Apocalipsis 11:7 - Biblia

⁷ Jayawe jae reta opa ma Tumpa rewa umɨmbeu yawe, pëti mbaemɨmba echa ipɨrätaete jare pochɨete wae oëta jokua ɨwɨkua wasu juwa mbae wae wi. Jare jae ombowaichota jokua mokui kuimbae reta, jare umɨamɨrita, jare uyukata reta.

Guaraní Pe (Western): Simba

⁷ Jare opa ma Tumpa regua umɨmbeu yave, jocua maemɨmba ɨvɨcua quɨpe ete vae güi oẽta vae uñerãrota jae reta ndive jare umɨamɨrita jare uyucata.

Apocalipsis 11:7 Iomraidhean Croise

San Lucas 13:32

Jayawe Jesús jei chupe reta: “Herodes ikatu ko tëi mbae ikawi mbae wae uyapo waerä. Erëi pekua pemɨmbeu chupe che amɨnguerata aï imbaerasɨ wae reta añawe jare kuriye. Jare amoëta aï aña uyembɨiya jese wae reta wi. Jare jukuärái ayapota aï opa cheparawɨkɨ ayapo rewa,” jei.

San Lucas 8:31

Jare aña reta jekuaeño umɨñera Jesús awɨye waerä omondo reta ɨwɨkua wasu juwa mbae wae pe.

San Juan 17:4

“Añawe che opa ma ayapo mbarawɨkɨ nde nemee chewe wae. Jare jukuärái ambutuichaka ma nderee kua ɨwɨ pewa reta jowake,” jei.

San Juan 19:30

Jare Jesús jou ma yawe, jei: “¡Opa ma ayapo. Jae ma!” jei. Jayawe iñäkatindɨ jare jekowe oñono Tumpa ipo pe.

Hechos 20:24

“Erëi jesewe akɨye’ä,” jei. “Chepɨa pe ayemɨngeta’ä etei ayerepɨ waerä. Jaeño aipota opa ayapo waerä ayerowia rewe jokua mbarawɨkɨ yandeYa Jesús umee chewe wae. Jare cheparawɨkɨ ko jae jekuaeño amɨmbeu waerä ïru wae reta pe ñee ikawi wae kërái ko Tumpa ipɨakawiete ye oï yandewe wae re,” jei chupe reta.

2 Timoteo 4:7

Che opa kawi ma ayapo mbarawɨkɨ Tumpa umee chewe wae. Añemɨamɨrika’ä yanderowaicho pe. Ayandareko kawi Cristo oporomboe wae re.

Apocalipsis 12:17

Jayawe dragón pochɨete upɨta kuña pe, jare oo uñeräro waerä kuña iñemoñaa reta ndiwe – jae reta ko Tumpa jei wae rupi yureko wae reta jare Jesús rewa jupi umɨmbeu wae reta.

Apocalipsis 13:11

Jayawe aecha ambɨe bestia oë ɨwɨwɨ wi. Jare jokua bestia onoi mokui jäti owecha jäti rami. Erëi iñee ambɨe ye, echa’ä jae uyemɨngeta pëti dragón uyemɨngeta rami.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.