jukuärái jei reta.

Apocalipsis 4:9

Jukuärái jokua mbae tekowe onoi wae reta umbutuicha jokua wapɨa pe uwapɨ oï wae jee – jae ko ikoño mái wae jee. Jare jae reta uyapo yawe jukuärái jare umee reta yawe yasurupái chupe,

Apocalipsis 8:10

Jayawe ïru araɨwa umɨñee jemimbɨ wasu. Kua re mbapɨ ma umɨñee. Jare umɨñee yawe, pëti yasɨtata tuicha wae oa ara wi jendɨ rewe pëti mechero tuicha wae jendɨ rami. Jare oa mbɨte seri ɨ wasu reta re jare ɨwororo reta re.