Apocalipsis 13:3 - Biblia

³ Jare aecha jokua bestia mar wi oë wae pëti iñäka ipere oï. Umano rape tëi, erëi ukuera. Jare ɨwɨ pewa reta opaete seri ipɨakañɨ umae jese.

Guaraní Pe (Western): Simba

³ Jare aecha penti jocua maemɨmba guasu ɨ guasu güi oẽ vae iñãca ipere umano vaerã tẽi. Ẽrei ucuera ma jocua ipere mano pegua güi. Jare opaete ɨvɨ pegua reta ipɨacañɨ jocua maemɨmba guasu re.

Apocalipsis 13:3 Iomraidhean Croise

San Lucas 2:1

Jokua ara reta rupi romano reta imburuwicha wasu Augusto jee wae oyokui opaete wae uyepapaka reta waerä. Kua uyeyapota iko opaete ɨwɨ kiape jae uyembɨiya jese wae rupi.

San Juan 12:19

Jayawe fariseo reta jei iyupe: “Mase, kua kuimbae pochɨ, opaete wae reta yuraa ñonoï jupie. Jare yandepuere’ä yayopia chuwi,” jei reta iyupe.

Hechos 8:13

Jare Simón ipaye wae wɨrowia wi Jesucristo re jare uyembɨsakambuka ɨ pe. Jare joko wiwe umbɨpɨ uñemɨïru Felipe ndiwe. Jare ipɨakañɨete umae Felipe uyapo wae re, echa’ä Felipe uyapo jeta mbaembae kiawe ipuere’ä uyapo wae. Jukuärái Felipe uikuaaka Tumpa oï jae ndiwe wae.

Apocalipsis 13:12

Jare jokua tenondewa bestia mar wi oë wae ombou kua bestia ɨwɨ wi oë wae jae jee re. Jare jae iparawɨkɨ ko jae umbutuichaka waerä opaete ɨwɨ pewa reta pe jokua tenondewa bestia jee – jae ko jokua ipere umano rape iko tëi wae, jare ukuera ye wae.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 17:10

“Jae nunga wi uyembɨjaanga oï chiu mburuwicha wasu reta re. Pandepo jokua mburuwicha reta opa ma ukañɨ. Jare pëti wae añawe ime onoi mbaepuere, jare ïru wae ndeiño ou. Jare jae ou ma yawe, michi pewaño imeta onoi mbaepuere,” jei chewe.

Apocalipsis 17:11

“Jare jokua bestia tenonde yawe ikose wae erëi añawe mbaetɨ ma iko wae, jae uyembɨjaanga oï ambɨe mburuwicha wasu ndeiño ou wae re. Jokua re juri. Jare jae ikota jokua chiu mburuwicha wasu reta rami. Erëi taɨkue rupi Tumpa omombota Tatawasurenda pe jaeño mái pewa,” jei chewe.

Apocalipsis 17:13

“Opaete kua payandepo mburuwicha wasu reta onoita oyowake iyemɨngeta – jae ko uñemee reta waerä bestia pe jae onoi waerä mbaepuere jese reta jare opaete iɨwɨ pewa reta re wi,” jei.

Apocalipsis 17:17

“Jokua kuña ndecha wae uyembɨjaanga oï jokua tëta wasu jeräkua wae re – jae ko ime onoi mbaepuere opaete ɨwɨ pewa mburuwicha wasu reta re wae. Jare kua mbaembae uyeyapota oï jokua tëta wasu pe, echa’ä jokua ko jae Tumpa ipɨayemɨngeta. Tumpa ko oñono jokua payandepo mburuwicha wasu reta ipɨa pe kɨrëɨ pëti ramiño uñemee reta waerä bestia pe jae onoi waerä jese reta mbaepuere. Jare jae reta uyeyokuita bestia pe Tumpa jei wae opa uyeyapo rewa,” jei araɨwa chewe.

Apocalipsis 17:6

Jokua kuña jatangätuete uyuka waerä Tumpa oñono tee iyupewarä wae reta. Jare upɨyere ma jeta wae reta Jesús rewa umɨmbeu wae juwɨ. Kërái usawɨpose wae ueka awariëte rami, jukuärái wi kuña oete ueka jae reta juwɨ upɨyere chuwi reta waerä. Jare che aecha yawe jokua kuña, chepɨakañɨete apɨta.

Apocalipsis 17:8

Jayawe araɨwa jei wi chewe: “Kua bestia ndecha wae ikose tenonde yawe, erëi añawe mbaetɨ ma. Erëi uyekuaa yeta oï, echa’ä oëta ma oï ɨwɨkua wasu juwa mbae wae wi. Erëi jokua jaɨkue rupi Tumpa omombota Tatawasurenda pe jaeño mái pewa,” jei. “Jare ɨwɨ pewa reta ipɨakañɨeteta uecha yawe jokua bestia tenonde ikose wae uyekuaa ye ramo. Jae reta jee mbaetɨ uyekuatía oï ɨwɨ uyembɨpɨ wiwe Tumpa itupapire pe. Echa’ä jaeño tekowe opa mbae wae onoi wae reta jee uyekuatía oï jokua tupapire pe,” jei chewe.