Apocalipsis 13:5 - Biblia

⁵ Jare uñemee jokua bestia pe mbaepuere ɨwɨ pewa reta re cuarenta y dos yasɨ rupi. Jare uñemee wi chupe uyemɨngeta waerä uyembutuicha rewe jare jei tëi iyupe jae ko Tumpa wae.

Guaraní Pe (Western): Simba

⁵ Jare Tumpa umaeño jocua ĩru maemɨmba guasu re uyembutuicha vaerã jare jei vaerã icavi mbae vae Tumpa cotɨ. Jare uñemee chupe mbaepuere jucuarãi uyapo vaerã cuarenta y dos yasɨ.

Apocalipsis 13:5 Iomraidhean Croise

2 Tesalonicenses 2:3

Awɨye wi pemaeño kía re pembɨtawɨ waerä. Echa’ä ndei ara yandeYa pewa uwäe mbowe, imeta ko uyeyapo rani ïru mbaembae. Echa’ä jeta wae reta oyowaichoeteta Tumpa kotɨ. Jare uyekuaata wi oï jokua kuimbae ikawi mbaete oï jese wae. Jokua kuimbae Tumpa omombota oï kuri Tatawasurenda pe.

2 Tesalonicenses 2:4

Erëi tenonde jokua kuimbae oyowaichota oï Tumpa kotɨ jare opaete mbaembae ɨwɨ pewa reta umbɨadora wae kotɨ wi. Jaeño uyembutuichata oï chuwi reta, echa’ä jae uiketa judío reta itupao wasu o pe etei, jare joko pe uwapɨta mburuwicha wasu rami jei rewe: “Cheño ko jae Tumpa.”

2 Tesalonicenses 2:8

Jare jayawe ramo jokua kuimbae ikawi mbaete oï jese wae uyekuaata oï. Erëi taɨkue rupi yandeYa Jesucristo etei ou yeta oï kuri tembipe uwerasɨete rewe, jare umbaita oï jokua kuimbae iñee rupiño, jare uwera jese rupiwe uyukata oï kuri.

Apocalipsis 11:7

Jayawe jae reta opa ma Tumpa rewa umɨmbeu yawe, pëti mbaemɨmba echa ipɨrätaete jare pochɨete wae oëta jokua ɨwɨkua wasu juwa mbae wae wi. Jare jae ombowaichota jokua mokui kuimbae reta, jare umɨamɨrita, jare uyukata reta.

Apocalipsis 12:14

Jayawe uñemee kuña pe pëti wɨrakee wasu ipepo reta. Jokua pɨpe jae uwewe oo dragón wi mbɨrɨ ɨwɨtini wasu kotɨ kiape uñepɨ̈ro pɨpe wae pe. Jare joko pe Tumpa uyandarekoka jese mbapɨ año mbɨte rupi.

Apocalipsis 12:6

Jare jokua kuña osi oo ɨwɨtini wasu kotɨ. Echa’ä joko pe Tumpa uyapɨkatu chupe uñepɨ̈ro waerä. Jare joko pe Tumpa uyandarekoka jese 1.260 ara.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.