2 Samuel 7:12 - Biblia

¹² Jare nde, David, nemano ma yawe jare niñeñotɨka ma yawe nderamɨkue reta uñeñotɨ ñonoï wae pe, ambɨjeeta pëti nderaɨ Israel pewa reta imburuwicha wasurä. Jare ameeta chupe mbaepuere tuicha wae.

2 Samuel 7:12 Iomraidhean Croise

Génesis 15:4

Jayawe Tumpa jei chupe: “Eliezer pe upɨtata’ä nembaembae reta. Nderaɨ pe ko upɨtata oï,” jei.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

San Mateo 1:1

Yambɨpɨ kuärái kua tupapire pe tee reta. Kua tee reta jae ko Jesucristo iyɨpɨ reta. Jesucristo ko jae David iñemoñaa pewa jare Abraham iñemoñaa pewa wi.

San Lucas 1:32

Jae onoita mbaepuere tuicha wae, jare ïru wae reta jeita chupe Tumpa imbaepuere tuichaete wae Taɨ. Jare Tumpa ikoño mái wae uyapota iko waerä Israel pewa reta imburuwicha wasurä jae tamɨkue David rami,” jei chupe.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

Hechos 13:36

“Erëi kua salmo pe uyemɨngeta’ä oï David rewa. Echa’ä David umano opa ma uyapo yawe opaete mbarawɨkɨ Tumpa umee chupe wae. Jare jetekue uñeñotɨka tamɨkue reta jetekue ñonoï wae pe jare opa ikumewa.

Hechos 2:30

Erëi Tumpa jei David pe kuärái: ‘Che etei tae ndewe, pëti niñemoñaa reta ipɨte wi ikota mburuwicha wasurä jaeño mái pewa.’ Jukuärái jei Tumpa chupe, jare yaikuaa jokua David iñemoñaa ko jae Cristo yae chupe wae. Jare David uikuaa iko wi, echa’ä Tumpa uiparawo David uikuaaka chupe waerä Tumpa uyapota iko wae,” jei.

1 Corintios 15:51

Mase, añawe tamɨmbeu pewe mbae tenonde yawe Tumpa uikuaaka’ä etei wae. Amokue yande Cristo re yarowia wae reta ndarau opa ñamano ñaï kuri. Erëi opaete yande reta yanderete Tumpa umbɨpɨau yeta oï kuri.

1 Tesalonicenses 4:14

Echa’ä yande yarowia Jesús umano jare ikowe ye ou umanokue wae reta ipɨte wi. Jáeramo yande yarowia ñaï wi Jesús ou ye yawe, Tumpa uyapota opaete wae Jesús re wɨrowia rewe umano wae reta umɨïru waerä Jesús.