Apocalipsis 11:19 - Biblia

¹⁹ Jare kua jei reta ma yawe, tupao wasu ara pe oï wae uyepea, jare o pe uyekuaa Tumpa arakae jei wae yemɨmandúa jɨru. Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu wae. Jare jawoi pewa ɨwɨ ukäta. Jare oa wi amandau jeta wae.

Guaraní Pe (Western): Simba

¹⁹ Jare Tumpa jo uyepea oĩ ara pe jare uyecuaa Tumpa jo pe ita reta Tumpa uicuatía mboroyocui reta jese vae jɨru. Jare uvera jare jɨapu ara. Jare ɨvɨ ucãta. Jare oa jeta amandau.

Apocalipsis 11:19 Iomraidhean Croise

Apocalipsis 11:13

Jare jupiwoiño ɨwɨ täta ukäta. Jare jokua ɨwɨkäta jeko pewa jeta tëta reta opa uyapara jokua tëta wasu pe. Jare umano wi 7.000 kuimbae jare kuña reta. Jare umano’ä wae reta ukɨyete upɨta reta jare umbutuicha reta Tumpa ara pe oï wae jee.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.

Apocalipsis 12:1

Jare ime mbae uyekuaa ara re chepɨakañɨete jese wae. Jae ko pëti kuña warasɨ pe uyemonde rami. Jare kuña ipɨ íɨwɨ pe oï yasɨ. Jare doce yasɨtata reta onoi iñäka re icoronarä.

Apocalipsis 16:1

Jayawe ayandu pëti ñee täta wae tupao wasu wi jei jokua chiu araɨwa reta pe kuärái: “Pekua pepɨyere ɨwɨ re jokua chiu copa Tumpa iarasɨ tɨnee oï pɨpe wae,” jei.

Apocalipsis 16:18

Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu. Jare ɨwɨ täta ukäta. Kua nunga ɨwɨkäta mbaetɨi ɨwɨ pewa reta uyembɨpɨ wiwe, echa’ä tätaete iko.

Apocalipsis 16:21

Jare ara wi oa amandau tuicha tuicha wae ɨwɨ pewa reta re. Jare pëti pëti amandau poɨ cuarenta kilo rupi. Jare ɨwɨ pewa reta jei ñee ikawi mbae wae Tumpa kotɨ amandau wasu jeko pewa, echa’ä jokua mbaesusere ikawi’äete ye ko ramo.

Apocalipsis 19:11

Jayawe che aecha ara uyepea oï. Jare aecha pëti kawayu tïi wae. Jare opo jese wae ko jee Tumpa Iñee. Jesa uyekuaa kërái tata jendɨ wae rami, jare iñäka re onoi jeta corona mburuwicha wasu pewa reta. Jare jae jemimonde tuwɨ yepái. Jae ko jekuaeño jupi uyapo wae jare añetete wae umɨmbeu wae. Jae jupi rupi upurumbɨjeko, jare uñeräro jowaicho reta ndiwe. Jare uyekuatía oï jese pëti tee kiawe uikuaa’ä wae. Jaeño uikuaa wae.

Apocalipsis 4:1

Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.

Apocalipsis 4:5

Jare jokua mburuwicha iwapɨa mbɨte pe oï wae wi uyekuaa uwera wae jare uyendu jɨapu täta wae amaterere rami. Jare uyendu wi ara jɨapu wae. Jare che aecha jokua wapɨa jowai chiu mechero jendɨ ñonoï. Kua uyembɨjaanga oï Espíritu Santo chiu wese ye jupi wae re.

Apocalipsis 7:15

“Jáeramo añawe ñonoï reta Tumpa joo pe iwapɨa jowai uyeyokui reta waerä chupe ara rupi jare pɨ̈tu rupi,” jei. “Jare jokua imburuwicha wasu iwapɨa pe uwapɨ oï wae uyandarekota oï jese reta.

Apocalipsis 8:5

Joko wi araɨwa ueki tatäpɨ mbaerenda wi umɨtɨnee waerä pɨpe mbae utimbo kawi wae uapɨ pɨpe wae. Jare omombo ara wi ɨwɨ kotɨ. Jare jukuärái uyapo yawe, uyekuaa uwera wae jare uyendu jɨapu täta wae amaterere rami. Jare uyendu wi ara jɨapu wae, jare ɨwɨ ukäta.

Apocalipsis 8:7

Jayawe pëti araɨwa umɨñee jemimbɨ wasu. Jare umɨñee yawe, aramoiño oa ɨwɨ re amandau jare tata tuwɨ rewe. Jare mbɨte seri ɨwɨra reta ɨwɨ pe oï wae okai, jare opaete kapii opa okai.