Apocalipsis 14:11 - Biblia

¹¹ “Jare jokua tata jae reta uiporarata ñonoï pɨpe wae jae ko tata owe mbae wae. Ara rupi jare pɨ̈tu rupi uiporarata reta, jare ndarau michi pewa yepe uputuu reta,” jei. “Jukuärái uyeyapota opaete jokua tenondewa bestia re jare jae jaanga re umbɨadora wae reta pe, jare opaete bestia imarka onoi wae reta pe. Jokua marka ko jae bestia jee,” jei.

Guaraní Pe (Western): Simba

¹¹ Jare tatãti uyupita jaeño mai pegua jocua reta uiporarata ñugüɨnoi vae güi. Jare jae reta ndarau ipuere uputuu ara rupi jare pɨ̃tu rupi. Echa'ã umbɨadora reta jocua maemɨmba guasu jare jaanga jare güɨnoi maemɨmba guasu jee imarca —jei.

Apocalipsis 14:11 Iomraidhean Croise

Génesis 19:28

Jare Abraham umae tëta wasu reta Sodoma jare Gomorra kotɨ jare opaete ɨwɨ ipe tuicha wae kotɨ. Jare uecha tatäti upüa oï opaete jokua ɨwɨ wi, tatäti tata tuichaete wae wi upüa wae echa rami.

Éxodo 15:18

OreTumpa, ¡nde nenoita mbaepuere opaete mbaembae re jaeño mái pewa!”

San Mateo 11:28

Jayawe Jesús jei wi chupe reta: “Opaete pekueri ye ma pepɨatɨtɨ wae reta jare piyembɨpɨa’ä wae reta, peyu mii chekotɨ. Jare che pumbuputuuta,” jei chupe reta.

San Mateo 25:41

“Joko wi che jaeta cheaso kotɨ ñonoï wae reta pe: ‘Pesɨrɨ chewi tata owe mbae wae pe. Jokua tata uyeyapɨkatu ma oï Añawasu jare araɨwakue chupe uyeyokui wae reta pewarä. Joko pe pikuaata peï Tumpa iarasɨ.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

Hebreos 1:8

Erëi Tumpa jei Taɨ pe kuärái: “Nde ko jae Tumpa etei, jare nembaepuere mburuwicha wasu pewa ndarau etei opa. Jekuaeño ndiyapota jupi wae rupi.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.

Apocalipsis 13:12

Jare jokua tenondewa bestia mar wi oë wae ombou kua bestia ɨwɨ wi oë wae jae jee re. Jare jae iparawɨkɨ ko jae umbutuichaka waerä opaete ɨwɨ pewa reta pe jokua tenondewa bestia jee – jae ko jokua ipere umano rape iko tëi wae, jare ukuera ye wae.

Apocalipsis 13:15

Jare uñemee jokua bestia taɨkue aecha wae pe onoi waerä mbaepuere umbɨyemɨngetaka waerä jokua tenondewa bestia jaanga. Jare joko wi uyukaka opaete uipota’ä umbɨadora jese wae reta.

Apocalipsis 13:17

Jare ime yawe kía nunga mbaetɨ onoi jokua marka wae, ndarau ipuere owa mbae awe jare ndarau ipuere mbae owaka wi. Jokua marka ko jae jokua bestia jee, ani yandepuere yae chupe jae ko número umbɨjaanga bestia jee re wae.

Apocalipsis 14:9

Jayawe jokua araɨwa jaɨkue rupi uyekuaa ïru araɨwa. Kua re uyekuaa mbapɨ ma. Jare jae jei usapɨkai rewe: “Opaete jokua tenondewa bestia re jare jae jaanga re umbɨadora wae reta uikuaata ñonoï Tumpa iarasɨ wasu. Jare jae nunga wi jokua bestia imarka ime onoi jesɨwa re ani ipo re wae reta uikuaata ñonoï wi Tumpa iarasɨ wasu. Echa’ä Tumpa pochɨete chupe reta jare täta rupi uiporarakata chupe reta,” jei. “Jae reta uiporarata tata pe jare azufre jendɨ oï wae pe araɨwa Tumpa oñono tee wae reta jowai jare Owecha kuimbae taurusu wae jowai,” jei.

Apocalipsis 18:18

Jare jae reta uecha yawe jokua tëta wasu opa okai oï jare tatäti upüa oï joko wi, jeita reta: “¡Mbaetɨi jokua nunga tëta wasu!” jeita reta.

Apocalipsis 18:9

Jare jokua ara ɨwɨ pewa mburuwicha wasu reta uecha yawe jokua tëta wasu Babilonia opa okai oï jare tatäti upüa oï joko wi, jae reta ipɨatɨtɨta jare uyaota reta jese. Echa’ä ɨma rupi jae reta uyerowiase yureko jokua tëta wasu pewa reta jeko kachi rupi. Jare uyekouse reta wi opaete jokua tëta wasu imbaembae ikawi wae re.

Apocalipsis 19:3

Jare jei reta wi: “¡Opaete wae tumbutuicha Tumpa jee! Jokua tëta wasu Babilonia opa ma okai, jare jendakue wi upüata tatäti jaeño mái pewa.” Jukuärái jei reta usapɨkai rewe.

Apocalipsis 20:10

Jae reta uyembɨtawɨka Añawasu pe. Jare joko wi aecha jokua tata wasu azufre ndiwe jendɨ oï wae. Joko pe ko tenonde yawe Tumpa omomboka jokua bestia jare Tumpa iñee umɨmbeuraanga wae ndiwe. Jare amae aiko rambuewe, Tumpa omomboka Añawasu joko pe wi. Jae reta mbapɨ rewe uiporarata joko pe ara rupi jare pɨ̈tu rupi jaeño mái pewa.

Apocalipsis 22:5

Jare ndarau ime joko pe pɨ̈tu. Jare ndarau uiporu reta mechero jare warasɨ jembipe, echa’ä yandeYa Tumpa etei jembipeta chupe reta. Jare jae reta yurekota mburuwicharä jaeño mái pewa.

Apocalipsis 7:12

Jare jei reta: “¡Jukuärái tuiko! Nde oreTumpa, numee yasurupái tuicha ndewe. Ndeñoete nenoi opaete arakuaa, mɨräta, jare mbaepuere. Jupi ko opaete wae uipɨu waerä ndewi jare umbutuicha reta waerä nderee jaeño mái pewa. ¡Jukuärái tuiko!” jei reta.