Apocalipsis 14:6 - Biblia

⁶ Jayawe aecha ïru araɨwa uwewe oï ɨwate rupi. Jae ime onoi ñee umɨmbeu waerä opaete ambɨembɨe ɨwɨ pewa reta pe kerupi rupi ñonoï wae rupi jare opa kërái rái ñee pe uyemɨngeta wae reta rupi. Jokua ñee araɨwa umɨmbeu wae jaeño mái pewa ko ikawi.

Guaraní Pe (Western): Simba

⁶ Jare aecha ĩru ángel uveve ara mbɨte rupi. Tumpa umee ángel pe umɨmbeu vaerã ñee icavi vae opa mbae vae ɨvɨ pegua reta pe. Umɨmbeu opaete ɨvɨ ambɨembɨe pegua reta pe.

Apocalipsis 14:6 Iomraidhean Croise

Génesis 1:6

Joko wi Tumpa jei: “Tuiko pëti ipo mbae wae ɨ ipäu rupi umbɨsɨrɨ waerä ɨ,” jei.

Salmo 139:24

Emae ime ra aramoi ikawi mbae wae chepɨa pe. Jare chereruwata tape tekowe opa mbae wae rupi.

San Mateo 10:27

“Jayawe jokua mbaembae peweño aikuaaka aï wae, pemɨmbeuta ko opaete wae jowake,” jei chupe reta.

Marcos 16:15

Joko wi Jesús jei chupe reta: “Pekua opaete ɨwɨ rupi jare pemɨmbeu opaete wae pe ñee ikawi wae che rewa,” jei chupe reta.

Romanos 16:25

Jare añawe yambutuicha Tumpa jee. Jae ko ipuere pemɨmɨräta Tumpa re kua ñee ikawi wae Jesucristo rewa amɨmbeu pewe wae rupi. Ɨma rupi kua ñee kiawe uikuaa’ä iko.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.

2 Tesalonicenses 2:16

YandeYa Jesucristo etei jare yandeRu Tumpa yanderau jare ñanemɨkɨrëɨ. Jare jukuärái uyapota oï jaeño mái pewa. Jáeramo yandepuere ñaäro yarowia katu rewe jokua mbaembae ikawi wae jae ipɨakawi rupi umeeta oï yandewe wae.

Hebreos 13:20

YandeRu Tumpa ko jae yanembɨpɨakatu wae. Jare jae ko uyapo pëti yemɨngeta ipɨau wae yande ndiwe. Jare yandeYa Jesucristo juwɨ uyepɨyere wae pɨpe jokua yemɨngeta upɨta kawi ma oï jaeño mái pewa. Jáeramo Tumpa umbɨjekowe ye ueru Jesucristo uyandareko waerä yanderé pëti owecha reta iyandarekoa ikawi wae rami.

1 Pedro 1:25

Erëi yandeYa iñee ikota jaeño mái pewa.” Jukuärái uyekuatía oï. Jare kua ko jae ñee ikawi wae uyemɨmbeu pewe wae.

Apocalipsis 10:11

Jayawe araɨwa jei chewe: “Nde imeta ko jekuaeño nemɨmbeu kërái mbaembae Tumpa uyapota oï tëta wasu reta rupi, jare opaete ambɨembɨe ɨwɨ pewa reta kerupi rupi ñonoï wae rupi, jare opaete ambɨembɨe ñee pe uyemɨngeta wae reta rupi, jare mburuwicha wasu reta rupi,” jei.

Apocalipsis 10:7

Echa’ä araɨwa taɨkuewaete umɨñeeta ma oï jemimbɨ wasu. Jare jae umɨñee ma yawe, Tumpa opata uyapo ipɨayemɨngeta jaeño uikuaa wae. Arakaete Tumpa umɨmbeu jae iñee umɨmbeu wae reta pe kua ara uwäeta iko. Jare añawe jae ma uwäe,” jei araɨwa.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 3:10

‘Che jae ma pewe pemɨawäta waerä opaño mbaembae pepɨawasu rewe, jare jukuärái piyapo ma. Jáeramo yepe tëi ara uwäeta oï opaete ɨwɨ pewa reta tuicha rupi uiporara waerä, erëi che puepɨta aï chuwi kuri.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.

Apocalipsis 8:13

Jayawe aecha pëti araɨwa uwewe oï ɨwate rupi, jare jae mbapɨ wese usapɨkai rewe jei: “¡Kërái etei ndipo uiporaraeteta ɨwɨ pewa reta! ¡Echa’ä imeño mbapɨ araɨwa reta jae ma ñonoï umɨñee waerä jemimbɨ wasu!” jei.