Apocalipsis 11:8 - Biblia

⁸ Jare jokua mokui kuimbae jetekue upɨtata calle pe jokua tëta wasu kiape yandeYa kurusu re uikutu reta wae pe. Yandepuere yambɨjee jokua tëta wasu Sodoma jare Egipto wi, echa’ä jokua tëta wasu pewa reta oyowaicho Tumpa kotɨ.

Guaraní Pe (Western): Simba

⁸ Jare jocua mocui cuimbae jetecue upɨtata calle pe jocua tenta guasu yandeYa curusu re uyecutu vae pe. Yandepuere yambɨjee jocua tenta guasu Sodoma jare Egipto. Echa'ã jocua tenta guasu pegua reta oyovaicho Tumpa ndive.

Apocalipsis 11:8 Iomraidhean Croise

Génesis 13:13

Jokua tëta wasu Sodoma pewa reta jeko kachiete jare jekuaeño uyawɨ reta tuicha rupi Tumpa kotɨ mbaembae kachi wae rupi.

Génesis 19:24

Jayawe aramoiño Tumpa ombou ara wi tata jare azufre jendɨ wae tëta wasu reta Sodoma jare Gomorra re.

Éxodo 20:2

“Che ko jae peTumpa aikoño mái wae ponoe ɨwɨ Egipto wi wae. Joko pe täta piyeyokuise Egipto pewa reta pe,” jei.

Éxodo 3:7

Jare Tumpa jei chupe: “Che aecha aï kërái uiporara ñonoï aiparawo wae reta ɨwɨ Egipto pe,” jei. “Ayandu ma ipüe ñonoï täta upurumɨmbarawɨkɨ wae reta jeko pewa. Jare aikuaa wi jae reta ikuasɨete ñonoï reta,” jei.

San Mateo 10:15

“Che tae pewe añetete wae, jokua ara ɨwɨ pewa reta uyemboɨ yawe Tumpa jowai Tumpa umbɨjeko reta waerä, jokua tëta wasu pewa reta tätaete ye uiporarata ñonoï jokua arakae tëta wasu Sodoma jare Gomorra pewa reta wi,” jei Jesús chupe reta.

Hechos 9:4

Jáeramo Saulo jawoi pewa oa ɨwɨ re, jare uyandu ñee jei chupe: “Saulo, ¿maera pa jekuaeño ndiyapo neï ikawi mbae wae chekotɨ?” jei chupe.

Hebreos 13:12

Jukuärái wi Jesús uiporara rewe umano tëta wasu oka pe. Jare jae juwɨ upɨyere wae rupi opa yandepɨayoe Tumpa kotɨ, jare jukuärái ñaneñono tee Tumpa pewarä.

2 Pedro 2:6

Jare jae nunga wi yandepuere yanemandúa mbae uasa arakaete tëta wasu reta Sodoma jare Gomorra pe. Jokua tëta wasu pewa reta jeko kachi Tumpa jowai. Jáeramo Tumpa ombou tata jokua tëta wasu reta re jare opa umbái reta. Jaeño upɨta tanimbu joko pe. Tumpa jokua uyapo uikuaaka waerä yandewe mbae uasata oï wae Tumpa wi uipɨu’ä wae reta pe.

Judas 1:7

Jare jae nunga wi yanemandúa jokua tëta wasu reta Sodoma jare Gomorra jare iyɨpɨ rupi yureko wae reta re. Jae reta jokua araɨwa reta rami uipota’ä yureko kërái Tumpa uyapo reta wae rupi. Echa’ä uyapo reta awasa opa kërái rái jare kuimbae reta uipotaete jae yepái uyereroke reta. Jáeramo Tumpa tuicha rupi uiporaraka chupe reta tata pe. Jare jukuärái Tumpa uikuaaka opaete wae pe awɨye waerä mbae kachi yayapo jae reta rami. Echa’ä jokua nunga mbae kachi uyapo wae reta uiporarata tata owe mbae wae pe.

Apocalipsis 11:13

Jare jupiwoiño ɨwɨ täta ukäta. Jare jokua ɨwɨkäta jeko pewa jeta tëta reta opa uyapara jokua tëta wasu pe. Jare umano wi 7.000 kuimbae jare kuña reta. Jare umano’ä wae reta ukɨyete upɨta reta jare umbutuicha reta Tumpa ara pe oï wae jee.

Apocalipsis 11:9

Jare mbapɨ ara mbɨte rupi opaete ambɨembɨe ɨwɨ pewa reta kerupi rupi ñonoï wae rupi jare opa kërái rái ñee pe uyemɨngeta wae reta uechata ñonoï jokua mokui kuimbae jetekue. Jare jae reta ndarau umaeño kía re awe oñotɨ waerä jetekue reta.

Apocalipsis 14:8

Jayawe jokua araɨwa jaɨkue rupi uyekuaa ïru araɨwa. Jare jae usapɨkai rewe jei: “¡Opata ma oï jokua tëta wasu jeräkuaete wae jare imbaepuere wae Babilonia jee wae! Jokua Babilonia pewa reta jeko kachi rupi urükumewa ɨwɨ pewa reta. Opa usawɨpo rami uyapo reta, echa’ä omboe reta umbɨadora waerä itumparaanga reta re,” jei.

Apocalipsis 16:19

Jare ɨwɨkäta jeko pewa, ɨwɨ opa osorosoro jare jokua tëta wasu jeräkuaete wae uyembɨyao tee tee mbapɨ pe. Jare jukuärái wi opaete ɨwɨ rupi tëta wasu reta opa uyapara. Tumpa iñakañɨ'ä jokua tëta wasu Babilonia jeräkuaete wae wi jare imbaepuerete wae wi uitɨ waerä jese iarasɨ.

Apocalipsis 17:1

Jare jokua chiu araɨwa chiu copa onoi wae reta wi pëti wae ou jei chewe: “Eyu che ndiwe. Aechakata ndewe kërái Tumpa uiporarakata oï kuña jete re umɨngana wae jeräkuaete wae pe. Jae uwapɨ oï ɨ wasu reta re,” jei.

Apocalipsis 17:5

Jare kuña jesɨwa re uyekuatía oï umbɨjaanga rewe jee kuärái: “Babilonia jeräkuaete wae jare imbaepuerete wae. Kuña jete re umɨngana wae reta jare mbae kachiete uyapo wae reta iyɨpɨ.” Jukuärái uyekuatía oï jokua kuña jesɨwa re.

Apocalipsis 18:10

Erëi jae reta upɨtata mbɨrɨ tëta wasu wi ukɨye reta ramo, echa’ä uipota’ä uiporara reta jokua tëta wasu pewa reta ndiwe ramo. Jare jeita reta: “¡Ikawi’ä etei uyeyapo! Kua Babilonia tëta wasu tuicha jare ipɨräta tëi wae ko. Erëi ipɨranoe pewa Tumpa uiporaraka chupe,” jeita reta ipɨatɨtɨ rewe.

Apocalipsis 18:18

Jare jae reta uecha yawe jokua tëta wasu opa okai oï jare tatäti upüa oï joko wi, jeita reta: “¡Mbaetɨi jokua nunga tëta wasu!” jeita reta.

Apocalipsis 18:2

Jare usapɨkai rewe jei: “¡Opata ma oï Babilonia, jokua tëta wasu jeräkuaete wae jare imbaepuerete wae! Añawe wiwe jaeño aña kachi kachi wae reta yurekota joko pe. Jae nunga wi wɨra kachi wae reta jare ikawi’ä maeräwe wae reta yurekota jokoropi.

Apocalipsis 18:21

Jayawe aecha pëti araɨwa ipɨrätaete wae owoɨ pëti ita tuichaete wae – jae ko pëti ita umbaeso pɨpe wae rami. Jare owoɨ ma yawe, araɨwa omombo mar pe jei rewe: “Yepe tëi Babilonia ko jae tëta wasu jeräkuaete wae jare imbaepuerete wae, erëi kuärái opata uyembái oï. Ndarau ye ma kía uecha.

Apocalipsis 18:24

Oata oï teko tuicha wae Babilonia pewa reta re. Echa’ä jae reta upɨyere Cristo re wɨrowia wae reta jare Tumpa iñee umɨmbeu wae reta juwɨ. Opaete ɨwɨ rupi jae reta upuruyuka.” Jukuärái jei araɨwa.