Apocalipsis 12:4 - Biblia

⁴ Jare juwai pe uipɨsɨ mbɨte seri yasɨtata reta omombo ɨwɨ kotɨ. Jare jae uyemboɨ kuña imembɨ oata wae jowai opa waerä tëi jou chuwi imembɨ oa yawe.

Guaraní Pe (Western): Simba

⁴ Jare juguai uipɨsɨ mbɨte seri yasɨtata reta omombo ɨvɨ cotɨ. Jare jocua maemɨmba guasu uyemboɨ cuña imembɨta vae jovai, opa vaerã tẽi jou imembɨ, oa ma yave.

Apocalipsis 12:4 Iomraidhean Croise

Éxodo 1:16

Jare mburuwicha wasu oyokui reta: “Pemborɨ yawe kuña Israel iñemoñaa reta imembɨ oa oï yawe, pemae jese. Kuimbae yawe, piyuka. Jare kuña yawe, pemaeño tuiko.” Jukuärái oyokui mburuwicha wasu jokua mokui kuña reta.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

Apocalipsis 12:7

Jayawe uyeyapo pëti ñeräro ara pe. Pëti araɨwa tenondewa Miguel jee wae jare iaraɨwa reta uñeräro jokua dragón ndiwe. Jare dragón jare jokua araɨwa reta uyemboya jese wae uñeräro wi jae reta ndiwe.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:2

Jokua bestia yawa echa chewe. Jare ipɨ oso ipɨ echa chewe. Jare iyuru yawapɨ̈ta tuicha wae iyuru echa chewe. Jare jokua dragón umee imbaepuere kua bestia pe jare omondo jae jee re.

Apocalipsis 13:4

Jare umbutuicha reta jokua dragón jee, echa’ä bestia ou dragón jee re ramo. Jare umbutuicha reta wi jokua bestia jee. Jare jei reta: “Mbaetɨ etei kía kua nunga bestia rami. Ndarau kía ipuere uñeräro jae ndiwe jare umɨamɨri,” jei reta.

Apocalipsis 16:13

Jayawe aecha wi dragón jare jokua mokui bestia reta. Jokua taɨkuewaete bestia jei tëi jae umɨmbeu iko Tumpa iñee. Erëi umɨmbeu yepe iko bestia tenondewa iñee. Jare mbapɨ rewe jae reta iyuru wi aecha oë mbapɨ aña kachiete wae pïte echa.

Apocalipsis 20:2

Jare araɨwa uipɨsɨ jokua dragón. Jae ko jokua mboi arakaete Eva umɨngeta wae. Jae ko Añawasu, jare jee ko Satanás. Jayawe araɨwa uñapɨ̈ti oñono Satanás cadena pɨpe miri año pewa.

Apocalipsis 8:10

Jayawe ïru araɨwa umɨñee jemimbɨ wasu. Kua re mbapɨ ma umɨñee. Jare umɨñee yawe, pëti yasɨtata tuicha wae oa ara wi jendɨ rewe pëti mechero tuicha wae jendɨ rami. Jare oa mbɨte seri ɨ wasu reta re jare ɨwororo reta re.

Apocalipsis 8:11

Jare jokua mbɨte seri ɨ wasu reta opa iro uyeyapo. Jare jetaete wae umano jokua ɨ iro wae jou ramo. Jáeramo jokua yasɨtata ko jee Ajenjo.

Apocalipsis 8:12

Jayawe ïru araɨwa umɨñee jemimbɨ wasu. Kua re irundɨ ma umɨñee. Jare umɨñee yawe, mbae uyeyapo warasɨ pe awɨye waerä jembipe irundɨ ora opa ara rupi. Jae nunga wi mbae uyeyapo yasɨ jare yasɨtata reta pe awɨye waerä jembipe irundɨ ora opa pɨ̈tu rupi.

Apocalipsis 8:7

Jayawe pëti araɨwa umɨñee jemimbɨ wasu. Jare umɨñee yawe, aramoiño oa ɨwɨ re amandau jare tata tuwɨ rewe. Jare mbɨte seri ɨwɨra reta ɨwɨ pe oï wae okai, jare opaete kapii opa okai.

Apocalipsis 8:8

Joko wi ïru araɨwa umɨñee jemimbɨ wasu. Kua re mokui ma umɨñee. Jare umɨñee yawe, pëti ɨwɨtu wasu echa wae jendɨ rewe oa oo mar pe. Jare mar mbɨte seri opa uyeyapo tuwɨrä.

Apocalipsis 8:9

Jare mbɨte seri jewae mar rupiwa reta opa umano. Jare jae nunga wi mbɨte seri chalana wasu reta opa ikumewa.

Apocalipsis 9:10

Jare tuku reta juwai chumɨkaräpe juwai echa. Jare juwai iyapɨ re ipöpia onoi wae echa. Jare joko pe onoi reta mbaepuere uiporaraka waerä ɨwɨ pewa reta pe pandepo yasɨ pewa.

Apocalipsis 9:19

Erëi jokuaño’ä uyapo reta. Jae nunga wi juwai mboi echa jare iyapɨ re oï mboi iñäka echa. Jare jokua pɨpe upurumbɨpere reta. Jukuärái jokua kawayu reta iyuru jare juwai ime onoi mbaepuere umbɨpere jare uyuka waerä ɨwɨ pewa reta.