2 Samuel 5:2 - Biblia

² “Saúl iko wɨteño yanemburuwicha wasurä rambuewe, nde ndiko nderuwata waerä sɨndaro reta ñeräro pe. Jare Tumpa jei ndewe kuärái: ‘Israel iñemoñaa reta che aiparawo wae reta ko. Jare pëti ara nde ndikota jae reta imburuwicha wasurä. Jare pëti owecha iyandarekoa rami, nde ndiyandareko kawita jese reta,’ jei ndewe.” Jukuärái jei reta David pe.

2 Samuel 5:2 Iomraidhean Croise

2 Samuel 7:7

Jeta año rupi ase Israel iñemoñaa reta ndiwe. Erëitu ayokui’ä etei pëti awe jae reta itenondewa aiparawo wae uyapo waerä chewe pëti tëta ikawiete wae ɨwɨräre pewa chemaerä.’ Jukuärái ere chupe,” jei Tumpa Natán pe.

2 Samuel 7:8

Jare jei wi chupe: “Jayawe ere David pe che, peTumpa chembaepuere tuichaete wae, jae aï chupe kuärái: ‘Che nonoe ma owecha reta ndiyandareko jese wae wi jare numbɨjee opaete Israel pewa reta imburuwicha wasurä.

San Mateo 2:6

“Tumpa jei: ‘Belén jae ko tëta wasu raɨ ikawiete wae ɨwɨ Judea pe oï wae. Echa’ä joko pe oata oï pëti mburuwicharä ikota wae. Jare jae uyandareko kawita oï Israel iñemoñaa reta re – jae ko che aiparawo wae reta,’ jei.” Jukuärái jei Tumpa iñeerɨru pe,” jei reta Herodes pe.

San Juan 10:11

“Jare che ko jae owecha reta iyandarekoa ikawi wae rami. Pëti owecha reta iyandarekoa ikawi wae umeeta jekowe iowecha reta re uepɨ reta waerä,” jei.

Hebreos 2:10

Tumpa ko jae opaete mbaembae iYa. Echa’ä jae rupi etei jare jae imaerä etei uyekuaa opaete mbaembae. Jare jae uipota ɨwɨ pewa reta jeta taɨrä yureko reta waerä jare uyekou reta waerä jae imbaepuere jupiete ye wae re. Jáeramo jae ipɨayemɨngeta ko Jesús uyapo waerä yandewe tape tekowe opa mbae wae ñanoi waerä. Jare jaeño tuicha uiporara rewe Jesús ipuere opa uyapo jokua mbarawɨkɨ.

1 Samuel 13:14

Erëi añawe pikota’ä ma, echa’ä nde ndiyapo’ä jae jei ndewe wae rupi,” jei. “Jáeramo Tumpa uekata ïru kuimbae ipɨa ndiwe oyowake wae. Jokua kuimbae Tumpa etei umbɨjeeta jae uiparawo wae reta imburuwicha wasurä ndepepɨka pe,” jei Samuel Saúl pe.

1 Samuel 16:1

Pëti ara Tumpa jei Samuel pe: “Awɨye ma ndepɨatɨtɨ Saúl re,” jei. “Aipota’ä ma jae imeño iko waerä Israel pewa reta imburuwicha wasurä. Añawe emɨtɨnee olivo iaceite ndeɨasɨ pe jare ekua kuimbae Isaí jee wae jëta pe. Jae oï tëta wasu Belén pe. Che aiparawo ma pëti Isaí taɨ reta ipɨte wi mburuwicha wasurä,” jei chupe.