Apocalipsis 14:18 - Biblia

¹⁸ Jare ou wi ïru araɨwa mbaerenda mbae utimbo kawi wae uyeapɨ jese wae wi. Jae uyandareko tata mbaerenda re oï wae re. Jare jae usapɨkai rewe jei araɨwa josa jaimbe wae onoi wae pe: “Ekua opaete ɨwɨ rupi iyasɨa jare embatɨ opaete uva ía jokua ndejosa jaimbe wae pɨpe. Echa’ä yawɨye ma oï,” jei.

Guaraní Pe (Western): Simba

¹⁸ Jare ĩru ángel oẽ uñemeearenda güi. Jae güɨnoi mbaepuere tata re. Jare iñeeãta reve jei ángel hoz jaimbe vae güɨnoi vae pe: —Iporu hoz jaimbe vae nenoi vae jare eavɨro ɨvɨ pegua uva reta. Echa'ã yagüɨye ma uva reta —jei.

Apocalipsis 14:18 Iomraidhean Croise

Marcos 4:29

“Jare yawɨye ma yawe, iya uipoo. Echa’ä uwäe ma ara uipoo waerä,” jei chupe reta.

Apocalipsis 16:7

Jayawe ayandu ïru ñee oë mbaerenda mbae utimbo kawi wae uyeapɨ jese wae wi. Jare jei kuärái: “Añetete jukuärái ko, oreYa Tumpa. ¡Nde nembaepuerete ye wae ko! Nde ndepurumbɨjeko jupi wae rupi jare ndiporaraka añetete wae rupi,” jei.

Apocalipsis 16:8

Jayawe ïru araɨwa upɨyere icopa warasɨ re. Kua re irundɨ ma upɨyere. Jare upɨyere ma yawe, uñemee mbaepuere warasɨ pe ipuere waerä uapɨ ɨwɨ pewa reta jaku rái pɨpe.

Apocalipsis 8:3

Jare ou ïru araɨwa uyemboɨ Tumpa iwapɨa jowai, mbaerenda mbae utimbo kawi wae uyeapɨ jese wae iyɨpɨ pe. Jokua mbaerenda oro pewa ko. Jare araɨwa onoi ipo pe pëti jɨru oro pewa mbae utimbo kawi wae uapɨ pɨpe wae. Jare uñemee chupe jeta mbae utimbo kawi wae uapɨ waerä mbaerenda re Tumpa jowai. Jare jae uapɨ yawe, jatäti uyeupi päwe Cristo re wɨrowia wae reta iyerure ndiwe Tumpa jowai.