2 Juan 1:4 - Biblia

⁴ Che tuicha ayerowia aï, echa’ä awäe chupe amokue nemembɨ reta ñonoï ma añetete wae rupi kërái yandeRu Tumpa jei yandewe wae rupi.

Guaraní Pe (Western): Simba

⁴ Aicuaa yave nemembɨ reta yugüɨreco añete vae rupi, ayerovia ete. Echa'ã yandeRu yandeocui jucuarãi yaico vaerã.

2 Juan 1:4 Iomraidhean Croise

1 Corintios 13:6

Añetete yapuruau yawe, yayerowiata’ä mbae kachi wae re, erëi yayerowiata ñaï mbae jupi wae re jare añetete pewa re.

Gálatas 2:14

Jayawe aecha yawe jae reta yureko’ä añetete wae rupi ñee ikawi wae yanemboe wae rupi, che jae Pedro pe etei opaete wae jowake: “Nde ko jae judío, erëi kua pe ndeya ma judío reta jeko ndiko waerä judío mbae wae reta rami. Jokua jaekawi ko. Erëi ¿këraita ra añawe ndesɨrɨ neï chuwi reta? ¿Ndipota ra jae reta wɨrowia waerä ikɨa ra ñonoï Tumpa kotɨ jare imeta ko uyeyapo judío retarä?” jae chupe.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Efesios 5:8

Echa’ä tenonde yawe pe reta pikose pɨ̈tumimbi pe wae echa mbɨrɨ Tumpa wi. Erëi añawe peï tembipe pe, echa’ä peï pëti ramiño yandeYa Jesucristo re jare jae umbɨembipe oï pepɨa. Jare yaiko yawe jokua tembipe pe, yaikota yandepɨakawi rewe añetete wae rupi jare jupi wae rupi. Tumpa peñono tee ma ko jae imaerä. Jáeramo piko tembipe pe jae umee pewe wae rupi.

Filipenses 4:10

Che ayerowiaete aï jare amee yasurupái yandeYa pe peré. Echa’ä añawe pe reta peruruka ye ma chewe mbaembae mii chemborɨ waerä. Che aikuaa pe reta pemanduaño mái piko tëi cheré. Jaeño uata iko pewe kërái rupi ra chemborɨ waerä.

1 Juan 2:6

Jayawe ime yawe kía jei, “Che aï pëti ramiño Tumpa re” wae, jayawe tuiko kawi kërái Jesucristo iko rami.