2 Juan 1:9 - Biblia

⁹ Ipotawe kía ueya yawe Cristo oporomboe wae iko waerä ambɨe yemboe rupi wae, kua nunga reta mbaetɨ etei onoi Tumpa. Erëi kía jekuaeño iko yawe Cristo oporomboe wae rupi, yandeRu Tumpa jare Tumpa Taɨ mokui rewe ñonoï jae ndiwe.

Guaraní Pe (Western): Simba

⁹ Amocue vae ipɨa pe uyemɨngueta tẽi jae reta uicuaa cavi ete mbaembae regua ĩru vae reta güi. Ẽrei güɨrovia'ã yave moromboe añete vae Cristo regua, uicuaa'ã Tumpa. Moromboe añete vae Cristo regua güɨrovia vae uicuaa yandeRu Tumpa. Jae ramiño vi uicuaa Tumpa Taɨ.

2 Juan 1:9 Iomraidhean Croise

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Lucas 10:22

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 15:6

“Erëi ime yawe kía mbaetɨ jekuaeño uñemɨïru kawi che ndiwe wae, uyemombota pëti ɨwɨra jäka uyeyasɨa uyemombo wae rami. Jokua nunga jäka reta opa ma utini yawe, uyembatɨta jare uyemombota tata pe opa okai waerä,” jei chupe reta.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

San Juan 8:31

Jayawe Jesús jei jokua wɨrowia jese wae reta pe: “Pe reta jekuaeño piyapo yawe jokua che pomboe wae re, jayawe añetete rewe pikota cheremimboe retarä.

Hechos 2:42

Joko wiwe opaete Cristo re wɨrowia wae reta ikɨrëɨ rewe uyemboe reta Jesús jemimboe tenondewaete reta oporomboe wae re. Jae reta jekuaeño uñemɨïru kawi. Jare uyembatɨ reta tëta tëta rupi uyerure reta waerä Tumpa pe, jare uyemɨmandúa reta waerä yandeYa Jesús imano re mbɨyape jare copa wi jou reta wae rupi.

Colosenses 3:16

YandeYa Cristo iñee jekuaeño tuiko pepɨa pe. Piyembɨarakuaa päwe opaete arakuaa rewe. Pekäta wi Tumpa pe pemee rewe yasurupái chupe salmo reta, jare himno reta, jare ipotawe käta reta Tumpa jee pembutuicha waerä.

Tito 2:10

Awɨye timonda reta. Tuyekuaaka reta ipatrón pe jae ipuere waerä wɨrowia katu jese reta. Echa’ä jukuärái uyapo reta yawe, ïru wae reta uikuaata kërái ikawiete ye ko yemboe Tumpa wi ou wae jare kërái Tumpa ko jae yandeRepɨ wae.

Hebreos 3:14

Yanemandúa kawi ñaï kërái yarowia katu Cristo re jaeramo yarowia jese yawe. Jukuärái wi jekuaeño yarowia katu jese ara taɨkuewa uwäe rewa. Echa’ä jukuärái yayapo yawe, uyekuaata añetete ñanoi ma ko tekowe Cristo ndiwe.

Hebreos 6:1

Jáeramo yasa mii ya tenonde yemboe Cristo rewa yawái mbae oï wae wi yakuakuaa kawi waerä Tumpa kotɨ. Awɨye jekuaeño yayemboe jokua tenonde yambɨpɨ yayemboe wae reño – jae ko kërái imeta ko yaeya yandepɨayemɨngeta jupi mbae wae jare yarowia kawi waerä Tumpa re. Echa’ä tenonde yawe yarowiase tëi mbaembae yayapo wae rupi ko yandepuere ñanoi tekowe opa mbae wae.

1 Juan 1:3

Kua mbaembae nduecha wae jare nduyandu wae nduikuaaka noï pewe, pe reta wi perowia jese waerä. Jare jukuärái yandepuere waerä ñañemɨïru kawi päwe rewe yandeRu Tumpa ndiwe jare Taɨ Jesucristo ndiwe.

3 Juan 1:9

Kua re che aikuatía ma pewe tëi, pe Cristo re perowia wae reta joko pe peï wae pe. Erëitu Diótrefes uipota’ä uyapɨsaka, echa’ä jaeño uipota iko hermano reta itenondewarä.