2 Juan 1:6 - Biblia

⁶ Jare ¿kërái ra yapuruau añetete rewe? Imeta ko yaiko Tumpa jei wae rupi. Jare Tumpa jei yandewe yaiko waerä yapuruau rewe. Kua ko jae mbae iyɨpɨ wiwe piyandu ore ndoporomboe jese wae.

Guaraní Pe (Western): Simba

⁶ Añetete yaau yave Tumpa, yayapota Tumpa iporoyocui reta. Jare iyɨpɨ güive piyandu cua mboroyocui. Jáeramo icavi co jecuaeño piyapo vaerã.

2 Juan 1:6 Iomraidhean Croise

San Juan 14:15

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

San Juan 14:21

“Ime yawe kía che jae wae uikuaa jare uyapo wae, jae cherau ko. Jare cheRu uauta jokua cherau wae, jare che auta wi. Jare ayekuaakata chupe kía etei ko che wae,” jei chupe reta.

San Juan 14:23

Jare Jesús jei chupe: “Cherau wae uyapota chiñee rupi. Jare cheRu uauta jae. Jare che jare cheRu mokui rewe ndoyuta nduiko waerä jae ndiwe. Jayawe che ayekuaakata chupe,” jei.

San Juan 15:10

¿Kërái ra pikota jukuärái? Pe reta piko yawe che jae wae rupi, jayawe jekuaeño piyekouta peï kuri che puau wae re. Jukuärái wi che jekuaeño ayekou aï cheRu cherau wae re, echa’ä che aiko jae jei wae rupi,” jei chupe reta.

San Juan 15:14

“Jare pe reta ko jae cheïru reta piyapo yawe kua che jae pewe wae.

1 Juan 2:24

Jáeramo jekuaeño tupɨta pepɨa pe jokua iyɨpɨ wiwe piyemboe jese wae. Jare jukuärái yawe, jekuae ñotái ko piñemɨïru kawi Tumpa Taɨ ndiwe jare yandeRu Tumpa ndiwe etei wi.

1 Juan 2:5

Erëi Tumpa jei wae rupi yayapo yawe, yande yaau ñaï Tumpa kërái jae jukuäraiño mái uipota wae rupi. Jare jukuärái yaikuaata yande ko ñaï pëti ramiño Tumpa re wae.

1 Juan 2:7

Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.

1 Juan 5:15

Jare kërái yaikuaa jae uyandu yandewe yandiyerure wae, jukuärái wi yaikuaa jae uyapota oï yandewe jokua yayerure chupe wae re.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.

2 Juan 1:5

Jare añawe nde cherindɨ mii, che numɨñera jekuaeño nemandúa waerä kua Tumpa jei yandewe wae re: yapuruau päwe rewe mii. Kua aikuatía aï ndewe wae, mbae ipɨau wae’ä ko. Jae ko jokua iyɨpɨ wiwe Tumpa jeiño mái yandewe wae.