Apocalipsis 1:13 - Biblia

¹³ Jare jokua chiu mechero iwapɨka reta ipɨte pe aecha kía jae chawaa kuimbaerä uyeyapo wae. Jae omonde temimonde puku wae uwäe ipɨ rupi. Jare ipɨtía rupi onoi tumbɨkuaa oro pewa.

Guaraní Pe (Western): Simba

¹³ Jare aecha jocua siete vela iguapɨca reta ipɨte pe penti cuimbae. Cuimbaerã uyeyapo vae echa cheve. Güɨnoi temimonde pucu ipɨ rupi uvãe vae. Jare ipɨtía rupi aecha güɨnoi penti cuacuaa oro pegua.

Apocalipsis 1:13 Iomraidhean Croise

Daniel 7:13

Pëti pɨare apau wae echa rami aecha ou oï pëti wae amapɨ̈tu re. Jae ko kía uyeyapo kuimbaerä wae. Jae ou Tumpa ikoño mái wae jowai.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.

Apocalipsis 14:14

Jayawe aecha amapɨ̈tu tïi wae, jare jokua amapɨ̈tu re aecha kía uwapɨ oï. Jae chawaa kuimbaerä uyeyapo wae. Jare iñäka re onoi corona oro pewa, jare uipɨsɨ oï pëti josa jaimbe wae.

Apocalipsis 15:6

Jare tupao wasu wi oë jokua chiu araɨwa reta ombouta ma oï chiu mbaesusere reta ɨwɨ pewa reta re wae. Jae reta jemimonde nieso tïasɨ ikɨa mbae wae ko, jare ipɨtía rupi onoi tumbɨkuaa oro pewa.

Apocalipsis 2:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Éfeso pe. Ikuatía chupe kua chiñee kuärái: ‘Che ko jae jokua chiu yasɨtata ipo iyakata kotɨ onoi wae, jare jokua chiu mechero iwapɨka oro pewa ipɨte rupi uwata wae.