Apocalipsis 12:17 - Biblia

¹⁷ Jayawe dragón pochɨete upɨta kuña pe, jare oo uñeräro waerä kuña iñemoñaa reta ndiwe – jae reta ko Tumpa jei wae rupi yureko wae reta jare Jesús rewa jupi umɨmbeu wae reta.

Guaraní Pe (Western): Simba

^17-18 Jayave maemɨmba guasu pochɨ cuña pe, jare oo uñerãro cuña imembɨ ndeiño umano vae reta ndive. Echa'ã jae reta uyapo Tumpa iporoyocui reta jare umɨmbeu Jesús regua.

Apocalipsis 12:17 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

San Mateo 28:20

“Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

1 Corintios 2:1

Jayawe hermano mii reta, jokua jeko pewa che jaeramo a pepɨ yawe amɨmbeu waerä añetete wae Tumpa rewa, mbaetɨ etei aipota ayemɨngeta pëti iñeengatu wae rami jare pëti iyarakuaa katu echa iyupe wae rami.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

1 Juan 2:3

Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

1 Juan 5:10

Kía Tumpa Taɨ re wɨrowia wae uikuaa ipɨa pe añetete ko kua mbaembae Tumpa uikuaaka yandewe wae. Erëi jokua wɨrowia’ä wae jei oï tëi Tumpa pe iyapu wae ko, echa’ä wɨrowia’ä Tumpa jei Taɨ rewa wae ramo.

1 Juan 5:2

Jáeramo yaau yawe Tumpa, jare yaiko yawe jae jei wae rupi, yaau wi ko ïru hermano reta. Echa’ä jae reta ko jae Tumpa taɨ reta wi.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 11:7

Jayawe jae reta opa ma Tumpa rewa umɨmbeu yawe, pëti mbaemɨmba echa ipɨrätaete jare pochɨete wae oëta jokua ɨwɨkua wasu juwa mbae wae wi. Jare jae ombowaichota jokua mokui kuimbae reta, jare umɨamɨrita, jare uyukata reta.

Apocalipsis 12:16

Erëi ɨwɨ etei omborɨ kuña, echa’ä ɨwɨ uyepea kërái yandeyuru yaipea rami. Jare jokua dragón iyuru wi ɨ wasu rami omondo wae opa ukañɨ ɨwɨ uyepea wae pe.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 14:12

Jáeramo ipotawe kía Tumpa oñono tee jae imaerä wae reta – jae ko Tumpa jei wae rupi yureko wae reta jare Jesús re wɨrowia wae reta – tuñemɨkɨrëɨ jare tumɨawäta ipɨawasu rewe uiporara reta wae.

Apocalipsis 17:14

“Kua reta ombowaichota tëi Owecha kuimbae taurusu wae. Erëitu Owecha kuimbae opata umɨamɨri reta, echa’ä jae ko mburuwicha wasu reta itenondewaete wae jare opaete wae iYa tenondewaete wae,” jei. “Jare jae nunga wi ñonoïta jae ndiwe jae uiparawo wae reta ñeräro pe. Kua reta jae ueni, jare jae reta jupi uyeyokui chupe wae ko,” jei chewe araɨwa.

Apocalipsis 17:6

Jokua kuña jatangätuete uyuka waerä Tumpa oñono tee iyupewarä wae reta. Jare upɨyere ma jeta wae reta Jesús rewa umɨmbeu wae juwɨ. Kërái usawɨpose wae ueka awariëte rami, jukuärái wi kuña oete ueka jae reta juwɨ upɨyere chuwi reta waerä. Jare che aecha yawe jokua kuña, chepɨakañɨete apɨta.

Apocalipsis 18:20

Joko wi ayandu pëti ñee jei kuärái: “Tuyerowia kua re opaete wae ara pe ma ñonoï wae reta. Jare tuyerowia wi opaete wae Tumpa oñono tee ma jae imaerä wae reta jare opaete wae ñee Tumpa wi etei ou wae umɨmbeu wae reta. Jare tuyerowia wi opaete wae Tumpa omondo jae jee re wae reta. Echa’ä Tumpa uyepɨ ma chupe reta Babilonia pe.” Jukuärái jei.

Apocalipsis 19:10

Jayawe che añeñono ɨwɨ re araɨwa jowai ambutuicha waerä tëi. Erëi jae jei chewe: “¡Awɨye iyapo!” jei. “Che ayeyokui Tumpa pe nde jare ndehermano reta rami. Kërái pe reta pemɨmbeu jupi Jesús rewa, jukuäraiño wi ko che,” jei. “Tumpa jeeño embutuicha. Echa’ä jae ko umee yandewe ñee Jesús rewa yamɨmbeu waerä,” jei araɨwa chewe.

Apocalipsis 19:19

Jayawe aecha jokua bestia, jare ɨwɨ pewa mburuwicha wasu reta jare opaete isɨndaro reta ndiwe. Jae reta uyembatɨ ma ñonoï uñeräro waerä jokua kawayu tïi wae re opo wae ndiwe jare isɨndaro reta ndiwe.

Apocalipsis 20:4

Jare aecha wi jeta mburuwicha reta iwapɨa jare joko pe uwapɨ ñonoï wae reta. Tumpa umee chupe reta mbaepuere mburuwicha wasurä yureko waerä. Jare aecha wi jeta umanokue wae reta joko pe ñonoï. Jae reta umɨmbeu kawise Tumpa iñee jare Cristo rewa. Jare umbutuicha’ä reta jokua bestia jee re jare umbɨadora’ä reta jae jaanga re. Jare mbaetɨ onoi reta wi bestia imarka jesɨwa re jare ipo re. Jáeramo bestia uyayuasɨaka reta kɨsepuku pe. Erëi Tumpa umbɨjekowe ye ueru reta umanokue wae reta ipɨte wi. Jare jae reta onoita mbaepuere Cristo ndiwe miri año pewa. Jae reta rani ko jae Tumpa umbɨjekowe ye wae. Erëitu ïru umanokue wae reta ikowe yeta’ä jokua miri año uasa rewa.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.

Apocalipsis 6:9

Joko wi Owecha kuimbae taurusu wae uipea ye tupapire imboyaka. Kua re uipea ma pandepo imboyaka. Jayawe che aecha ara pe pëti mbaerenda. Jare jokua mbaerenda íɨwɨ pe aecha jeta umano wae reta iä. Jae reta uyeyukaka Tumpa iñee umɨmbeu ramo jare jupi yureko Tumpa re ramo.