Apocalipsis 1:7 - Biblia

⁷ ¡Mase, ko jae ma ou amapɨ̈tu re! Jare opaete wae uechata ñonoï. Uikutuka wae retawe uechata wi. Jare opaete kua ɨwɨ pewa reta tuicha ipɨatɨtɨta jae jeko pewa. Añetete jukuärái tuiko.

Guaraní Pe (Western): Simba

⁷ Mase, jae outa amapɨ̃tu reve, jare opaete vae uechata. Israel pegua reta vi uechata. Echa'ã Israel pegua reta uicutuca. Jare opaete jocua ɨvɨ pegua reta ipɨatɨtɨ eteta jese. Cuarãi tuyeyapo. Amén.

Apocalipsis 1:7 Iomraidhean Croise

Salmo 22:16

Cherowaicho reta yɨmba pochɨ wae reta rami opa cheñowa jare cherepeña ñonoï reta. Chekutu reta chepo jare chepɨ pe.

Daniel 7:13

Pëti pɨare apau wae echa rami aecha ou oï pëti wae amapɨ̈tu re. Jae ko kía uyeyapo kuimbaerä wae. Jae ou Tumpa ikoño mái wae jowai.

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

San Mateo 16:28

“Che tae pewe añetete wae, amokue pe reta kua pe peï wae ndei pemano mbowe cherechata che kuimbaerä ayeyapo wae ayu ye yawe aiko waerä opaete wae imburuwicha wasurä jaeño mái pewa.” Jukuärái Jesús jei jemimboe reta pe.

San Mateo 24:30

“Jare jayawe imeta mbae ara re uyekuaa wae. Jokua uikuaakata ɨwɨ pewa reta pe che kuimbaerä ayeyapo wae ayu yeta ma ko. Jayawe opaete ɨwɨ pewa reta tuicha ipɨatɨtɨta ukɨye pɨpei. Jare che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

San Mateo 26:64

Jayawe Jesús jei chupe: “Nde ndere wae ko jae,” jei chupe. “Jare wi che tae pewe, outa uwäe ara che kuimbaerä ayeyapo wae, pe reta etei cherechata peï kuri Tumpa imbaepuere tuichaete wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

Marcos 13:26

“Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

Marcos 14:62

“Jae ko che,” jei Jesús chupe. “Jare che kuimbaerä ayeyapo wae, pe reta etei cherechata peï kuri Tumpa opaetei mbaepuere onoi wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

San Lucas 21:27

“Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei chupe reta.

San Juan 19:34

Erëi pëti sɨndaro uikutu Jesús iyɨke pe ɨwɨra isirowiasɨ wae pɨpe. Jare jukuärái uyapo yawe, oë woi chuwi tuwɨ ɨ ndiwe.

San Juan 19:37

Jare uyekuatía oï wi kuärái: “Umaeta reta kuimbae jae reta uikutu wae re.” Jukuärái arakae uikuatía reta mbae uyeyapota iko Upuruepɨ wae pe rewa, jare jukuärái etei añawe uyeyapo ma.

1 Tesalonicenses 1:10

Jare imiäri reta orewe wi kërái añawe peäro peï Tumpa Taɨ ou ye waerä ara wi – jae ko Jesús. YandeRu Tumpa umbɨjekowe ye ueru umanokue wae reta ipɨte wi. Jare Jesús ko yanderepɨ Tumpa iarasɨ outa oï wae wi.

1 Tesalonicenses 4:17

Jare kua jaɨkue rupi yande imeño ñaï wae reta, ndei ñamano wae reta, ya päweta jae reta ndiwe. YandeYa etei yandereupita ñañeowäiti waerä jae ndiwe amapɨ̈tu re. Jare jukuärái yaikota yandeYa ndiwe jaeño mái pewa.

Hebreos 10:29

¡Oeteta oï kuri kía wɨrɨ̈ro Tumpa Taɨ yawe! Echa’ä Taɨ juwɨ rupi Tumpa uyapo yemɨngeta ipɨau wae. Erëi kía wɨrɨ̈ro Tumpa Taɨ yawe, yepe tëi jokua yemɨngeta ipɨau wae rupi jae uñeñono tee iko Tumpa pewarä, erëi jae imaerä Tumpa Taɨ juwɨ mbae’ä ko. Añetete jae Tumpa Taɨ re upɨ̈ro wae echa ko. Jare uyapo ma kachi Espíritu Santo kotɨ wi, echa’ä Espíritu Santo ipɨakawi chupe tëi.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

Judas 1:14

Yanemandúa ñaï wi kuimbae Enoc jee wae re. Jae ko Adán jumɨmino chiu wese yuapɨ ye wae. Jae arakae umɨmbeu kërái mbae uasata oï oporomboeraanga wae reta pe kuärái: “Mase. YandeYa outa oï jetaete ye oñono tee jae imaerä wae reta ndiwe.

Apocalipsis 22:20

YandeYa etei uikuaaka chewe opaete kua mbaembae. Jae jei: “Añetete che ayu yeta jupiwoiño.” Jayawe che tae: “¡Jukuärái tuiko! Eyu, cheYa Jesús.”

Apocalipsis 22:4

Jae reta uechata Tumpa jowa etei jare onoita reta Tumpa jee jesɨwa re.