3 Juan 1:12 - Biblia

¹² Jayawe ikawi ko nde nembɨasa kawi waerä Demetrio jae oo uwäe yawe pepɨ. Opaete wae uyemɨngeta kawi jese, echa’ä jae jekuaeño oï añetete wae rupi. Jare ore jae nunga wi nduyemɨngeta kawi noï pewe jese. Jare nde ndikuaa neï ore ndoe wae añetete ko.

Guaraní Pe (Western): Simba

¹² Opaete vae uyemɨngueta cavi Demetrio re. Echa'ã jae jecuaeño ico añete vae rupi. Ore vi numɨmbeu peve jae jecuaeño uyapo icavi vae. Jare picuaa ore numɨmbeu peve vae añete co.

3 Juan 1:12 Iomraidhean Croise

San Juan 19:35

Yande yaikuaa ñaï kua mbaembae añetete ko, echa’ä ime kía uecha wae. Jare jae umɨmbeu ma kua mbaembae rewa, pe reta pepuere perowia waerä wi.

San Juan 21:24

Che ko jae jokua kuimbae. Jare che chemiäri ma jare aikuatía ma kua mbaembae. Jare kua amɨmbeu wae ore nduikuaa añetete ko.

Hechos 10:22

Jayawe jae reta jei Pedro pe: “Pëti kuimbae romano sɨndaro reta itenondewa Cornelio jee wae ko orembou,” jei. “Jae ko kuimbae uipɨu Tumpa wi wae jare opaete judío reta umae kawi jese wae. Pëti araɨwa Tumpa ombou chupe wae jei chupe ombou ndereraaka waerä jëta pe, Cornelio uyapɨsaka waerä mbae nemɨmbeuta chupe wae re,” jei reta Pedro pe.

Hechos 22:12

“Jare iko joko pe pëti kuimbae Ananías jee wae. Jae uyapo kawi Moisés arakae uikuatía wae rupi, jare opaete judío joko pe yureko wae reta uyemɨngeta kawi jesewa.

Hechos 6:3

“Jáeramo hermano reta, piparawo pepɨte wi chiu kuimbae pemae kawi jese wae reta,” jei. “Tuiko kuimbae reta iyarakuaa katu wae jare uyekuaa jese reta Espíritu Santo jei wae rupi yureko reta wae. Jare jae reta tuyapo yandewe jokua mbarawɨkɨ,” jei.

1 Tesalonicenses 4:12

Echa’ä jukuärái piko yawe, Cristo re wɨrowia mbae wae reta uipɨuta pewi jare ndarau mbae uata pewe.

1 Timoteo 3:7

Jae ramiño wi pëti wae Cristo re wɨrowia wae reta itenondewarä tuechaka teko kawi Cristo re wɨrowia mbae wae reta pe. Echa’ä jukuärai’ä uyapo yawe, jae reta uyemɨngeta kachita jese jare jukuärái jae oa ma Añawasu iñuai pe.