Apocalipsis 1:6 - Biblia

⁶ Jare jokuaño’ä uyapo. Jae yandapo wi mburuwicha wasu retarä jare sacerdote retarä jukuärái yayeyokui waerä Tu pe – jae ko yandeRu Tumpa pe. Jesucristo jee tuyembutuichaka, jare jaeño tonoi mbaepuere tuichaete wae jaeño mái pewa. Jukuärái tuiko.

Guaraní Pe (Western): Simba

⁶ Jare yandeapo mburuvicha guasu retarã jare sacerdote retarã yayeyocui vaerã Tumpa pe - jae co Jesucristo Tu. Jesucristo tuyembɨadoraca jare tugüɨnoi opaete mbaepuere jaeño mai pegua. Amén.

Apocalipsis 1:6 Iomraidhean Croise

Éxodo 19:6

Poñono teeta chemaerä, pe reta, jare opaete ɨwɨ pewa reta ipɨte wi puparawo chesacerdote retarä.’ Jukuärái ere chupe reta,” jei Tumpa Moisés pe.

Daniel 7:14

Jare uñemee chupe jae iko waerä opaetei ara jare ɨwɨ pe ñonoï wae reta imburuwicha wasurä. Jare aecha wi umbutuicha ñonoï jae jee opaete kerupi rupi yureko wae reta jare opaetei ambɨe ye ye ñee pe uyemɨngeta wae reta. Jae imbaepuere ndarau etei opa jare jae onoita mbaepuere opaete wae re jaeño mái pewa.

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Romanos 11:36

Echa’ä yandeYa ko jae opaete mbaembae iYa. Jae ipo wiño ko ou opaete mbaembae, jare jae rupi opaete mbaembae ñonoï. Jare opaete mbaembae ime oï wae reta jae uyapo jae imaerä. ¡Tuyembutuichaka yandeYa jee jaeño mái pewa! Jukuärái tuiko.

Romanos 15:6

Jukuärái ko pepuere pëti ñee waeño pembutuicha waerä yandeRu Tumpa jee – jae ko yandeYa Jesucristo Tu.

Filipenses 2:11

Jare jae reta jeita chupe uipɨu rewe: “Nde, Jesucristo, nde ko jae opaete wae iYa,” jeita reta. Jare kua uyeyapo ma yawe, yandeRu Tumpa jee uyembutuichakata oï wi opaete wae pe.

1 Timoteo 6:16

Jaeño ikoño mái imbaepuere tuichaete rupi. Jare imbaepuere jupi wae jembipe tuicha uwerasɨ wae rami. Jáeramo mbaetɨ etei kiawe ipuere oya jese. Mbaetɨ etei wi kiawe ɨwɨ pewa reta ipuere uecha. Jayawe, ¡yambutuicha Tumpa jee jaeño mái pewa! Jukuärái tuiko.

Hebreos 13:21

Che ayerure aï Tumpa pe jekuaeño pemborɨ piyapo kawi waerä opaete jae jei wae rupi. Jare jae tuparawɨkɨ yandepɨa pe yande reta jekuaeño yambɨyerowia waerä jae. Jare jukuärái tuyapo yandeYa Jesucristo imbaepuere rupi. ¡Tuyembutuichaka yandeYa Jesucristo jee jaeño mái pewa! Jukuärái tuiko.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!

1 Pedro 5:11

YandeRu Tumpa jekuaeño tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!

2 Pedro 3:18

Jekuaeño pekuakuaa Tumpa kotɨ yandeRepɨ wae yandeYa Jesucristo ipɨakawi rupi. Jare arakuaa jesewa tukuakuaa peré. ¡Jae jee tuyembutuichaka añawe jare jaeño mái pewa! Jukuärái tuiko.

Judas 1:25

Jaeño ko jae Tumpa. Jaeño ko yanderepɨ ma yandeYa Jesucristo rupi. Jaeño tonoi mbaepuere, mɨräta, jare yembɨadora añawe jare jaeño mái pewa. Jukuärái tuiko.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 20:6

Jare jokua tenonde ikowe ye wae reta uyekouete ñonoï. Echa’ä Tumpa oñono tee ma reta jae imaerä, jare ndarau uiporara reta Tatawasurenda pe – jae ko jokua mano mokuía jei chupe reta wae. Jae reta yurekota sacerdote retarä uyeyokui waerä Tumpa pe jare Cristo pe. Jare jae reta ñonoïta mburuwicharä Cristo iyɨpɨ pe miri año pewa.

Apocalipsis 4:11

“OreTumpa ndikoño mái wae, jupi ko nde nenoi waerä opaete mbaepuere. Jare jupi ko wi opaete wae uipɨu waerä ndewi, jare umbutuicha reta waerä nderee. Echa’ä nde ndiyapo opaetei mbaembae, jare nde ndipota wae rupi opaete mbaembae uyekuaa.” Jukuärái jei reta.

Apocalipsis 5:10

Jare jae reta ndiyapo mburuwicha wasu retarä jare sacerdote retarä ipuere reta waerä uyeyokui yandeTumpa pe. Jare jae reta onoita mbaepuere ɨwɨ pe.” Jukuärái ukäta reta.