2 Samuel 7:16 - Biblia

¹⁶ Jayawe nde jare niñemoñaa jekuaeño pikota mburuwicha wasurä jaeño mái pewa.’ Jukuärái ere David pe,” jei Tumpa Natán pe.

2 Samuel 7:16 Iomraidhean Croise

2 Samuel 7:13

Jae ko uyapokata chewe pëti tëta, joko pe cheree umbutuicha reta waerä. Jare jae chekotɨ uyawɨ yawe, che aiporarakata chupe pëti tu uinupa taɨ rami. Erëi jekuaeño aipararekota, jare ndarau ambɨsɨrɨ chuwi aiparareko wae kërái Saúl wi ambɨsɨrɨ wae rami. Echa’ä anoe Saúl numbɨjee waerä Israel pewa reta imburuwicha wasurä. Jare nderaɨ iñemoñaa ipɨte wi ikota mburuwicha wasurä jaeño mái pewa. Che aikota chupe tuurä jare jae ikota cheraɨrä.

2 Samuel 7:17

Jayawe Natán umbeu yuapɨ ye David pe opaete jokua ñee Tumpa uikuaaka chupe wae.

Isaías 9:6

Oa ma yandewe pëti sambiaɨ kuimbae. Jae ko Tumpa Taɨ etei jae umee yandewe wae. Jare jae ikota yanemburuwicha wasurä. Jare jeita chupe reta: UPURUMBƗARAKUAA KAWIETE WAE, jare TUMPA IMBAEPUERE TUICHAETE WAE, jare YANDERU TUMPA IKOÑO MÁI WAE, jare MBURUWICHA WASU YANEMBƗPƗAKATU WAE. Jukuärái jeita chupe reta.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

Daniel 7:14

Jare uñemee chupe jae iko waerä opaetei ara jare ɨwɨ pe ñonoï wae reta imburuwicha wasurä. Jare aecha wi umbutuicha ñonoï jae jee opaete kerupi rupi yureko wae reta jare opaetei ambɨe ye ye ñee pe uyemɨngeta wae reta. Jae imbaepuere ndarau etei opa jare jae onoita mbaepuere opaete wae re jaeño mái pewa.

San Mateo 16:18

“Jare che tae ndewe, añawe nderee ko jae Pedro. Jare chemaerä nde ndikota pëti itape jese kía jëtarä uyapo wae rami. Echa’ä che ayapota nde ndiko waerä opaete cheré wɨrowiata oï wae reta iyɨpɨrä. Jare Añawasu ndarau ipuere umɨamɨri reta,” jei.

San Juan 12:34

Jayawe jae reta jei Jesús pe: “Nde ndere tëi neï ndeyupe ‘che kuimbaerä ayeyapo wae.’ Erëi ¿mbae ra jokua uipota jei? Ore nduikuaa Cristo ndoe chupe wae ou yawe, jae upɨtata oï jaeño mái pewa, echa’ä jukuärái Tumpa iñeerɨru pe uyekuatía oï. Jayawe nde ko jae Cristo yawe, ¿këraita pa nde ndere neï orewe, ‘chekututa ñonoï kurusu re jare chembɨyemboɨta cheñono reta’? Kua pe opa orembopa neï,” jei reta Jesús pe.

Hebreos 1:8

Erëi Tumpa jei Taɨ pe kuärái: “Nde ko jae Tumpa etei, jare nembaepuere mburuwicha wasu pewa ndarau etei opa. Jekuaeño ndiyapota jupi wae rupi.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.