3 Juan 1:6 - Biblia

⁶ Amokue jae reta kua pe imiäri nderé hermano reta jowake kërái nde ndepuruauete ko. Che tae ndewe, ikawita ko nde jekuaeño nemborɨ waerä kua nunga reta, jae reta oë oo ye oï reta yawe nerëta wi. Iyapo mii ikawi wae chupe reta Tumpa umbɨyerowia wae.

Guaraní Pe (Western): Simba

⁶ Jae reta etei umɨmbeu ndepuruau upurugüɨrovia vae cua pe uyembatɨ vae reta pe. Icavi ete co nemborɨ reta vaerã yugüeru yave nerenta güi. Ndiyapota Tumpa uipota ndiyapo vaerã vae.

3 Juan 1:6 Iomraidhean Croise

Génesis 4:7

“Ndiyapo yawe ikawi wae, ayerowiata amae nderé. Erëi iyandareko kawi ndiyé, echa’ä ndiyapo yawe ikawi mbae waeño, ndereko kachi nemɨamɨrita oï. Teko kachi ko mbaemɨmba pochɨ wae rami nepiäro oï ndeyɨpɨ rupi. Jae uipota nemɨamɨri oï. Erëi nde ndepuereta nemɨamɨri ndeyuwi jokua teko kachi,” jei Tumpa Caín pe.

Hechos 15:29

Awɨye peu soo tumparaanga pe uñemee wae. Awɨye peu wi mbaemɨmba uyeyuwɨkue isoo. Awɨye peu tuwɨ. Jare awɨye piyapo awasa. Kua ore ndoe pewe wae piyapo yawe, ikawita pewe. Tumpa tumae kawi peré. Jukuärái uyekuatía oï tupapire pe.

Hechos 15:3

Jayawe yuraa reta tëta wasu Jerusalén kotɨ. Jare yuraa yureko rambuewe, uasa reta ɨwɨ Fenicia rupi jare ɨwɨ Samaria rupi. Jare jokoropi umɨmbeu reta Cristo re wɨrowia wae reta pe kërái jeta judío mbae wae reta uyerowa ma Tumpa kotɨ. Jare kua uyandu yawe, uyerowiaete opaete jokua hermano reta.

Hechos 21:5

Erëitu jokua ara reta uasa ma yawe, ore noë ndoo joko wi. Jare opaete jokua hermano reta jare jembireko reta jare isambiaɨ reta ndiwe oremɨïru tëta wasu oka pe nuwäe rewa. Jare joko pe opa rewe ore nuñeñono oretawa re mar jembeɨ pe jare nduyerure päwe Tumpa pe.

Romanos 15:24

Jáeramo añawe chepɨayemɨngeta ko a waerä ɨwɨ España kotɨ, joko pe amɨmbeu waerä chupe reta wi Cristo rewa. Jare jokotɨ asa aï rambuewe, aipota apɨta pepɨ Roma pe mbowɨ semana pewa pe reta ndiwe. Jare mbowɨ semana ma aï pe reta ndiwe yawe, aramoi pe reta pepuereta chemborɨ asa a waerä ɨwɨ España kotɨ.

2 Corintios 1:16

Tenonde aipota tëi a apou aiko pepɨ Macedonia kotɨ asa aiko yawe. Jare joko wi ayu ye yawe, jae nunga wi aipota tëi apou aiko pepɨ. Che ayemɨngeta tëi aiko chepɨa pe aramoi pe reta pepuereta chemborɨ a waerä ɨwɨ Judea kotɨ. Jukuärái ko chepɨayemɨngeta iko tëi.

Filipenses 4:14

Erëitu amee aï pewe yasurupái pe reta chemborɨ wae re aiporara aï wae rupi.

Colosenses 1:10

Jukuärái ore nduyerure noï peré pereko kawi waerä kërái ikawi ko yureko waerä kía kía Tumpa pewa iko wae reta. Echa’ä jukuärái piko yawe, pembɨyerowiata Tumpa opaete mbaembae piyapo wae rupi. Echa’ä piyeyokui kawita chupe opaete mbae ikawi wae Tumpa pe piyapo wae rupi, jare jekuaeño wi pekuakuaata Tumpa kotɨ arakuaa rupi.

1 Tesalonicenses 2:12

Ore pumbɨpɨakatu, jare pumɨkɨrëɨ, jare pumɨatangätu piko waerä jupi rupi Tumpa jowai. Echa’ä Tumpa ko jae pemburuwicha wasu, jare pe reta piyekouta peï jae imbaepuere jupiete ye wae re jae oï ma yawe opaete wae imburuwicha wasurä jaeño mái pewa.

Tito 3:13

Emborɨ kawi mii opaete ndepuere wae rupi abogado Zenas jee wae jare Apolos wi yuraa kawi reta waerä, jare awɨye waerä mbae uata chupe reta.

1 Pedro 2:20

Erëi jae reta uyapo yawe mbae kachi wae, jare ipatrón uiporaraka chupe reta jokua jeko pewa yawe, jupi ko uiporara reta waerä jokua re. Jare yepe tëi umɨawäta reta jokua uiporara reta wae, jesewe mbaetɨ mbae re Tumpa umɨñatima waerä chupe reta. Erëi jae reta uiporara yawe mbae ikawi wae uyapo reta wae re, jare umɨawäta reta yawe, kua ko jae Tumpa umbɨyerowia wae.

3 Juan 1:12

Jayawe ikawi ko nde nembɨasa kawi waerä Demetrio jae oo uwäe yawe pepɨ. Opaete wae uyemɨngeta kawi jese, echa’ä jae jekuaeño oï añetete wae rupi. Jare ore jae nunga wi nduyemɨngeta kawi noï pewe jese. Jare nde ndikuaa neï ore ndoe wae añetete ko.