Apocalipsis 12:1 - Biblia

¹ Jare ime mbae uyekuaa ara re chepɨakañɨete jese wae. Jae ko pëti kuña warasɨ pe uyemonde rami. Jare kuña ipɨ íɨwɨ pe oï yasɨ. Jare doce yasɨtata reta onoi iñäka re icoronarä.

Guaraní Pe (Western): Simba

¹ Jare uyecuaa ara re chepɨacañɨ ete jese vae. Jae co penti cuña. Jemimonde guarasɨ co, jare uyemboɨ oĩ yasɨ iárambo, jare icorona doce yasɨtata reta co.

Apocalipsis 12:1 Iomraidhean Croise

San Mateo 12:38

Jayawe amokue kuimbae Moisés uikuatía wae re oporomboe wae reta jare fariseo reta jei Jesús pe: “Oporomboe wae, añetete Tumpa nembou yawe, jayawe yaecha iyapo orewe mbae tuicha wae Tumpa imbaepuere pe,” jei reta chupe.

San Mateo 24:30

“Jare jayawe imeta mbae ara re uyekuaa wae. Jokua uikuaakata ɨwɨ pewa reta pe che kuimbaerä ayeyapo wae ayu yeta ma ko. Jayawe opaete ɨwɨ pewa reta tuicha ipɨatɨtɨta ukɨye pɨpei. Jare che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

Marcos 13:25

Yasɨtata reta oata ara wi, jare opaete ara re oï wae reta uñemɨtɨmota,” jei chupe reta.

San Lucas 21:11

“Jare imeta ɨwɨkäta tuicha wae reta kerupi rupi. Jare imeta karuái reta jare mbaerasɨ jasɨ wae reta. Jare ara re uyekuaata mbaembae kɨye pewa,” jei.

San Lucas 21:25

Jare Jesús jei wi chupe reta: “Jayawe uyekuaata oï mbaembae ambɨe ye ye wae warasɨ re, yasɨ re, jare yasɨtata reta re. Jare jokua uikuaakata oï ara reta jae ma oï opa waerä wae,” jei. “Jare kua ɨwɨ pe, mar jɨapueteta jare ɨaparoaroa tuichaeteta. Jáeramo ɨwɨ pewa reta ukɨyeta ñonoï jare uikuaata’ä mbae uyapo reta waerä,” jei.

San Juan 3:29

Añetete jae ko pëti kuimbae umenda oï wae rami, jare che jaeño ko kuimbae umenda oï wae umɨïru oï wae rami,” jei. “Kuñatái umenda oï wae ime pewaräño ko. Jare kuimbae umenda oï wae uyerowiaete oï jokua re. Jare umɨïru oï wae uyerowia oï umɨïru oï ramoño jare iñee re uyapɨsaka oï ramoño,” jei. “Jukuärái wi añawe che ayerowiaete aï yuraa ñonoï reta Jesús kotɨ ramo.

Hechos 2:19

Jae nunga wi che ambɨyekuaata aï ara re jare ɨwɨ re mbaembae pepɨakañɨ rewe pecha waerä. Imeta tuwɨ, tata, jare tatäti.

Romanos 13:14

Yepe tëi amo pe ime ñanoi kɨrëɨ mbae kachi yayapo waerä, erëi awɨye yayemɨngeta yandepɨa pe jese kërái yayapo waerä. Pëti pëti wae yaipɨsɨ yandeyupe yandeYa Jesucristo jeko.

Romanos 3:22

Tumpa umae yanderé yandereko mbae wae rami yarowia yawe Jesucristo re, ipotawe kía kía yande wae reta.

2 Corintios 11:2

Echa’ä che pumbɨete aï, jare jokua ou Tumpa wi. Echa’ä che puyapɨkatu Cristo pewarä piko waerä jembirekorä rami. Jare che aipota pumee Cristo pe pëti kuñatái oroke’ä etei kuimbae wae rami.

Gálatas 3:27

Añawe Tumpa peapo ma ko peï waerä pëti ramiño Cristo re, jare pe reta pipɨsɨ ma ko Jesucristo jeko.

Gálatas 4:26

Erëi jukuärai’ä ko yande reta. Echa’ä Tumpa uyapo ma mbae ambɨe ye wae yanemaerä. Yande reta ko jae añawe Sara imembɨ rami. Jare yande ko jae tëta wasu Jerusalén pewa reta wi. Erëi kua Jerusalén, mbaetɨ ko kua ɨwɨ pewa. Jae ko ara pewa. Jare joko pewa reta yureko ipɨawiwe rewe, jare uyeyokui’ä täta kía pe awe.

Gálatas 6:14

Erëi che ndarau etei ayembutuicha mbae re awe. Jaeño ambutuichata yandeYa Jesucristo jee jae kurusu re uyapo yandewe wae re. Echa’ä jokua jae uyapo chemaerä jeko pewa, opaete mbaembae kachi wae Cristo re wɨrowia mbae wae reta ueka wae mbae’ä ma ko chewe. Añetete che amano rami ma ko chuwi. Jare jae reta imaerä mbae’ä ma ko che.

Efesios 5:32

Yawái ko yaikuaa kawi waerä opaete kua mbaembae rewa. Erëitu jokua uyekuatía oï wae umbɨjaanga oï wi yandewe kërái yande Cristo re yarowia wae reta ñaï pëti ramiño Cristo re wae.

Apocalipsis 1:20

“Taikuaaka ndewe mbae re ko uyembɨjaanga kua chiu yasɨtata ndecha chepo cheakata kotɨ anoi wae. Jare taikuaaka ndewe wi mbae re ko uyembɨjaanga kua chiu mechero iwapɨka oro pewa,” jei. “Kua chiu yasɨtata reta uyembɨjaanga ñonoï chiu araɨwa reta re. Jokua chiu araɨwa reta uyandareko ñonoï jokua cheré wɨrowia wae reta re uyembatɨ ñonoï jokua chiu tëta wasu reta rupi wae. Jare kua chiu mechero iwapɨka reta uyembɨjaanga ñonoï jokua cheré wɨrowia wae reta re jokua chiu tëta wasu reta rupi uyembatɨ ñonoï wae,” jei chewe.

Apocalipsis 11:19

Jare kua jei reta ma yawe, tupao wasu ara pe oï wae uyepea, jare o pe uyekuaa Tumpa arakae jei wae yemɨmandúa jɨru. Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu wae. Jare jawoi pewa ɨwɨ ukäta. Jare oa wi amandau jeta wae.

Apocalipsis 12:3

Jare uyekuaa ïru mbae ara re chepɨakañɨete jese wae. Jae ko pëti teyu wasu pɨ̈ta wae dragón jei chupe wae. Jae onoi chiu iñäka jare payandepo jäti reta. Jare pëti pëti iñäka re onoi corona.

Apocalipsis 15:1

Jayawe aecha ye ara re ïru mbae ambɨe yeete wae. Jokua chembɨpɨakañɨete. Echa’ä aecha chiu araɨwa reta, jare pëti pëti jae reta ombouta ma oï mbaesusere tuicha wae ɨwɨ pewa reta re. Jokua mbaesusere reta ko jae taɨkuete oata oï ɨwɨ re wae, echa’ä jokoropi opata oï Tumpa iarasɨ wasu.

Apocalipsis 21:14

Jare tëta wasu ikësea ime onoi doce iwapɨka. Jare uyekuatía oï jese reta Owecha kuimbae taurusu wae doce jemimboe tenondewaete jee reta pëti pëti rupi.

Apocalipsis 21:23

Jare jokua tëta wasu pewa reta ndarau ueka warasɨ jare yasɨ, echa’ä Tumpa imbaepuere jembipe ye wae jare Owecha kuimbae taurusu wae etei jembipeta tëta wasu re.