2 Juan 1:12 - Biblia

¹² Ime tëi anoi jeta mbaembae jae pewe waerä, erëi aipota’ä jae pewe kua tupapire rupi. Echa’ä aipota a apou pepɨ yayemɨngeta waerä yayerecha rewe, jare jukuärái tuicha rupi yayerowiata päwe rewe.

Guaraní Pe (Western): Simba

¹² Aipota jeta jae peve, ẽrei jaeño ma jaeta peve cua tupapire pe. Echa'ã aipota aa pepɨ ñanemiari yandiyupe vaerã, yayerovia ete vaerã.

2 Juan 1:12 Iomraidhean Croise

San Juan 15:11

“Kua mbaembae jae ma pewe piyerowiaete waerä. Che ayerowiaete aï, jare che aipota wi pe reta penoi waerä kua yerowia che anoi wae,” jei Jesús jemimboe reta pe.

San Juan 16:12

“Ime tëi che anoi jeta mbaembae aikuaaka pewe waerä. Erëitu jokua uasaete ma oï pe reta pikuaa kawi waerä aramoete,” jei chupe reta.

San Juan 16:24

“Ndeiño peka Tumpa pe mbae cheree re. Erëi añawe piyerure chupe cheree re, jare cheRu uyapota oï pewe tuicha rupi piyerowia waerä,” jei Jesús chupe reta.

San Juan 17:13

“Erëi añawe, cheRu mii, che a yeta ma aï ndepɨ. Jare ayerure aï ndewe kua mbaembae re cheremimboe reta jowai, jukuärái jae reta uyerowiaete oï waerä che ayerowia rami,” jei.

San Juan 3:29

Añetete jae ko pëti kuimbae umenda oï wae rami, jare che jaeño ko kuimbae umenda oï wae umɨïru oï wae rami,” jei. “Kuñatái umenda oï wae ime pewaräño ko. Jare kuimbae umenda oï wae uyerowiaete oï jokua re. Jare umɨïru oï wae uyerowia oï umɨïru oï ramoño jare iñee re uyapɨsaka oï ramoño,” jei. “Jukuärái wi añawe che ayerowiaete aï yuraa ñonoï reta Jesús kotɨ ramo.

Romanos 15:24

Jáeramo añawe chepɨayemɨngeta ko a waerä ɨwɨ España kotɨ, joko pe amɨmbeu waerä chupe reta wi Cristo rewa. Jare jokotɨ asa aï rambuewe, aipota apɨta pepɨ Roma pe mbowɨ semana pewa pe reta ndiwe. Jare mbowɨ semana ma aï pe reta ndiwe yawe, aramoi pe reta pepuereta chemborɨ asa a waerä ɨwɨ España kotɨ.

2 Timoteo 1:4

Chemandúa aï wi nderesaɨ re karamboe a ye aiko ndewi yawe. Jáeramo che aipota echa nduecha ye ayerowiaete waerä.

Filemón 1:22

Jare ime ye pëti mbae mii aipota aeka ndewe wae. Iyapɨkatu mii chewe kiape ake waerä, echa’ä arowia ɨmambae ata apou pepɨ. Echa’ä aikuaa pe reta piyerure peï cheré Tumpa pe che aë waerä kua peresorɨru wi.

Hebreos 13:19

Jare che pumɨñera pe reta piyerure waerä cheré Tumpa pe jae chemondo ye waerä ɨmambae pekotɨ.

Hebreos 13:23

Aipota pikuaa waerä hermano Timoteo oë wɨte ma peresorɨru wi. Jae kua ara reta rupi uwäe yawe kua pe, araata che ndiwe a apou yawe pepɨ.

1 Juan 1:4

Jukuärái yawe, ore nduyerowiaeteta noï kuri añetete rewe. Jokuaerä ko kua mbaembae reta ore nduikuatía noï pewe.

3 Juan 1:10

Jáeramo che a awäe pepɨ yawe, che amɨmbeuta opaete wae jowake mbaembae jae uyapo oï wae. Echa’ä jae iyapu rewe uyemɨngeta kachi oreré. Jare jokuaño’ä uyapo oï. Jae uipota’ä etei wi umbɨasa ïru hermano reta ikotɨ̈a wi yuraa pepɨ wae. Jare ime yawe kía uipota tëi omborɨ kua uwata wae reta, Diótrefes oyopia chuwi jare umaeño’ä jese uyembatɨ waerä ïru hermano reta ndiwe. Jukuärái uyapo oï jae.