2 Samuel 5:3 - Biblia

³ Jayawe jokua tëta wasu Hebrón pe Israel pewa itenondewa reta uyemɨngeta David ndiwe, jare David uyapo pëti yemɨngeta ikawi wae jae reta ndiwe Tumpa jowai. Jare joko wi jae reta upɨyere David iñäka re olivo iaceite jukuärái uikuaaka waerä jae reta umbɨjee ma David imburuwicha wasurä.

2 Samuel 5:3 Iomraidhean Croise

Éxodo 3:16

“Ekua embatɨ Israel iñemoñaa itenondewa reta, jare ere chupe reta kuärái: ‘Tumpa ikoño mái wae – jae ko yanderamɨkue reta Abraham, Isaac, jare Jacob iTumpa – uyekuaa chewe jare jei chewe kuärái: ‘Aikuaa aï kërái pe Israel iñemoñaa piko wae reta piporara peï ɨwɨ Egipto pewa reta ipo pe wae. Jare aiparareko amae peré.

1 Samuel 11:15

Jayawe opaete yuraa reta tëta wasu raɨ Gilgal pe. Joko pe, Tumpa jowai, Samuel uikuaaka opaete wae pe Tumpa umbɨjee ma Saúl Israel pewa reta imburuwicha wasurä. Joko wi jae reta ueru uyuka mbaemɨmba reta umee waerä Tumpa pe uñemɨïru kawi reta waerä Tumpa ndiwe. Jayawe Saúl jare opaete Israel pewa reta uyerowiaete reta.

1 Samuel 16:13

Jayawe opaete David tɨkeɨ reta jowai, Samuel upɨyere iɨasɨ wi olivo iaceite David iñäka re. Jare jokua ara wiwe, Tumpa iEspíritu tuicha imbaepuere rewe oya David re jare usɨrɨ'ä etei chuwi. Joko wi Samuel uñatima ye oo tëta wasu Ramá pe.