Apocalipsis 10:6 - Biblia

⁶ Jare jei: “Tumpa ko jae imeño mái iko wae. Jae ko uyapo ara, jare ɨwɨ, jare mar, jare opaete mbaembae pɨpe oï wae reta. Jare jae jowake che tae añawe uwäe ma ora.

Guaraní Pe (Western): Simba

⁶ Jare jei Tumpa jee re opata uyeyapo ɨmambae. Tumpa co jae imeño mai ico vae. Jae uyapo ara jare opaete ara re oĩ vae, jare ɨvɨ jare opaete ɨvɨ pe oĩ vae, jare ɨ guasu jare opaete ɨ guasu pe oĩ vae.

Apocalipsis 10:6 Iomraidhean Croise

Éxodo 20:11

Echa’ä owa ara pe che, peTumpa, opa ayapo ara, jare ɨwɨ, jare mar reta, jare opaete mbaembae oï pɨpe wae. Jare ara chiu pe aparawɨkɨ'ä ma. Jáeramo che, peTumpa, ayemɨngeta kawi chiu ara rewa jare añono tee jokua ara chemaerä,” jei.

Éxodo 6:8

Puraata pe reta jokua ɨwɨ che etei jae ameeta aiko peramɨkue reta Abraham, Isaac, jare Jacob pe wae pe. Jokua ɨwɨ ikota pemaerä. Che ko jae Tumpa aikoño mái wae.’ Jukuärái ere Israel iñemoñaa reta pe,” jei Tumpa Moisés pe.

Números 14:30

Yepe tëi tenonde che jae ameeta aiko pewe jokua ɨwɨ Canaán peɨwɨrä, erëi añawe jaeño Jefone taɨ Caleb jare Nun taɨ Josué yuraata ñonoï yureko waerä jokua ɨwɨ ikawiete wae pe,’ ere chupe reta.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 12:12

¡Jáeramo ara pe ma ñonoï wae reta tuyerowia! Erëi, pe reta ɨwɨ pe peï wae jare mar rupi peï wae, ¡kërái etei ndipo piporara paraweteta! Echa’ä Añawasu uweyɨ ma ara wi uyembowaicho waerä pekotɨ täta iarasɨ rewe. Echa’ä jae uikuaa michiño ma ara onoi wae.” Jukuärái jei jokua ñee ayandu wae.

Apocalipsis 16:17

Joko wi ïru araɨwa upɨyere icopa. Kua re chiu ma upɨyere. Jare upɨyere yawe, jae upɨyere ɨwɨtu uyepeyu wae re. Jare jupiwoiño oë ñee täta wae tupao wasu ara pe oï wae wi, Tumpa iwapɨa wi. Jare jokua ñee jei kuärái: “¡Tumpa iarasɨ opata ma oï!” jei.

Apocalipsis 21:6

“Añawe opaete mbaembae che jae wae opa ma uyeyapo,” jei. “Che ko jae Alfa jare Omega jee wae. Che ko jae iyɨpɨete wae jare iyapɨete wae. Ime yawe kía iɨwe wae, che ameeta chupe jou waerä ɨ tekowe umee wae ɨwororo wi oë wae jepɨ mbae,” jei.

Apocalipsis 4:10

jokua veinticuatro mburuwicha reta uñeñono ɨwɨ re uipɨu rewe wapɨa pe uwapɨ oï wae jowai umbutuicha reta waerä jae jee – jae ko ikoño mái wae jee. Jare oñono reta icorona jokua wapɨa jowai jei rewe:

Apocalipsis 4:11

“OreTumpa ndikoño mái wae, jupi ko nde nenoi waerä opaete mbaepuere. Jare jupi ko wi opaete wae uipɨu waerä ndewi, jare umbutuicha reta waerä nderee. Echa’ä nde ndiyapo opaetei mbaembae, jare nde ndipota wae rupi opaete mbaembae uyekuaa.” Jukuärái jei reta.

Apocalipsis 4:9

Jukuärái jokua mbae tekowe onoi wae reta umbutuicha jokua wapɨa pe uwapɨ oï wae jee – jae ko ikoño mái wae jee. Jare jae reta uyapo yawe jukuärái jare umee reta yawe yasurupái chupe,

Apocalipsis 6:11

Jare uñemee chupe reta temimonde tïi wae, jare ayandu pëti ñee jei chupe reta: “Peäro mii rani michi pewa pepɨawasu rewe. Echa’ä uyukata reta rani ko ïru wae reta Tumpa pe uyeyokui wae – jae reta ko pehermano reta Tumpa jee re. Jare jae reta imeta ko umano towaicho reta ipo pe kërái pe reta pemano rami,” jei chupe reta.