Apocalipsis 14:15 - Biblia

¹⁵ Jare aecha tupao wasu ara pe oï wae wi oë ïru araɨwa. Jare jae jei usapɨkai rewe jokua amapɨ̈tu re uwapɨ oï wae pe: “Añawe ou ma uwäe mbaewɨro ɨwɨ pe. Jae ma oï yawɨro waerä. Jáeramo iporu jokua ndejosa nembaewɨro waerä,” jei chupe umbɨjaanga rewe.

Guaraní Pe (Western): Simba

¹⁵ Jare penti ángel oẽ Tumpa jo güi jare iñeeãta reve jei amapɨ̃tu re uguapɨ oĩ vae pe: —Iporu jocua hoz nenoi vae nembaevɨro vaerã. Echa'ã ou ma uvãe nembaevɨro vaerã. Echa'ã yagüɨye ma ɨvɨ pe oĩ vae. Icavi co nembaevɨro vaerã —jei.

Apocalipsis 14:15 Iomraidhean Croise

Génesis 15:6

Jayawe Abram wɨrowia Tumpa jei wae re; jáeramo Tumpa umae jese jeko mbae wae rami.

San Mateo 13:30

‘Tukuakuaa päwe mokui rewe trigo yaipoo rewa. Jare yaipoo yawe, jayawe ramo jaeta uipoo wae reta pe, ‘Pembatɨ rani kapii jare piyokua peapɨ waerä. Erëi pembatɨ trigo o pe yambɨru yaupi waerä,’ jaeta chupe reta kuri,’ jei koo iya.” Jukuärái Jesús jei chupe reta.

San Mateo 13:39

Jare koo iya jowaicho kapii oñotɨ wae uyembɨjaanga oï Añawasu re etei. Jare mbaepoo uyembɨjaanga oï ara taɨkuewa re. Jare umbaepoo wae reta uyembɨjaanga oï araɨwa reta re,” jei chupe reta.

San Mateo 23:32

Jayawe piyapo pochɨño jokua peramɨkue reta umbɨpɨ uyapo wae,” jei chupe reta.

Marcos 4:29

“Jare yawɨye ma yawe, iya uipoo. Echa’ä uwäe ma ara uipoo waerä,” jei chupe reta.

1 Tesalonicenses 2:16

Echa’ä yepe tëi ore nduipota numɨmbeu judío mbae wae reta pe kërái ipuere onoi reta waerä tekowe opa mbae wae Tumpa ndiwe, erëi judío reta jekuaeño orembɨawái ñonoï. Jukuärái jae reta jekuaeño jeiete uyawɨ ñonoï Tumpa kotɨ. Jáeramo Tumpa iarasɨ oata ma oï jese reta.

Apocalipsis 11:19

Jare kua jei reta ma yawe, tupao wasu ara pe oï wae uyepea, jare o pe uyekuaa Tumpa arakae jei wae yemɨmandúa jɨru. Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu wae. Jare jawoi pewa ɨwɨ ukäta. Jare oa wi amandau jeta wae.

Apocalipsis 13:12

Jare jokua tenondewa bestia mar wi oë wae ombou kua bestia ɨwɨ wi oë wae jae jee re. Jare jae iparawɨkɨ ko jae umbutuichaka waerä opaete ɨwɨ pewa reta pe jokua tenondewa bestia jee – jae ko jokua ipere umano rape iko tëi wae, jare ukuera ye wae.

Apocalipsis 14:14

Jayawe aecha amapɨ̈tu tïi wae, jare jokua amapɨ̈tu re aecha kía uwapɨ oï. Jae chawaa kuimbaerä uyeyapo wae. Jare iñäka re onoi corona oro pewa, jare uipɨsɨ oï pëti josa jaimbe wae.

Apocalipsis 14:16

Jayawe jokua amapɨ̈tu re uwapɨ oï wae uiporu ijosa jare uawɨro ɨwɨ pewa reta.

Apocalipsis 14:17

Jare aecha tupao wasu ara pe oï wae wi oë ïru araɨwa. Jae wi onoi ipo pe josa jaimbe wae.

Apocalipsis 14:18

Jare ou wi ïru araɨwa mbaerenda mbae utimbo kawi wae uyeapɨ jese wae wi. Jae uyandareko tata mbaerenda re oï wae re. Jare jae usapɨkai rewe jei araɨwa josa jaimbe wae onoi wae pe: “Ekua opaete ɨwɨ rupi iyasɨa jare embatɨ opaete uva ía jokua ndejosa jaimbe wae pɨpe. Echa’ä yawɨye ma oï,” jei.

Apocalipsis 15:6

Jare tupao wasu wi oë jokua chiu araɨwa reta ombouta ma oï chiu mbaesusere reta ɨwɨ pewa reta re wae. Jae reta jemimonde nieso tïasɨ ikɨa mbae wae ko, jare ipɨtía rupi onoi tumbɨkuaa oro pewa.

Apocalipsis 16:17

Joko wi ïru araɨwa upɨyere icopa. Kua re chiu ma upɨyere. Jare upɨyere yawe, jae upɨyere ɨwɨtu uyepeyu wae re. Jare jupiwoiño oë ñee täta wae tupao wasu ara pe oï wae wi, Tumpa iwapɨa wi. Jare jokua ñee jei kuärái: “¡Tumpa iarasɨ opata ma oï!” jei.

Apocalipsis 6:10

Jare jae reta usapɨkai rewe jei: “OreYa jupi wae jare añetete pewa, ¿kërái yawe rewa pa neärota ndiyepɨ waerä orewe oreyuka wae reta pe? ¿Kërái yawe pa ndiporarakata chupe reta?” jei reta.