3 Juan 1:5 - Biblia

⁵ Cherɨwɨ nduau mii wae, jaekawi nde ndiyapo neï. Echa’ä nemborɨ neï ïru Cristo re wɨrowia wae reta oo opou pepɨ yawe, yepe tëi ndikuaa’ä reta. Jare kua ndiyapo neï wae rupi, uyekuaa oï kërái jupi ndiyeyokui neï Tumpa pe wae.

Guaraní Pe (Western): Simba

⁵ Cherɨvɨ, ĩru upurugüɨrovia vae reta nemborɨ yave, yepe tẽi ndicuaa'ã reta, ndiyeyocui cavi neĩ Tumpa pe.

3 Juan 1:5 Iomraidhean Croise

San Mateo 24:45

Jayawe Jesús jei wi umbɨjaanga rewe jemimboe reta pe: “Pëti karái ime onoi yawe pëti uyeyokui chupe wae iyarakuaa katu jare wɨrowia katu wae, jae oñonota opaete uyeyokui wae reta iyandarekoarä umɨngaru reta waerä opa ara rupi,” jei.

San Mateo 25:16

“Jayawe jokua pandepo talento onoi wae umbɨpɨ woi umɨmbarawɨkɨ, jare umɨngana pandepo ye,” jei.

San Lucas 12:42

Jayawe yandeYa jei umbɨjaanga rewe: “Pëti karái ime onoi yawe pëti uyeyokui chupe wae iyarakuaa katu jare wɨrowia katu wae, jae oñonota opaete uyeyokui wae reta iyandarekoarä umɨngaru reta waerä opa ara rupi,” jei.

Hechos 1:15

Jayawe pëti ara Cristo re wɨrowia wae reta joko pe uyembatɨ 120 rupi. Jare Pedro uyemboɨ jae reta ipɨte pe jare jei chupe reta:

Romanos 12:13

Mbae uata yawe ïru hermano reta pe, pemborɨ mbaembae penoi wae pɨpe. Jekuaeño pembɨasa kawi piyerowia rewe opou pepɨ wae reta.

Gálatas 6:10

Jáeramo yayapo mii ikawi wae opaete wae pe yandepuere wae rupi. Erëi tenonde Cristo re wɨrowia wae reta rani ko yamborɨta.

Colosenses 3:17

Jare opaete mbaembae piyapo wae jare pere wae, piyapo yandeYa Jesús jee re. Jare jukuärái piyapota pemee rewe yasurupái Tumpa pe jare pemandúa rewe opaete mbaembae Cristo uyapo pewe wae re.

Hebreos 13:2

Jare jekuaeño pembɨasa kawi mboupa reta perëta pe, echa’ä jukuärái amokue wae reta umbɨasa ma jëta pe araɨwa reta uikuaa mbae rewe.

3 Juan 1:10

Jáeramo che a awäe pepɨ yawe, che amɨmbeuta opaete wae jowake mbaembae jae uyapo oï wae. Echa’ä jae iyapu rewe uyemɨngeta kachi oreré. Jare jokuaño’ä uyapo oï. Jae uipota’ä etei wi umbɨasa ïru hermano reta ikotɨ̈a wi yuraa pepɨ wae. Jare ime yawe kía uipota tëi omborɨ kua uwata wae reta, Diótrefes oyopia chuwi jare umaeño’ä jese uyembatɨ waerä ïru hermano reta ndiwe. Jukuärái uyapo oï jae.

3 Juan 1:3

Che ayerowiaete aï, echa’ä amokue yanderɨwɨ reta yuweru kua pe imiäri chewe kërái nde jekuaeño ndiko añetete wae rupi. Jare che aikuaa jokua añetete ko.