3 Juan 1:2 - Biblia

² Cherɨwɨ mii, che aikuaa ikawi neï Tumpa ndiwe. Jare che ayerure aï nderé opaete mbaembae ndiyapo wae rupi ndeo kawi waerä jare ndikowe katu waerä wi.

Guaraní Pe (Western): Simba

² Cherɨvɨ, aicuaa quirãi nde ndico cavi Tumpa cotɨ. Jare jecuaeño ayerure Tumpa pe nderé, jecuaeño ndico cavi vaerã opaete mbaembae re jare agüɨye vaerã nembaerasɨ.

3 Juan 1:2 Iomraidhean Croise

San Mateo 9:12

Jesús kua uyandu yawe, jei umbɨjaanga rewe fariseo reta pe: “Ikowe katu wae reta ueka’ä iyupe upurupɨano wae. Imbaerasɨ wae retaño ko ueka,” jei.

Filipenses 2:27

Añetete ko, jae imbaerasɨete iko jare umano seri. Erëi Tumpa uiparareko umae jese jare umɨnguera. Jare jaeño’ä Tumpa uiparareko. Jae nunga wi che cheparareko, echa’ä tuicha chepɨatɨtɨ aiko Epafrodito imbaerasɨ iko yawe. Jare jae umano yawe, uasaete chepɨatɨtɨta aiko tëi jese.

Filipenses 2:4

Awɨye iyeeño tuyandareko. Jae nunga tuyandareko wi ïru wae reta re.

2 Tesalonicenses 1:3

Ore jekuaeño numee yasurupái Tumpa pe peré, hermano mii reta. Jare jupi ko jukuärái nduyapo waerä. Echa’ä jekuaeño ukuakuaa oo oï kërái perowia Tumpa re wae, jare jekuaeño wi tuicha rupi piyerau peï päwe rewe.

2 Tesalonicenses 2:13

Erëi ikawi ko ore jekuaeño numee waerä yasurupái Tumpa pe peré, pe yandeYa perau wae reta. Echa’ä Tumpa peparawo iyɨpɨ wiwe penoi waerä tekowe opa mbae wae añetete wae perowia wae rupi jare Espíritu Santo rupi – jae ko peñono tee Tumpa pewarä wae.

Santiago 5:12

Jare pe reta, ikawi ko pikuaa waerä kua: Pe reta mbae pere yawe, awɨye pere Tumpa jowake ani ɨwɨ jowake ani ipotawe mbae jowake. Pe pere yawe, “Ayapota,” piyapota ko jukuärái. Jare pere yawe, “Ayapota’ä,” awɨyeta ko piyapo wi jukuärái. Jukuäraita ko piyapo awɨye waerä peï teko pe.

1 Pedro 4:8

Jare opaete mbaembae reta wi, tenonde imeta ko tuicha rupi piyerau päwe rewe waerä. Echa’ä piko yawe jukuärái, ndarau ma pemandúa peyupe mbaembae kachi piyapo wae re.

2 Pedro 3:18

Jekuaeño pekuakuaa Tumpa kotɨ yandeRepɨ wae yandeYa Jesucristo ipɨakawi rupi. Jare arakuaa jesewa tukuakuaa peré. ¡Jae jee tuyembutuichaka añawe jare jaeño mái pewa! Jukuärái tuiko.

3 Juan 1:1

Nde cherɨwɨ mii Gayo, che ko jae Cristo re wɨrowia wae reta itenondewa aikuatía aï ndewe. Che nduau añetete rewe.

Apocalipsis 2:9

Jare che tae Esmirna pewa cheré wɨrowia wae reta pe kuärái: Che aikuaa opaete mbae piyapo wae, jare kërái piporara jare peparawete (erëi añetete pikokatu peï Tumpa kotɨ). Aikuaa wi jei ñonoï ñee kachi pekotɨ jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta ko uyembatɨ Satanás jee re uikuaa mbae rewe.