Apocalipsis 11:15 - Biblia

¹⁵ Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.

Guaraní Pe (Western): Simba

¹⁵ Jare ĩru ángel umɨñee trompeta. Siete ma umɨñee. Jare uyendu ñee reta ara pe. Iñeeãta reve jei reta: —Ɨvɨ pegua iporoyocuia reta uyeyapo ma yandeYa iporoyocuiarã. Uyeyapo ma Cristo iporoyocuiarã. Jare jae oporoyocuita jaeño mai pegua —jei reta.

Apocalipsis 11:15 Iomraidhean Croise

Éxodo 15:18

OreTumpa, ¡nde nenoita mbaepuere opaete mbaembae re jaeño mái pewa!”

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

Daniel 7:14

Jare uñemee chupe jae iko waerä opaetei ara jare ɨwɨ pe ñonoï wae reta imburuwicha wasurä. Jare aecha wi umbutuicha ñonoï jae jee opaete kerupi rupi yureko wae reta jare opaetei ambɨe ye ye ñee pe uyemɨngeta wae reta. Jae imbaepuere ndarau etei opa jare jae onoita mbaepuere opaete wae re jaeño mái pewa.

Oseas 2:23

Tumpa jei: “Tenondete au mbae wae reta añawe auta ko reta, jare tenondete chembae’ä iko wae reta yurekota ko chemaerä. Jare jae reta jeita chewe: Nde ko jae cheTumpa,’ jeita reta,” jei Tumpa.

San Mateo 24:31

“Jare pëti temimbɨ wasu uñee oï rewe che amondota araɨwa reta umbatɨ waerä che aiparawo wae reta opaete kerupi rupi wi,” jei chupe reta.

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

San Lucas 1:33

“Jae ikota Jacob iñemoñaa reta imburuwicha wasurä jaeño mái pewa. Jare jae imbaepuere mburuwicha wasu pewa ndarau etei opa,” jei araɨwa María pe.

San Lucas 15:10

“Che tae pewe, jukuäraiete wi ko imeta yerowia tuichaete wae Tumpa iaraɨwa reta ndiwe pëti jeko kachi wae ueya yawe ipɨayemɨngeta jupi mbae wae,” jei chupe reta.

San Lucas 15:6

Jare ou ye ma uwäe yawe jëta pe, umbatɨta opaete ïru reta jare jëta iyɨpɨ rupiwa reta, jare jeita chupe reta: ‘Piyerowia che ndiwe, echa’ä awäe ma cheowecha ukañɨ chewi wae,’ jeita,” jei.

Hechos 4:26

Echa’ä judío mbae wae reta imburuwicha wasu reta jare Israel pewa itenondewa reta wi uyembatɨ pëti rami Tumpa kotɨ jare jokua Upuruepɨ wae jae ombou wae kotɨ ombowaicho waerä tëi.’ Jukuärái jei David,” jei reta.

Hebreos 1:8

Erëi Tumpa jei Taɨ pe kuärái: “Nde ko jae Tumpa etei, jare nembaepuere mburuwicha wasu pewa ndarau etei opa. Jekuaeño ndiyapota jupi wae rupi.

Apocalipsis 10:7

Echa’ä araɨwa taɨkuewaete umɨñeeta ma oï jemimbɨ wasu. Jare jae umɨñee ma yawe, Tumpa opata uyapo ipɨayemɨngeta jaeño uikuaa wae. Arakaete Tumpa umɨmbeu jae iñee umɨmbeu wae reta pe kua ara uwäeta iko. Jare añawe jae ma uwäe,” jei araɨwa.

Apocalipsis 12:10

Jayawe ara pe ayandu ñee usapɨkai rewe jei: “Añawe uwäe ma ara yandeTumpa opa uepɨ waerä jese wɨrowia wae reta, jare uyekuaa waerä imbaepuere tuicha wae. Echa’ä añawe jae uyeyapo ma opaete wae imburuwicha wasurä jaeño mái pewa. Añawe wiwe Cristo onoita opaete mbaepuere. Echa’ä Tumpa omomboka ma Añawasu ara wi. Jare Añawasu ndarau ye ma uyemboɨ Tumpa jowai umbɨjeko waerä yandehermano reta. Echa’ä jukuärái jae uyapose opa ara rupi jare opa pɨ̈tu rupi, erëi añawe ndarau ye ma uyapo chupe reta jukuärái.

Apocalipsis 15:4

Opaete wae uipɨueteta ndewi, oreYa, jare umbutuichata ñonoï nderee. Echa’ä ndeeño ko jae jupi wae. Opaete ɨwɨ pewa reta yuweruta umbutuicha waerä nderee. Echa’ä uyekuaa ma mbaembae ndiyapo wae jupi ko.” Jukuärái ukäta reta.

Apocalipsis 16:17

Joko wi ïru araɨwa upɨyere icopa. Kua re chiu ma upɨyere. Jare upɨyere yawe, jae upɨyere ɨwɨtu uyepeyu wae re. Jare jupiwoiño oë ñee täta wae tupao wasu ara pe oï wae wi, Tumpa iwapɨa wi. Jare jokua ñee jei kuärái: “¡Tumpa iarasɨ opata ma oï!” jei.

Apocalipsis 17:14

“Kua reta ombowaichota tëi Owecha kuimbae taurusu wae. Erëitu Owecha kuimbae opata umɨamɨri reta, echa’ä jae ko mburuwicha wasu reta itenondewaete wae jare opaete wae iYa tenondewaete wae,” jei. “Jare jae nunga wi ñonoïta jae ndiwe jae uiparawo wae reta ñeräro pe. Kua reta jae ueni, jare jae reta jupi uyeyokui chupe wae ko,” jei chewe araɨwa.

Apocalipsis 19:1

Kua jaɨkue rupi ayandu ara pe ñee täta uyendu wae. Jetaete ye ye wae reta usapɨkai ñonoï jare jei ñonoï pëti ñee waeño kuärái: “YandeTumpa ko jae yandeRepɨ wae. Jare jae ime onoi opaete wae re mbaepuere. ¡Opaete wae tumbutuicha Tumpa jee jare tuipɨu chuwi!

Apocalipsis 19:6

Jayawe ayandu ïru ñee. Jetaete ye ye uyemɨngeta ñonoï pëti wae echaño chewe. Täta uyendu ɨaparoa wasu jɨapu rami jare ara täta jɨapu rami. Jare ayandu jei reta: “¡Opaete wae tumbutuicha Tumpa jee! Echa’ä yandeYa Tumpa imbaepuerete ko, jare jae ko opaete wae imburuwicha wasurä jaeño mái pewa.

Apocalipsis 20:4

Jare aecha wi jeta mburuwicha reta iwapɨa jare joko pe uwapɨ ñonoï wae reta. Tumpa umee chupe reta mbaepuere mburuwicha wasurä yureko waerä. Jare aecha wi jeta umanokue wae reta joko pe ñonoï. Jae reta umɨmbeu kawise Tumpa iñee jare Cristo rewa. Jare umbutuicha’ä reta jokua bestia jee re jare umbɨadora’ä reta jae jaanga re. Jare mbaetɨ onoi reta wi bestia imarka jesɨwa re jare ipo re. Jáeramo bestia uyayuasɨaka reta kɨsepuku pe. Erëi Tumpa umbɨjekowe ye ueru reta umanokue wae reta ipɨte wi. Jare jae reta onoita mbaepuere Cristo ndiwe miri año pewa. Jae reta rani ko jae Tumpa umbɨjekowe ye wae. Erëitu ïru umanokue wae reta ikowe yeta’ä jokua miri año uasa rewa.

Apocalipsis 8:12

Jayawe ïru araɨwa umɨñee jemimbɨ wasu. Kua re irundɨ ma umɨñee. Jare umɨñee yawe, mbae uyeyapo warasɨ pe awɨye waerä jembipe irundɨ ora opa ara rupi. Jae nunga wi mbae uyeyapo yasɨ jare yasɨtata reta pe awɨye waerä jembipe irundɨ ora opa pɨ̈tu rupi.

Apocalipsis 9:1

Jayawe ïru araɨwa umɨñee jemimbɨ wasu. Kua re pandepo ma umɨñee. Jare umɨñee yawe, aecha ɨwɨ pe pëti yasɨtata echa wae ara wi oakue. Jare uñemee chupe ɨwɨkua wasu juwa mbae wae illave.

Apocalipsis 9:13

Jayawe ïru araɨwa umɨñee jemimbɨ wasu. Kua re owa ma umɨñee. Jare umɨñee yawe, ayandu ñee oë jokua mbaerenda oro pewa Tumpa jowai oï wae wi. Jokua mbaerenda onoi irundɨ jäti, jare jokua ñee uyendu jäti reta ipɨte wi.