Apocalipsis 11:12 - Biblia

¹² Jare jokua mokui kuimbae reta uyandu ara wi ñee jei usapɨkai rewe: “Piyeupi peyu,” jei. Jayawe uyeupi reta oo ara kotɨ amapɨ̈tu re jowaicho reta jowake.

Guaraní Pe (Western): Simba

¹² Jare uyendu ñee ara güi. Iñeeãta reve jei: —Piyupi cua pe. Jayave jocua mocui reve uyupi ara pe amapɨ̃tu reve. Jare jovaicho reta uecha yugüɨraa.

Apocalipsis 11:12 Iomraidhean Croise

Éxodo 14:25

Erëi Tumpa umɨpäaka ikarosa reta chuwi; jáeramo yawaiete uruwata reta waerä. Jayawe sɨndaro reta ukɨye rewe jei reta: “¡Israel iñemoñaa reta iTumpa ko aipo uñeräro oï yandekotɨ jae reta ipepɨka pe! ¡Yasi chuwi!” jei reta.

Isaías 14:13

“Ndepɨa pe ndiyemɨngeta kuärái: ‘Tayupi ɨwate opaete araɨwa reta wi. Tambutuicha chembaepuere chuwi reta. Tayembatɨ araɨwa itenondewa reta ndiwe mbaepuererenda pe mbɨrɨete norte kotɨ oï wae pe, jare taiko jae reta imburuwicharä.

San Lucas 16:23

“Jare umanokue wae reta ñonoï wae pe kuimbae ikokatuse wae jesa uyepea, jare joko pe uiporaraete oï. Jare jowaɨwa umae jare uecha Abraham mbɨrɨ oï chuwi. Jare uecha wi Lázaro oï jae ndiwe,” jei.

Hechos 1:9

Jayawe opa ma kua jei chupe reta yawe, jupiwoiño Jesús uyeupi ɨwate kotɨ. Jare jae reta umae jese ɨwate kotɨ rambuewe, amapɨ̈tu umbɨyasoi Jesús jare uecha’ä ma reta.

1 Tesalonicenses 4:17

Jare kua jaɨkue rupi yande imeño ñaï wae reta, ndei ñamano wae reta, ya päweta jae reta ndiwe. YandeYa etei yandereupita ñañeowäiti waerä jae ndiwe amapɨ̈tu re. Jare jukuärái yaikota yandeYa ndiwe jaeño mái pewa.

Apocalipsis 12:5

Jare kuña imembɨ oa kuimbae. Jare jokua oa wae onoita tuicha mbaepuere opaete ɨwɨ pewa reta re. Erëi dragón ipuere’ä jou, echa’ä jokua kuña imembɨ uyereraa kiape Tumpa uwapɨ oï wae iwapɨa pe.

Apocalipsis 3:21

‘Che opa ma apurumɨamɨri, jare joko wi awapɨ cheRu ndiwe iwapɨa mburuwicha wasu pewa re. Jare jukuärái wi ikawi mbae wae umɨamɨri wae reta pe che ameeta uwapɨ waerä che ndiwe chewapɨa pe.

Apocalipsis 4:1

Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.