Apocalipsis 12:7 - Biblia

⁷ Jayawe uyeyapo pëti ñeräro ara pe. Pëti araɨwa tenondewa Miguel jee wae jare iaraɨwa reta uñeräro jokua dragón ndiwe. Jare dragón jare jokua araɨwa reta uyemboya jese wae uñeräro wi jae reta ndiwe.

Guaraní Pe (Western): Simba

⁷ Jare uyeyapo penti ñerãro ara pe. Miguel jare ángel chupe uyeyocui vae reta uñerãro jocua maemɨmba guasu ndive. Jare maemɨmba guasu jare ángel chupe uyeyocui vae reta uñerãro jae reta ndive.

Apocalipsis 12:7 Iomraidhean Croise

San Mateo 13:41

“Echa’ä che kuimbaerä ayeyapo wae ambouta chearaɨwa reta umbɨsɨrɨ waerä cheré wɨrowia wae reta ipɨte wi opaete kía japicha pe uyawɨka Tumpa kotɨ wae reta jare ikawi mbae wae uyapo wae reta,” jei.

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

San Mateo 24:31

“Jare pëti temimbɨ wasu uñee oï rewe che amondota araɨwa reta umbatɨ waerä che aiparawo wae reta opaete kerupi rupi wi,” jei chupe reta.

San Mateo 25:41

“Joko wi che jaeta cheaso kotɨ ñonoï wae reta pe: ‘Pesɨrɨ chewi tata owe mbae wae pe. Jokua tata uyeyapɨkatu ma oï Añawasu jare araɨwakue chupe uyeyokui wae reta pewarä. Joko pe pikuaata peï Tumpa iarasɨ.

San Mateo 26:53

“Añetete che aipota yawe, chepuereta tëi aeka cheRu pe jae jawoi pewa ombou waerä jetaete araɨwa reta cherepɨ waerä. ¿Ndikuaa’ä yerá jokua?” jei chupe.

2 Corintios 12:7

YandeYa uechaka chewe jeta kua nunga mbaembae ikawiete ye wae. Erëi che awɨye waerä ayembutuichaete jokua re, Tumpa umaeño pëti mbae jasɨ chewe waerä. Jekuaeño jasɨ chewe pëti ñuräti yandesoo pe yandekutu oï wae rami. Satanás etei ombouka chewe kua uiporaraka waerä chewe.

Efesios 6:12

Pemandúa ñañeräro’ä ko ñaï ɨwɨ pewa reta ndiwe. Yanderowaicho reta ko jae Añawasu jare aña reta. Jae reta ko jae ɨwɨ pewa pɨ̈tumimbi pe ñonoï reta wae echa iya. Jukuärái teko kachi tuicha ukuakuaa oo oï kua ɨwɨ pe.

2 Tesalonicenses 1:7

Jare jukuärái pe reta piporara peï wae, oyowake peputuuta peï kuri ore ndiwe kua yaiporara ñaï wae wi. Jokua uyeyapota oï yandeYa Jesucristo uyekuaa yawe ara wi tata jendɨ rewe jare iaraɨwa ipɨrätaete wae reta ndiwe,

Hebreos 2:10

Tumpa ko jae opaete mbaembae iYa. Echa’ä jae rupi etei jare jae imaerä etei uyekuaa opaete mbaembae. Jare jae uipota ɨwɨ pewa reta jeta taɨrä yureko reta waerä jare uyekou reta waerä jae imbaepuere jupiete ye wae re. Jáeramo jae ipɨayemɨngeta ko Jesús uyapo waerä yandewe tape tekowe opa mbae wae ñanoi waerä. Jare jaeño tuicha uiporara rewe Jesús ipuere opa uyapo jokua mbarawɨkɨ.

2 Pedro 2:4

Yaikuaa Tumpa uiporarakata oï chupe reta, echa’ä araɨwa retawe ipuere’ä oyepe Tumpa iarasɨ wi arakaete uyawɨ reta Tumpa kotɨ yawe. Echa’ä Tumpa ara wi omombo reta pɨ̈tumimbiete oï wae pe, jare joko pe uñeñapɨ̈ti ñonoï reta ara taɨkuewa uwäe rewa. Jare jokua ara uwäe yawe, uyemboɨta reta Tumpa jowai Tumpa uiporaraka waerä chupe reta jaeño mái pewa.

Judas 1:9

yepe tëi araɨwa retawe uyemɨngeta’ä jukuärái. Echa’ä arakae araɨwa tenondewa Miguel jee wae uyeaka iko yawe Añawasu ndiwe Moisés jetekue re, uipɨu umbɨjeko waerä Añawasu pochɨ rewe. Jaeño jei chupe: “YandeYa tuñeengata ndewe,” jei chupe.

Apocalipsis 12:8

Erëi dragón jare iaraɨwa reta opa jamɨri, jare mbaetɨ ye ma jendarä ara pe.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 20:2

Jare araɨwa uipɨsɨ jokua dragón. Jae ko jokua mboi arakaete Eva umɨngeta wae. Jae ko Añawasu, jare jee ko Satanás. Jayawe araɨwa uñapɨ̈ti oñono Satanás cadena pɨpe miri año pewa.