Apocalipsis 1:1 - Biblia

^1-2 Kua tupapire pe Juan uikuaaka yandewe jokua mbaembae reta uasata oï ɨmambaeño wae. YandeRu Tumpa etei uikuaaka kua mbaembae Jesucristo pe jae uikuaaka yuapɨ ye waerä yandewe Juan rupi. Juan uyeyokui kawi Jesucristo pe. Jayawe Jesucristo ombou pëti araɨwa Juan pe, jare jokua araɨwa uechaka chupe kua mbaembae uyeyapota oï wae. Jare añawe Juan uikuaaka oï yandewe, yande Cristo pe yayeyokui wae reta pe, opaete mbaembae jae uecha wae. Kua ñee Tumpa iñee etei ko, jare jokua etei ko Jesucristo uikuaaka.

Guaraní Pe (Western): Simba

¹ Che co jae Juan. Che co jae Jesucristo jembiocui. Tumpa uicuaaca Jesucristo pe ɨmambae uyeyapota vae. Jare Jesucristo ombou ángel uyeyocui chupe vae umɨmbeu vaerã cheve, che amɨmbeu-yuapɨ ye vaerã Jesucristo jembiocui reta pe.

Apocalipsis 1:1 Iomraidhean Croise

San Juan 12:49

echa’ä chiñee ou’ä chewiño. CheRu ko chembou, jare jae ko jei chewe mbae jae waerä jare kërái jae waerä,” jei.

San Juan 15:15

Ndarau ye ma jae pewe uyeyokui wae reta, echa’ä uyeyokui wae reta uikuaa’ä opaete mbaembae ipatrón uipota uyapo wae. Ipatrón uikuaaka’ä chupe reta opaete,” jei. “Erëi che aikuaaka ma pewe opaete cheRu uikuaaka chewe wae. Jáeramo añawe che tae pewe cheïru reta ko,” jei chupe reta.

San Juan 3:32

Jae uecha mbaembae ara pewa jare uyandu wi. Jáeramo jae uikuaaka kawi ma yandewe jokua mbaembae ara pewa re. Erëitu opaete seri wɨrowia’ä jae mbae umɨmbeu wae.

San Juan 8:26

“Añetete che ime jeta mbaembae re chepuere tëi jae pewe pumbɨjeko waerä. Erëitu che jaeño amɨmbeu ɨwɨ pewa reta pe jokua chembou wae jei chewe wae etei. Jare jae jekuaeño uyemɨngeta jupi rupi kawi,” jei chupe reta.

Romanos 16:25

Jare añawe yambutuicha Tumpa jee. Jae ko ipuere pemɨmɨräta Tumpa re kua ñee ikawi wae Jesucristo rewa amɨmbeu pewe wae rupi. Ɨma rupi kua ñee kiawe uikuaa’ä iko.

Gálatas 1:12

Echa’ä mbaetɨ ko kiawe kua ɨwɨ pewa umɨmbeu chewe. Jare kiawe wi chemboe’ä jese. Jaeño Jesucristo uikuaaka chewe.

Efesios 3:3

Pikuaa ma ko aipo peï kërái Tumpa etei uikuaaka ma chewe ipɨayemɨngeta Cristo rewa jae tenonde yawe uikuaaka’ä etei wae. Jare kua rewa aikuatía ma pewe michi kua tupapire pe.

Tito 1:1

Cheraɨ Tito, che araaka aï ndewe saludo yandeYa Jesucristo jee re. Che ko jae Pablo. Che ayeyokui Tumpa pe, jare Jesucristo chemondo jae jee re amɨmbeu waerä jesewa. Jae chemondo Tumpa uiparawo wae reta pe amborɨ reta wɨrowia kawi waerä Cristo re jare uikuaa kawi reta waerä yemboe añetete wae. Jokua yemboe uikuaaka chupe reta kërái umbɨyerowia reta waerä Tumpa.

Apocalipsis 1:19

“Añawe ikuatía kua mbaembae ndecha wae. Jare che aipota ndikuatía waerä wi ïru mbaembae reta añawe aechakata aï ndewe wae – jae ko mbaembae añawe uyeyapo oï wae jare taɨkue rupi uyeyapota oï kuri wae,” jei chewe.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 17:1

Jare jokua chiu araɨwa chiu copa onoi wae reta wi pëti wae ou jei chewe: “Eyu che ndiwe. Aechakata ndewe kërái Tumpa uiporarakata oï kuña jete re umɨngana wae jeräkuaete wae pe. Jae uwapɨ oï ɨ wasu reta re,” jei.

Apocalipsis 19:10

Jayawe che añeñono ɨwɨ re araɨwa jowai ambutuicha waerä tëi. Erëi jae jei chewe: “¡Awɨye iyapo!” jei. “Che ayeyokui Tumpa pe nde jare ndehermano reta rami. Kërái pe reta pemɨmbeu jupi Jesús rewa, jukuäraiño wi ko che,” jei. “Tumpa jeeño embutuicha. Echa’ä jae ko umee yandewe ñee Jesús rewa yamɨmbeu waerä,” jei araɨwa chewe.

Apocalipsis 19:9

Jare pëti araɨwa jei chewe: “Ikuatía kua ñee: ‘Owecha kuimbae taurusu wae umenda oï, jare uyapɨkatu ma tembiu ikawiete wae uyekou reta waerä jese. Uyekouete ñonoï Tumpa uparea chupe reta wae.’ Jukuärái ikuatía.” Jare jei wi chewe: “Kua ñee añetete ko. Tumpa iñee etei ko,” jei.

Apocalipsis 21:2

Jare aecha wi tëta wasu Tumpa oñono tee wae uweyɨ ou oï ara wi Tumpa oï wae wi. Jae ko Jerusalén ipɨau wae jei chupe reta wae. Uyeyapɨkatu kawi oï jare maepöraete, pëti kuñatái umendata oï wae rami.

Apocalipsis 21:9

Joko wi pëti araɨwa ou che aï wae pe. Kua araɨwa tenonde yawe aecha ime wɨreko pëti copa tɨnee mbaesusere pewa – jae ko chiu wae wi pëti. Jare jae jei chewe: “Eyu che ndiwe. Taechaka ndewe Owecha kuimbae taurusu wae jembirekorä,” jei chewe.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:16

“Che ko jae Jesús. Jare che etei amondo chearaɨwa pëti wae umɨmbeu waerä pewe kua mbaembae. Kua ko jae cheré wɨrowia wae reta opa kerupi rupi uyembatɨ ñonoï wae reta pewarä,” jei. “Che ko jae David iñemoñaa pewa mburuwicha wasurä ikota wae. Che ko jae yasɨtata uwerasɨ ndei köe mbowe mii uyekuaa wae,” jei.

Apocalipsis 22:6

Jayawe araɨwa jei chewe: “Kua ñee reta añetete ko jare opaete wae ipuere wɨrowia katu jese,” jei. “Arakaete rupi yandeYa Tumpa uikuaaka mbaembae uasata oï wae jae iñee umɨmbeu wae reta rupi. Jare añawe jae ombou pëti araɨwa uikuaaka waerä uyeyokui chupe wae reta pe jupiwoiño mbaembae uasata oï wae,” jei.

Apocalipsis 22:8

Che ko jae Juan kua ñee aikuatía aï wae. Che etei aecha jare ayandu kua mbaembae. Jare araɨwa opa ma uechaka chewe yawe kua mbaembae, añeñono ɨwɨ re jae jowai ambutuicha waerä tëi.

Apocalipsis 22:9

Erëi jae jei chewe: “¡Awɨye iyapo!” jei. “Che ayeyokui Tumpa pe nde rami, jare ndehermano Tumpa iñee umɨmbeu wae reta rami, jare kua tupapire pe uyekuatía oï wae uipɨsɨ iyupe wae reta rami. Tumpa jeeño embutuicha,” jei chewe araɨwa.

Apocalipsis 4:1

Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.

Apocalipsis 5:7

Jayawe Owecha kuimbae taurusu wae oo uipɨsɨ tupapire jokua wapɨa pe uwapɨ oï wae iyakata kotɨ uipɨsɨ oï wae.