Apocalipsis 11:2 - Biblia

^2-3 “Erëi awɨye emɨanga tupao wasu joka. Echa’ä jokua oka amee cheré wɨrowia mbae wae reta pe. Jae reta onoita mbaepuere Jerusalén re cuarenta y dos yasɨ pewa – jae ko 1.260 ara pewa,” jei chewe. “Jare jokua ara reta rupi che amondota mokui kuimbae umɨmbeu waerä ñee ameeta aï chupe reta wae. Jare jae reta umɨmbeu kawita che rewa. Jare mokui rewe omondeta temimonde mbɨatɨtɨ pewa.” Jukuärái ñee jei chewe.

Guaraní Pe (Western): Simba

² Ẽrei agüɨye emɨaanga Tumpa jo joca. Echa'ã jocua oca uñemee judío mbae vae reta pe. Jare jae reta güɨnoita mbaepuere tenta guasu uñeñono tee Tumpa peguarã vae re cuarenta y dos yasɨ pegua —jei—.

Apocalipsis 11:2 Iomraidhean Croise

Números 14:34

‘Jokua upurupiäro wae reta cuarenta ara rupi oo uipiäro reta waerä jokua ɨwɨ. Jáeramo pe reta pewatata ko ɨwɨtini wasu rupi cuarenta año rupi. Pëti año uyepapata pëti ara rami. Jukuärái piporarata pereko kachi jeko pewa, jare pikuaata peï yawaiete ko pewe piyowaicho yawe chekotɨ.’ Jukuärái ere chupe reta.”

San Mateo 4:5

Jayawe Añawasu wɨraa Jesús Jerusalén pe jare uyupi reta yuraa ɨwatete ye tupao wasu iyapɨte re.

San Mateo 5:13

Jare Jesús jei wi chupe reta: “Jare pe cheremimboerä piko wae reta, pe reta ko jae yukɨ rami kua ɨwɨ pewa reta pewarä,” jei. “Echa’ä yukɨ pɨpe yamombochɨ soo awɨye waerä ɨmambae ikumewa. Jare jukuärái rami wi ko pe reta, echa’ä pereko pewa mbaetɨ ɨmambaeño uñemɨái mbaembae kachi wae kua ɨwɨ rupi,” jei. “Erëi yukɨ opa ma jembochɨpa yawe, ¿këraita ra ipuere jembochɨ ye? Ndarau ipuere. Ikawi’ä ma ko jokua maeräwe – jaeño uyemombo waerä jare uñepɨ̈ro jese waerä,” jei chupe reta.

San Lucas 21:24

“Jare jeta jae reta umanota kɨsepuku pe. Jare ïru wae reta uyereraata peresorä ambɨe ɨwɨ reta pe,” jei. “Jare judío mbae wae reta uyembɨiyata kua Jerusalén re jare yurekota pɨpe jae reta ime mbaepuere onoi wae opa rewa,” jei Jesús jemimboe reta pe.

Hebreos 10:29

¡Oeteta oï kuri kía wɨrɨ̈ro Tumpa Taɨ yawe! Echa’ä Taɨ juwɨ rupi Tumpa uyapo yemɨngeta ipɨau wae. Erëi kía wɨrɨ̈ro Tumpa Taɨ yawe, yepe tëi jokua yemɨngeta ipɨau wae rupi jae uñeñono tee iko Tumpa pewarä, erëi jae imaerä Tumpa Taɨ juwɨ mbae’ä ko. Añetete jae Tumpa Taɨ re upɨ̈ro wae echa ko. Jare uyapo ma kachi Espíritu Santo kotɨ wi, echa’ä Espíritu Santo ipɨakawi chupe tëi.

Apocalipsis 11:11

Erëi che aecha mbapɨ ara mbɨte uasa ma yawe, Tumpa umee ye tekowe jokua mokui kuimbae jetekue reta pe. Jare jae reta mokui rewe upüa ye uyemboɨ reta. Jare opaete kua uecha wae reta opa ukɨye reta täta rupi.

Apocalipsis 12:6

Jare jokua kuña osi oo ɨwɨtini wasu kotɨ. Echa’ä joko pe Tumpa uyapɨkatu chupe uñepɨ̈ro waerä. Jare joko pe Tumpa uyandarekoka jese 1.260 ara.

Apocalipsis 21:10

Jayawe Espíritu Santo imbaepuere pe araɨwa chereraa pëti ɨwɨtu wasu ɨwate wae iyapɨte re. Apau wae rami jae uechaka chewe Tumpa jëta wasu Jerusalén uweyɨ ou oï ara wi Tumpa oï wae wi.

Apocalipsis 21:2

Jare aecha wi tëta wasu Tumpa oñono tee wae uweyɨ ou oï ara wi Tumpa oï wae wi. Jae ko Jerusalén ipɨau wae jei chupe reta wae. Uyeyapɨkatu kawi oï jare maepöraete, pëti kuñatái umendata oï wae rami.

Apocalipsis 22:19

Jare ime yawe kía amokue kua ñee reta umbái wae, Tumpa ndarau umaeño jese jou waerä jokua ɨwɨra ía tekowe umee wae. Jare ndarau wi umaeño jese uike waerä jokua tëta wasu Tumpa oñono tee jae imaerä wae pe. Jare ndarau wi umaeño jese onoi waerä jae imaerä mbaembae ikawi wae kua tupapire pe umɨmbeu yandewe wae.