2 Juan 1:2 - Biblia

² Kua ñee añetete wae jekuaeño oï yandepɨa pe jare jekuaeño oïta yande ndiwe jaeño mái pewa. Jare jokua ñee nduikuaa ramo, ore puau.

Guaraní Pe (Western): Simba

² Echa'ã jocua jecuaeño añete vae ico yandepɨa pe, jare icota yande ndive jaeño mai pegua.

2 Juan 1:2 Iomraidhean Croise

San Juan 14:16

Jare che aekata aï cheRu pe jae ombou waerä pewe ïru jokua nungaete Oporomborɨ wae oï waerä pe reta ndiwe jaeño mái pewa.

San Juan 15:7

“Erëi pe reta jekuaeño piñemɨïru kawi yawe che ndiwe jare jekuaeño piyapo yawe che pomboe wae rupi, jayawe pepuereta piyerure cheRu pe ipotawe mbae pipota wae re, jare cheRu uyapota oï pewe,” jei chupe reta.

1 Corintios 9:23

Jukuärái ko chereko, ñee ikawi wae Cristo rewa jekuaeño uñemɨái waerä yembɨawái mbae rewe. Echa’ä ñee ikawi wae uñemɨái yawe, che ayekouta wi jeta wae reta ndiwe mbaembae ikawi wae re – jae ko jokua mbaembae ñee ikawi wae rupi ou yandewe wae re.

2 Corintios 4:5

Ore mbaetɨ ko numɨmbeu ore rewaño. Numɨmbeu ko Jesucristo rewa kërái jae ko opaete mbaembae iYa. Ore parawete reta numae oriyé pewe nduyeyokui wae retaño ko, Jesús nduau ramo.

Colosenses 3:16

YandeYa Cristo iñee jekuaeño tuiko pepɨa pe. Piyembɨarakuaa päwe opaete arakuaa rewe. Pekäta wi Tumpa pe pemee rewe yasurupái chupe salmo reta, jare himno reta, jare ipotawe käta reta Tumpa jee pembutuicha waerä.

2 Timoteo 1:5

Chemandúa aï wi nderé kërái nderowia Tumpa re añetete rewe. Jukuärái wi ndiyarɨ Loida wɨrowia kawi Tumpa re. Jare jae imembɨ kuña – jae ko ndesɨ Eunice – wɨrowia kawi wi Tumpa re. Jare aikuaa añetete ko nderowia kawi wi.

2 Pedro 1:12

Kua mbaembae pe reta pikuaa kawi. Jare pepɨräta ma jese añetete wae ko. Erëi che jekuaeño pumɨmanduata kua mbaembae re awɨye peakañɨ chuwi waerä. Jare arowia ikawi ko ayapo waerä jukuärái che imeño aï rambuewe pe reta ndiwe kua cherekowe pe.

1 Juan 1:8

Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.

1 Juan 2:14

Pe pekuakuaa ma piko wae reta, pe reta pikuaa jokua iyɨpɨ wiwe ikoño mái wae. Jare jokua jeko pewa ko aikuatía aï pewe. Jare pe taurusu piko wae reta, pe reta pepɨräta peï Tumpa re, jare Tumpa iñee oï pepɨa pe, jare pemɨamɨri ma Añawasu. Jare jokua jeko pewa ko aikuatía aï pewe wi.

1 Juan 2:17

Jare kua ɨwɨ jeko opata oï. Jare jukuäraiete wi opata mbaembae ɨwɨ pewa reta uipota wae. Erëi ipotawe kía uyapo Tumpa jei wae ikota jaeño mái pewa. Jukuäraita ko.