3 Juan 1:7 - Biblia

⁷ Echa’ä jae reta ueya jëta yuraa umɨmbeu waerä Jesucristo rewa. Jare jae reta ueka’ä ñonoï yemborɨ Tumpa re wɨrowia mbae wae reta pe.

Guaraní Pe (Western): Simba

⁷ Echa'ã jae reta vi uyeyocui ñugüɨnoi Tumpa pe. Jare uguata reta opaete que rupi rambueve, jei'ã upurugüɨrovia mbae vae reta pe omborɨ vaerã.

3 Juan 1:7 Iomraidhean Croise

San Juan 15:21

“Erëi jae reta uiporarakata pewe cheré perowia ramo, echa’ä uikuaa’ä reta kía ko chembou wae,” jei chupe reta.

Hechos 20:33

“Che pëti wese awe amae’ä aipotaete rewe pekorepoti re, jare peoro re, jare peremimonde re,” jei.

Hechos 20:35

“Opaete mbae ayapo wae rupi aechaka ma pewe kërái ikawi ko yaparawɨkɨ yamborɨ waerä ipuere mbae etei uparawɨkɨ iyupe wae reta,” jei. “Yanemandúa yandeYa Jesús etei jei wae re, echa’ä jae jei: ‘Ime yawe kía umee yandewe mbaembae uata oï yandewe wae, jokua re yayerowia ñaï. Erëi yayerowiaeteta ñaï ñamee yawe kía pe mbaembae uata oï chupe wae,’ jei Jesús.” Jukuärái Pablo jei chupe reta.

Hechos 5:41

Jayawe Jesús jemimboe tenondewaete reta oë ye yuraa joko wi. Jare uyerowiaete reta, echa’ä Tumpa umee chupe reta ipuere waerä uiporara Jesús re wɨrowia reta wae re.

Hechos 8:4

Jesewe jokua uñemɨái wae reta jekuaeño umɨmbeu ñee ikawi wae opaete kerupi yuraa reta wae rupi.

Hechos 9:16

Jare che etei aikuaakata chupe kërái jae uiporaraeteta chewe uyeyokui oï wae re.” Jukuärái yandeYa jei Ananías pe.

1 Corintios 9:18

¿Mbae ra jayawe amɨngana aï kua mbarawɨkɨ ayapo aï wae rupi? Ayerowiaete aï chepuere rambuewe amɨmbeu ñee ikawi wae akowara mbae rewe. Jare jokua yerowia rupi ko jae uyembɨepɨ wae echa chewe jokua cheparawɨkɨ re. Jáeramo, yepe tëi chepuere aeka yemborɨ jokua cheparawɨkɨ re, erëi ayapo’ä jukuärái.

2 Corintios 12:13

Jukuärái che ayapo pepɨte rupi kërái ayapo ïru wɨrowia Cristo re wae reta kerupi rupi uyembatɨ wae rupi rami. Jaeño aeka’ä pewe yemborɨ kërái che aeka chupe reta rami. Erëi kuärái ayawɨ yawe pekotɨ, jayawe awɨye pemandúa mii chewe jokua re.

2 Corintios 4:5

Ore mbaetɨ ko numɨmbeu ore rewaño. Numɨmbeu ko Jesucristo rewa kërái jae ko opaete mbaembae iYa. Ore parawete reta numae oriyé pewe nduyeyokui wae retaño ko, Jesús nduau ramo.

Filipenses 2:9

Jáeramo añawe yandeRu Tumpa umbutuichaka ma Cristo jee opaete wae reta wi, jare oñono ma opaete wae iYarä iko waerä.

Colosenses 1:24

Che jeta ma aiporara jokua ñee amɨmbeu waerä jare pe reta piyekou waerä jese. Erëi ayerowia aï, echa’ä kua che añawe aiporara aï wae rupi añemɨïru aï Cristo ndiwe. Echa’ä Cristo uiporara wi kua ɨwɨ pe iko rambuewe. Jayawe che arupɨa aï ayerowia rewe opaete mbaembae aiporara aï wae, jukuärái opaete Cristo re wɨrowia wae reta uyekou waerä Tumpa re. Jae reta ko jae yandeYa Cristo jete rami.

3 Juan 1:8

Jáeramo ikawi ko yande yamborɨ waerä kua nunga reta. Echa’ä jukuärái yandepuere yaparawɨkɨ pëti ramiño jae reta ndiwe ñee añetete wae jekuaeño uyemɨmbeu waerä.

Apocalipsis 2:3

Jare che aikuaa wi perowia cheré ramo, täta piporara jare pemɨawäta pekueri mbae rewe. Opaete kua ikawi ko.